JUAN 6:14 - Wanaadi A'deddu

¹⁴ Ñanno soto Jesuuquidiito nödöödö ene’ju’tojo enennamo’jödö cönä’döa’to yaawä: —Ñäädä määdhä Wanaadi wa’deuwödö ecammanei töwe’emööje cönä’ja’dö; quee cönä’döa’to.

JUAN 6:14 Iomraidhean Croise

MATEO 11:3

Jesuuquidiito döiña, ecamma’jo: —¿Ñäädä ca amäädä Äwaanacaanei, töwe’emööje tacaade naadö? ¿Anejjaane ñaa niyoomo’canä? quee cönä’döa’to ñanno Jesuuquidiito wwä.

MATEO 21:11

Anejjacoomo soto cönä’döa’to yaawä: —Jesuuquidiito määdhä, Naasade ñano, yää Caadideea ñano jata. Wanaadi wa’deuwödö ecammanei töwö; quee cönä’döa’to.

DUUCA 24:19

Töwö cönä’döaacä chäwwäiñe: —¿Ane’cäämö mma? Tönwanno cönä’döa’to: —Yää Jesuuquidiito Naasade ñano jäcä cöneeja’dätäichö. Töwö cönä’jaacä Wanaadi wa’deuwödö ecammajä’nei jäduujato. Jäduuje cönä’ja’dea täneemö tödöödö jäcä, tameedä soto neneedöcoomoje, Wanaadi owaadäädä mmaja.

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

JUAN 1:21

Tönwanno cöneecamma’joicho dea yaawä: —¿Änääcö amäädä yääje yeiya’jäcä? ¿Ñäädä ca amäädä Edía, Wanaadi wa’deuwödö ecammanei? quee cönä’döa’to. Juan cönä’döaacä: —Ng’jn, ñäädäjöönö öwö; quee. Yaawä tönwanno cönä’döa’to: —¿Ñäädä amäädä, yääje yeiya’jäcä, Wanaadi wa’deuwödö ecammanei töwe’emööje chääcadö naadö? quee cönä’döa’to. Töwö Juan cöneccujä’acä: —Ng’jn; quee.

JUAN 11:27

Maadata cönä’döaacä chäwwä: —Ee, Owaanomaanei, öwö wecaanö’a Äwaanacaaneije aweichö, Wanaadi nnedööje aweichö, edä nono de’cäi töwe’emööje cönä’ja’dö; quee cönä’döaacä Maadata Jesuuquidiito wwä.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 4:19

Yää eta’jäcä wodi cönä’döaacä: —Wanaadi wa’deuwödö ecammaneije ätö’ta öwwä.

JUAN 4:25

Yaawä ñäädä wodi cönä’döaacä: —Yoowanääcä na ñäädä Mesía we’tojo, ñäädä Äwaanacaanei. Töwö ye’a’jäcä tameedä necammajä’a’de cöwwäiñe; quee.

JUAN 4:42

Tönwanno cönä’döa’to ñäädä wodi wwä: —Ñaa necaanö’a eduuwa amäädä aneecamma’jödö jäcäinchädä mma’da; ñaa daja ñaa cöneetai chea dha’deddu. Ñaa owaanäcä na Äwaanacaanei chäänöngatooje yeichö, tameedä soto Ewaanacaaneichomooje yeichö; quee cönä’döa’to.

JUAN 6:2

Jooje soto cöntonto chääjadä töwwäiñe ene’jödö weijäcä ene’ju’tojo iiñö’jödö, yää cädäija’como adoncadööcomo.

JUAN 6:26

Jesuuquidiito cöneccujä’a’to: —Chäänönge yääje wä’döa äwwäiñe, änwanno cujiiyato yää aashichaato wödöönedö töntö’tamme’que aweichöcoomo jäcäinchädä’da, jooje äwääwashincho’jocoomo weijäcääne, yää wu’nedö que.

JUAN 6:30

Yaawä tönwanno cönä’döa’to chäwwä: —¿Ane’cäämö äwääne’ju’tojooje tödööjai manä ñaa neneedöje, ñaa maneecamjöiye yaawä? ¿Ane’cäämö mödöötai?

JUAN 7:40

Yää eta’jäcä soto wwäiñe anejjacoomo cönä’döa’to: —Ñäädä dämma määdhä, Wanaadi a’deddu ecammanei töwoomo’quemööje naadö; quee cönä’döa’to.

DOSECHO 7:37

Ñäädä dea Moisé cönä’döaacä iisadaaediitacoomo wwä: “Aneedawä Wanaadi töwa’deuwödö ecammanei nanonta’de äwwadäädäiñe, öwö yaanontäneedöje mmaja; ajimmotoncomooje dea na’de. Töwö yoije eichäcä’de;” quee cönä’döaacä Moisé chäwwäiñe.