JUAN 5:41 - Wanaadi A'deddu

⁴¹ “Aashicha jääcä soto wa’deuwödö tujunne’da öwwä na.

JUAN 5:41 Iomraidhean Croise

JUAN 12:43

Tönwanno aashicha soto wa’deuwödö töjääcäiñe tumjumma cönä’ja’to jooje’cä, Wanaadi wa’deuwödö e’jodhe’cä.

JUAN 5:34

Soto wwä yeecammajäätödö tujunne’da yeichaame. Edääje mmädä yääje wä’döaanä äwwäiñe, äwääwanaacadööcomo wetä.

JUAN 5:40

öwwadäädä aweejö’seiñe’da maato yää aweichöcoomo wutuiye yaawä.

JUAN 5:42

Yoowanääcä maato a’que äwwäiñe yeichö Wanaadi jummadö.

JUAN 5:44

¿Aaquene änwanno mmädä maneecanö’tädööde’ ? Änwanno awaacö’comje naadö naane’ aashicha soto wa’deuwödö äjääcäiñe, Wanaadi yäätonno ’jemjönö necammadö ämjumma’da.

JUAN 6:15

Jesuuquidiito dhowaanäcä cönä’jaacä töwoije’da cajiichaanaje täwaaca’se yeichöcoomo. Yääje yeijäcä töjääcäjeene cöntämä jöö de’cäi.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

JUAN 8:50

Täneejuque weichojo anencano’tä’da wa; yääje yeichaame töweiye na täneejuque weichojo encano’tänei, ñäädä tameedä emmencanei.

JUAN 8:54

Yaawä töwö cöneccujä’a’to; cönä’döaacä: —Öwö dea aashichaatoje wäätä’ta’jäcä, täje’da eijai ña yaawä wääcammadö. Jaajaane aashichaatoje ye’ta, ñäädä Awaanadiiyöcoomoje me’taatoodö.

1 TEESADOONISENSE 2:6

Töjääcä aashicha soto wa’deuwödööcomo ñaa encanoodöje’da cönä’jaacä. Änwanno awa’deuwödööcomo mmaja, anejjacoomo soto wa’deuwödööcomo mmaja, ämjumma’da ñaa cönä’ja’dea. Jesuuquidiito nanontädööje töweichö jäcäinchädä adhaanontäjaiñe ñaa wei’jödö weichaame, yääje’daane ñaa cönä’jaacä.

1 PEEDHODO 2:21

Mädääje töweiyaamoje Wanaadi adha’dejjatääne. Jesuuquidiito mmaja cönäntunamjöi chea äjääcäinchädäiñe, aneenedööcomooje töweiyemööje, töwö yei’jödö nönge mmaja aweichöcoomo wetä.

2 PEEDHODO 1:17

Yää ñaa cöneeneaacä Cumöötoncomo Wanaadi aashicha chääjäcä cöna’deuwa’dawä, iiñataadö cöneenejoichawä. Yaawä Wanaadi wa’deuwödö cönäätaacä ñaa wwä, ñäädä Aashichaato: “Önnedö umjummadö mä’dä; ta’cwaiñe wa chääjäcä;” quee cönäätaacä.