JUAN 6:11 - Wanaadi A'deddu

¹¹ Yaawä Jesuuquidiito uu cönannäjöi. Chääjäcä töwa’deuwödö’jo cuntui tönoowanoomadö wwäiñe; ñanno cöneecamoicho yaawä soto wataajima’como wwäiñe. Yääje mmaja cönnöi chea na’cwacancomo, imjummadööcomo wa’cä.

JUAN 6:11 Iomraidhean Croise

MATEO 15:36

Yää aacä amoojato i’yaca’jödö cönannäjöi yaawä, na’cwacancomo’cä mmaja. Töwa’deuwödö’jo yää cöni’yajäätöi. Tönoowanoomadö wwäiñe cuntui yaawä. Tönwanno cöneecamoicho soto wwäiñe.

DUUCA 24:30

Yaawä chääjadäiñe töwääwashinchädaawä töwö uu cönannäjöi; chääjäcä cöna’deuwöi yaawä. I’yajäätödö’jo cunu’jätöi chäwwäiñe.

JUAN 21:10

Jesuuquidiito cönä’döaacä chäwwäiñe: —Na’cwacancomo ene’täcä, eduuwaato ani’yädööcomo; quee.

JUAN 21:13

Yaawä Jesuuquidiito cönannäjöi yää uu; cuntui chäwwäiñe; yääje mmaja na’cwacancomo.

JUAN 21:9

Yaawä töwaajäiya’comjäcä wa’to cadainchudu tänne cöneedantoicho, na’cwacaano ye’wä tödööajä, uu mmaja.

JUAN 6:23

Yääje mma yaawä anejja cudiiyada cönä’döi Tiweediya ñanno. Yäätä cönaajäi, uu jäcä Jesuuquidiito wa’deuwödö’jo soto wääwashincho’jocoomo dö’tä.

JUAN 6:9

—Määdhä mude’cä’cä wwä töweiye na ijaatoodea uu i’yaca’jödö, äiña döaajä; aacä na’cwacaano’cä mmaja. Jooje naato soto, cho’naiñe’da; quee cönä’döaacä Antedé.

DOSECHO 27:35

Yääje töwa’deuwö’jeje Paudo uu cönannäjöi; Wanaadi wwä cöna’deuwöi chääjäcä tameedä ñeetadööcomooje. Yaawä i’yacaadö’jo cönaajäntäi töwääwashinchädö.

DOMAANO 14:6

Ñäädä anooto ooto’jodhe tödöönei, Wanaadi wwonooje yääje nödööa. Ñäädä ooto’jodhe anooto ännöjöönö, Wanaadi wwonooje mmaja yääje nödööa dea. Ñäädä tameedä tänäänei, Wanaadi wwonooje yääje nödööa, aashicha Wanaadi wwä töwa’deuwancädä. Ñäädä tameedä änämjönö, Wanaadi wwonooje mmaja yääje nödööa dea, Wanaadi wwä aashicha töwa’deuwancädä mmaja.

1 CODINTIYO 10:31

Wanaadi wwonoojeene tameedä tödööjai maato, äwääwashinchädööcomo mmaja, owoocödööcomo enöödö mmaja, tameedä anejja tödöödö mmaja.

1 TEESADOONISENSE 5:18

Yeichöje aashicha adha’deutäcä Wanaadi jäcä, tameedä äjääcäiñe yeeja’dätäädö jona’da. Mädääje Wanaadi awei’sheiñe na, Jesuuquidiito ecaanö’nnamooje aweijäcaiñe.