JUAN 6:30 - Wanaadi A'deddu

³⁰ Yaawä tönwanno cönä’döa’to chäwwä: —¿Ane’cäämö äwääne’ju’tojooje tödööjai manä ñaa neneedöje, ñaa maneecamjöiye yaawä? ¿Ane’cäämö mödöötai?

JUAN 6:30 Iomraidhean Croise

MAADOCO 15:32

Ñaa neneedöje cuduusa jäconno nä’to’ñojo mä’dä Äwaanacaanei, iisadaaediitacoomo Cajiichaanaichomo, ñaa ecamjöiye yaawä; quee cönä’döa’to. Yääje mmaja cöneetana’ta’to dea ñanno iiñäcä cuduusa jäcä ajäija’como.

MAADOCO 8:11

Yääje mma yaawä jaadiseeo cöneejoto Jesuuquidiito döiña. Cönaajäntoicho yaawä chääjadä töwäätäccujäätödööcomo. Tönwanno oneejadööje mmädä ene’ju’tojo cönnöja’to chäwwä, caju ñanooje yäänejootojooje.

JUAN 10:38

Dha’da Jaaja nödöödö nönge mmaja öwwä tödööa’jäcä önnödööne ecaanö’jai maato, öwö ya’deddu aneecamjö’da aweichaameiñe. Mädääje odhoowanääcäiñe eijai ña Jaaja yaaca yeichö, öwö dhaca weichö mmaja; quee cönä’döaacä Jesuuquidiito chäwwäiñe.

JUAN 12:37

Ñeenedööcomooje jooje ene’ju’tojo tödö’jödö weichaame Jesuuquidiito wwä, ñanno judhíocoomo aneecamjö’da dea cönä’ja’to.

JUAN 2:18

Yaawä judhíocoomo cönä’döa’to Jesuuquidiito wwä: —¿Ane’cäämö täneemöje tödööjai manä ñaa neneedöje, ñaa owaanäcä yeichö wetä mädä tödöötojo ’je aweichö?

JUAN 4:8

Jesuuquidiito nowaanomaadö ’je’da cönä’ja’to yäätä; jataaca cönä’ja’to äwanshi ejeemadööje.

JUAN 6:14

Ñanno soto Jesuuquidiito nödöödö ene’ju’tojo enennamo’jödö cönä’döa’to yaawä: —Ñäädä määdhä Wanaadi wa’deuwödö ecammanei töwe’emööje cönä’ja’dö; quee cönä’döa’to.

JUAN 6:2

Jooje soto cöntonto chääjadä töwwäiñe ene’jödö weijäcä ene’ju’tojo iiñö’jödö, yää cädäija’como adoncadööcomo.

JUAN 6:36

Yääje wä’döaaquene äwwäiñe: “Öwö yeene’mataame äwwäiñe, aneecamjö’da maato;” quee.

DOSECHO 4:30

Äjäädudu que cädäija’como adoncacooto, aashichaato mmaja tödööcäde, ene’ju’tojo mmaja, ännedö Jesuuquidiito eetö joi; que Wanaadi wwä cönä’döa’to ñanno quedeiyentecoomo.

1 CODINTIYO 1:22

Judhíocoomo ene’ju’tojo ene’se weneeneto; quidiiyeecocoomo ’quene towaanojo’ne töweichöcoomo tumjumma weneeneto.

EEWEDEO 2:4

Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.