JUAN 5:44 - Wanaadi A'deddu

⁴⁴ ¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

JUAN 5:44 Iomraidhean Croise

MATEO 23:5

Tameedä tönnöe weneeneto soto wwäiñe töwäänejooto’comooje mma. Tönwanno yaacö’comje Wanaadi a’deddu imennaajä adäädö töjeecaichöcoomo de’cäcä immödööcomo, tajäädöcoomo jäcä mmaja. Yaacö’comje dea anejjacoomo soto womööcomo a’sadö e’jodhe’cä töwoomöcoomo a’sadö tödöödö.

DUUCA 19:17

Ñäädä cajiichaana cönä’döaacä chäwwä: “Chäänönge na, yaanonö aashichaato amäädä. She’coto’cä jäcä chäänönge awei’jödö weijäcä amäädä ma’de amoojadä jata edhaajäje;” quee cönä’döaacä.

JUAN 12:43

Tönwanno aashicha soto wa’deuwödö töjääcäiñe tumjumma cönä’ja’to jooje’cä, Wanaadi wa’deuwödö e’jodhe’cä.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 3:20

Ñäädä conemjönö tödöönei tawaanato yaacö’je’da töweiye nai; tawaanato wwadäädä eejö’da töwö tönnödö tacaade yä’dödö queiñe.

JUAN 5:41

“Aashicha jääcä soto wa’deuwödö tujunne’da öwwä na.

JUAN 8:43

¿Ane’que’nei aashicha aneeta’da maato neecammajäätödö? Etaajai’cha aweichöcoomo mmädä mädä.

DOMAANO 2:10

Tameedä chäänöngato tödönnamo mmaane aashicha töweichö’como neneeaato’de, aashichaato mmaja, täncanoode’da töweicho’como mmaja, judhío awa’de, judhíojöönö mmaja.

DOMAANO 2:29

Ñäädääne judhío neeneje na, tötö’tajäätödö aiño wäänejoodööne; tötö’tajäätödö jäcoono mmaja yää siicunsidaadoje weiñä chäänöngato. Yääje weiñä töweiye nai waanontänä imennaajä woije weiñä que’da, Epíiditu Santo ne’se’tädö woijeene. Ñäädä yääjato jäcä Wanaadi aashicha na’deuwa, sotoojönööne.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

2 CODINTIYO 10:18

Ñäädäjöönööne chäänönge na, töwö deaato wääcammadööjönööne; ñäädääne chäänönge na, Cajiichaana necammadööne.

JIDIIPENSE 2:3

Änwanno mma awei’sheiñe aweiyancädäiñe’da eichäcä, o’jodhe awei’sheiñe aweiyancädäiñe’da mmaja. Edääjeene eichäcä: O’jodhe ätö’tajä’ancädäiñe’da ajimmotoncomo adhe’jodheiñe tödöötäcä.

1 TEESADOONISENSE 2:6

Töjääcä aashicha soto wa’deuwödööcomo ñaa encanoodöje’da cönä’jaacä. Änwanno awa’deuwödööcomo mmaja, anejjacoomo soto wa’deuwödööcomo mmaja, ämjumma’da ñaa cönä’ja’dea. Jesuuquidiito nanontädööje töweichö jäcäinchädä adhaanontäjaiñe ñaa wei’jödö weichaame, yääje’daane ñaa cönä’jaacä.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

EEWEDEO 3:12

Jimmä, odhoowadäädäiñe eichäcä, anejja mma adhantawäiñe cone’da chö’tajäätö’no, Wanaadi nudooto jonno ä’sancwajo’no yaawä aneecamjö’da töweichö woije.

SANTIYAACO 2:1

Jimmä, ooto’jodhe soto ännö’da eichäcä, Jesuuquidiito ecamjödö ’je aweiya’como, ñäädä Cädhaajotoncomo aashichaato.

1 PEEDHODO 1:7

Yää wäntunaanö’nä aneecamjödööcomo noneeja, chäänönge yeichö eneejodö wetä. Oodo töweiye naichö naane’, töwaatameemöje yeichaame wa’to que choonecaadö. Töwaacö’je aneecamjödööcomo, oodo e’jodhe’cä täje yeiyajä. Chäänönge aneecamjödööcomo wääneja’jäcä Wanaadi äjääcäiñe aashicha na’deuwa’de yaawä, awa’deme’cato’dede, aashicha ayöödöaato’dede, Jesuuquidiito wääneja’jäcä.

JUUDHA 1:25

Ñäädä mma ñäädä Wanaadi, töseedujä’nato, Cäwaanacaaneichomo. Töwö Wanaadi Cädhaajotoncomo Jesuuquidiito ai aashicha wa’deutojooje na, o’jodhaatoje tä’täämöje mmaja; töwö cajiichaanaje mmaja na dea. Jenaado’jä ’jödöödä eduuwa naadö jona tödööene mädääje na, yeichöödäje yääje töweiyemööje dea. Amén.