JUAN 5:45 - Wanaadi A'deddu

⁴⁵ Chäänönge’da aweichöcoomo Jaaja wwä adheecammajä’täiñe’da wa’de öwö. Moisé mmaane adheecammaato’de, ñäädä mecaanö’atoodö.

JUAN 5:45 Iomraidhean Croise

DUUCA 16:29

Aawadán cönä’döaacä chäwwä: “Moisé nimennä’jödö töweiye na chäwwäiñe, Wanaadi wa’deuwödö ecammannamo nimenno’jocoomo mmaja. Yääne neta’ña’to;” quee Aawádan cönä’döaacä chäwwä.

JUAN 12:48

Ñäädä quiiñeme’nei, ya’deddu ämjummajöönö, nätämmencaja’de. Anooto wataamedaawä töwö nätämmencaja’de yää eduuwa töwa’deuwe wääneneedö eta’jödö weijäcä töwwä.

JUAN 7:19

“ ¿Moisé jönca cuntui äwwäiñe jenaado’jä waanontänä? Yääje yeichaame yää ännö’da määnetääne. ¿Ane’que’nei yeema’se maato? quee cönä’döaacä Jesuuquidiito.

JUAN 8:9

Ñanno wodi ene’nnamo’jödö cone’da cönä’döjoicho yaawä täwaanöcoomo jäcä. Tönwanno cöneeja’caicho yaawä tooni nshai, inchoncomo awa’de, mudeeshi jona tödööene. Jesuuquidiito mma töjääcäjeene cöno’nomjoi yaawä, ñäädä wodi acä mma.

DOMAANO 2:12

Ñanno jenaado’jä waanontänä towaanäcäiñe’da yeiyancädä conemjönö tödönnamo nännanö’aato’de yää waanontänä ’je’da yeichaame chäwwäiñe. Ñanno jenaado’jä waanontänä towaanäcäiñe yeiyancädä conemjönö tödönnamo mmaja nätämmencajaato’dede yää waanontänä imennaajä wä’dödö nönge.

CAADATA 3:10

Ñanno jenaado’jä waanontänä tödö’sa’como töwännanö’e naato. Edääje Wanaadi a’deddu imennaäjä nä’döa: “Ñäädä jenaado’jä waanontänä tödö’sato töwännanö’e na tameedäädä ännö’da yeiya’jäcä;” quee.