JUAN 5:39 - Wanaadi A'deddu

³⁹ Änwanno Wanaadi a’deddu imennaajä töna’de’tä määnetääne; yää a’de’tädö que mma aweichöcoomo chaana’cajai aweiyaatäiñe. Öwö jääcä ecammajä’taame yää imennaajä

JUAN 5:39 Iomraidhean Croise

MATEO 22:29

Jesuuquidiito cöneccujä’a’to; cönä’döaacä: —Änwanno chäänönge’da adha’deuwato odhoowanääcäiñe’da yeijäcä Wanaadi a’deddu imennaajä, Wanaadi jäduudu odhoowanääcäiñe’da yeijäcä mmaja.

MAADOCO 10:3

Yaawä Jesuuquidiito cönä’döaacä chäwwäiñe: —¿Aaquene Moisé adhaanontätääne? quee.

MAADOCO 12:10

“ ¿Ana’de’tä’da ca meiya’quene Wanaadi a’deddu imennaajä? Edääje nä’döa: Yää täju, maa amännamo cönquiiñemeecöichodö, anno’tojooje na eduuwa.

DUUCA 16:29

Aawadán cönä’döaacä chäwwä: “Moisé nimennä’jödö töweiye na chäwwäiñe, Wanaadi wa’deuwödö ecammannamo nimenno’jocoomo mmaja. Yääne neta’ña’to;” quee Aawádan cönä’döaacä chäwwä.

DUUCA 16:31

Yaawä Aawadán cönä’döaaca chäwwä: “Moisé nimennä’jödö aneeta’da yeiya’comjäcä, Wanaadi wa’deuwödö ecammannamo nimenno’jocoomo mmaja, töwäämaajo jonnoto yaadoncaajä eneetaame töwwäiñe tötö’tajäätödööcomo änsa’dumincha’da dea eijai ñaato;” quee cönä’döaacä Aawadán ñäädä tönsomaacato’jödö wwä; quee cönä’döaacä Jesuuquidiito.

DUUCA 24:25

Yaawä Jesuuquidiito cönä’döaacä chäwwäiñe: —¿Aaquene mädä wa’cä aneene’jutu’da maato dea? Mädä wa’cä tameedä Wanaadi wa’deuwödö ecammajä’nnamo nimenno’jocoomo aneecamjö’da maato.

DUUCA 24:27

Töwö cönaajäntäi yaawä chäwwäiñe ecammajäätödö töjääcä Wanaadi a’deddu imennaajä jäcä, Moisé nimennä’jödö jonno tameedä Wanaadi wa’deuwödö ecammannamo nimenno’jocoomo tacoicha tödööene.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

JUAN 1:45

Yääje mma yaawä Jediipe cöntämä Nataanaeede ujiiye; cönä’döaacä chäwwä: —Ñaa cöneedantäi ñäädä Moisé chääjäcä cömmennäichö, Wanaadi wa’deuwödö ecammannamo chääjäcä cömmennoichodö mmaja; Jesuuquidiito töwö, Naasade ñano, José nnedö; quee cönä’döaacä.

JUAN 5:32

Anejja töweiye na jääcä töwa’deuwemö; yoowanääcä na chäänönge yeichö töwö ya’deuwödö jääcä.

JUAN 5:36

Töweiye öwwä na Juan necamma’jödö e’jodhaato jaiñoone. Mädä Jaaja waanontädö tönnöe wääneneedö nene’ju’ja Jaaja yaanontänei’jödööje yeichö.

JUAN 5:40

öwwadäädä aweejö’seiñe’da maato yää aweichöcoomo wutuiye yaawä.

JUAN 5:46

Moisé nimennä’jödö töneecanö’e meicho’jo öwö mmaja cäcaanö’tädö dea, öwö jääcä imennäätö’da chäwwä.

JUAN 7:52

Yaawä tönwanno cönä’döa’to chäwwä: —¿Caadideea ñano ca amäädä dea? Oowanoomacä’ma Wanaadi a’deddu imennaajä jäcä, odhoowanääcä mödöiye yaawä Caadideea ñanno’da Wanaadi wa’deuwödö ecammanei we’tojo weichö; quee cönä’döa’to Niicodheemo wwä.

DOSECHO 13:27

Ñanno Jeduusadén ñancomo, chäädhajootoncomo mmaja, dhowaanäcäiñe’da cönä’jaacä Äwaanacaaneije Jesuuquidiito weichö. Chäwwäiñe ääta’da töweiye cönä’jaacä Wanaadi wa’deuwödö ecammannamo nimenno’jocoomo, yää wäädee tatoojo anooto waadäi töwaata’de’tä weneenedö. Töwwäiñe Jesuuquidiito tämaamöje yeichö e’ta’jäcä tönwanno cönnöicho ñanno nimenno’jocoomo wä’dödö nönge.

DOSECHO 17:11

Ñanno judhío cönä’ja’to Teesadoonica ñancomo e’jodhe aashicha yeichöcoomo. Tönwanno aashicha cöneeta’to Wanaadi a’deddu ecammajäätödö. Anooto waadäi tönemmenca cönä’ja’to Wanaadi a’deddu imennaajä, chäänönge Paudo necammajäätödööcomo yeichö eneedö wetä.

DOSECHO 26:27

Cajiichaana Aaquidiipa, ¿töneecanö’e manä Wanaadi wa’deuwödö ecammannamo necammajäätö’jocoomo? Yoowanääcä na töneecanö’e aweichö; quee cönä’döaacä Paudo.

DOMAANO 1:2

Jenaadä yää wätunnä Wanaadi cöneecammajoi töwa’deuwödö ecammannamo wwäiñe, dha’deddu imennaajä jäcä naadö.

DOMAANO 3:2

Tujunne mma’ne, tameedä yeichö mmädääne. Judhío wwäiñe Wanaadi cuntui ta’deddu.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

EEWEDEO 11:16

Yääje’daane cönä’ja’to; jata aashichaato jaiñoone cönencano’ta’to, caju ñanoone. Yääje yeijäcä Wanaadi ejöichä’da na Yaanadiiyöcoomoje töwäätä’tädö jäcä, ijaatädööcomo cönconeecaichö naane’.

EEWEDEO 11:35

Ecamjödö que anejjacoomo wodiiñamo töwä’jimmä’tädö wä’ja’a’como’jödö Wanaadi wwä cönaadoncajoicho. Anejjacoomo jenaado’jocoomo cönä’jajoicho töwäätä’maminchajoodöcoomo awä; töwäätu’cajo’seiñe’da töweiye cönä’ja’to, aashichaato jaiñoone töweicho’como aca töwaadoncadööcomo wetä yaawä.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.