JUAN 5:37 - Wanaadi A'deddu

³⁷ Ñäädä Jaaja, yaanontänei’jödö dea, töneenejo weneene tanoonöje weichö. Änwanno aneeta’da maato dha’deddu, aneene’da mmaja maato dea töwö.

JUAN 5:37 Iomraidhean Croise

MATEO 17:5

Yääje ya’deutaame dea ca’dutu tawaanato cöneejä immai’chäiñe. A’deu cönäätaacä yaawä ca’dutu do’taca: —Määdhä ñäädä Önnedö umjummadö, ta’cwaiñe chääjäcä waadö. Dha’deddu etaatäcä; quee cönäätaacä a’deu.

MATEO 3:17

A’deu cönäätaacä yaawä caju ña: —Määdhä ñäädä Önnedö umjummadö, ta’cwaiñe chääjäcä waadö; quee cönäätaacä a’deu.

MAADOCO 1:11

A’deu cönäätaacä yaawä caju ña: —Önnedö umjummadö amäädä; ta’cwaiñe wa äjääcä; quee cönäätaacä.

DUUCA 24:27

Töwö cönaajäntäi yaawä chäwwäiñe ecammajäätödö töjääcä Wanaadi a’deddu imennaajä jäcä, Moisé nimennä’jödö jonno tameedä Wanaadi wa’deuwödö ecammannamo nimenno’jocoomo tacoicha tödööene.

DUUCA 3:22

Epíiditu Santo cönä’täi ye’wä, täne, jaduuma nönge. A’deu cönäätaacä yaawä caju ña: —Önnedö umjummadö amäädä; ta’cwaiñe wa äjääcä; quee cönäätaacä.

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 14:9

Jesuuquidiito cönä’döaacä chäwwä: —¿Numa ajaadäiñe weichaame odhoowanääcä’da dea wanä, Jediipe? Ñäädä yeenenei, töneene mmaja Jaaja. ¿Aaquene yääje mä’döaanä: “Oomo enoojocä;” quee?

JUAN 15:24

Dhantawäiñe jooje aashichaato ännö’da wei’jo äächädääjemma choone’nadiiyöcoomo eichö. Tönwanno cöneenea’to yää önnö’jödö; yääje yeichaame quiiñeme’caato, Jaaja nichiiñeme’caato dea.

JUAN 5:32

Anejja töweiye na jääcä töwa’deuwemö; yoowanääcä na chäänönge yeichö töwö ya’deuwödö jääcä.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

JUAN 8:18

Mädääje na; öwö dea wääcamma, Jaaja mmaja yeecamma dea, ñäädä yaanontänei’jödö; quee cönä’döaacä Jesuuquidiito.

1 TIIMOTEO 1:17

Yääje yeijäcä aashicha tödööto’me na ñäädä Cajiichaana yeichöödoto, aashicha wa’deutojooje mmaja yeichöödäje. Töwäämamjönö töwö, töwäänemjönö mmaja, ñäädä mma Wanaadi, töseedujä’nato. Amén.

1 TIIMOTEO 6:16

Ñäädä mma töwö yeichöödoto. Töwö yeichojo na tawaanato aca, wötooto’jönö ña. Wanaadi eneenei’jödö ’je’da na soto, äänejöönö töwö yeijäcä. Töwö na aashicha wa’deutojooje, yeichöödäje tameedä Cajiichaanaje mmaja. Amén.

1 JUAN 4:12

Wanaadi eneenei ’je’da na soto. Yääje yeichaame cöwä’jumma’comjäcä töwö cötaacaiñe na. Mädääje chäänönge cä’döaato Wanaadi jummadö jäcä.

1 JUAN 4:20

Ñäädä edääjato wä’dödö: “Wanaadi tumjumma öwö;” queeto wä’dödö töweichacoono tönquiiñeme’que töweichaamato, töwä’dunaato ñäädä. Töweichacoono eneetaame ämjumma’da yeiya’jäcä ¿aaquene mmaja Wanaadi ämjummadö deaade’, ñäädä töneene’jödööjönöödä?

1 JUAN 5:9

¿Aashicha jönca soto necammadööcomo töneeta cäänetääne? Töwaacö’je aashicha tätamje na Wanaadi necammadö, yää Tönnedö jäcä töwö cöneecammaichö.