JUAN 5:19 - Wanaadi A'deddu

¹⁹ Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, Wanaadi nnedö töwoije mma tödööjai’cha na, Tumö nödöödö eneedö’jo mmaane tödööjai. Tameedä Tumö nödöödö tönnöe mmaja Iiñedö.

JUAN 5:19 Iomraidhean Croise

MATEO 26:39

Mänseedä’cä Jesuuquidiito cöntämä yaawä; tu’dhe cöne’mo’täi. Wanaadi wwä cöna’deuwöi; cönä’döaacä: —Jaaja, yääje eijai yeiya’jäcä mädä jääcä töweeja’dä’emööje naadö mäiñetuncajoi’che öwwä. Amäädä ätö’tajäätödö woijeene, öwö woije’daane; quee cönä’döaacä Jesuuquidiito.

DUUCA 21:15

Öwööne wu’a’de äwwäiñe awa’deuto’como, asejjedööcomo mmaja, tameedä ätu’de’tännamo wwäiñe ä’cana’cajo’da aweicho’como. Tönwanno eccujo’tojo ’je’da naato’de yaawä.

JUAN 10:18

Anejja yeemajai’cha na; öwö woije dea weichö wu’a. Öwö dea weichö u’jai wa, öwö mmaja eijai wa dea. Mädääje Jaaja yaanontäne; quee cönä’döaacä Jesuuquidiito.

JUAN 12:49

Öwö woije mma a’deuwö’da wa; ñäädä Jaaja, yaanontänei’jödö, cuntui öwwä wa’deutojo, noowanoomatoojo mmaja.

JUAN 12:50

Yoowanääcä na Jaaja waanontädö yeichöödäje weichojooje yeichö. Yääje yeijäcä Jaaja waanontädö woije töwa’deuwe wäänene; quee cönä’döaacä Jesuuquidiito.

JUAN 14:10

¿Aneecamjö’da ca manä Jaaja yaaca yeichö, öwö Jaaja aca weichö mmaja? Mädä töwa’deuwe wääneneedö öwö woije mma’da ya’deuwa. Määdhä Jaaja, yaaca naanei, määdhääne nödööja.

JUAN 2:19

Jesuuquidiito cöneccujä’a’to; cönä’döaacä chäwwäiñe: —Edä Wanaadi weichojo emajja’jäcä äwwäiñe öwö wödööa’dede aaduwaawä anooto; quee.

JUAN 3:3

Yaawä Jesuuquidiito cönä’döaacä chäwwä: —Chäänönge yääje wä’döa äwwä, ñäädä eduuwaatoje ennujöönö Wanaadi jataadö eneejai’cha na; quee cönä’döaacä Jesuuquidiito.

JUAN 5:21

Jaaja yä’ja’a’como tönaadonca, yeichöcoomo tunu’e. Mädääje mmaja Iiñedö tumjummadö wwäiñe tunu’e yeichöcoomo.

JUAN 6:38

Öwö caju ñanno we’ne öwö woijato tödööe’da, yaanontänei’jödö woijeene.

JUAN 8:28

Yääje yeijäcä Jesuuquidiito cönä’döaacä chäwwäiñe: —Soto nnedö annä’a’jäcä äwwäiñe yaawääne odhoowanääcäiñe wa’de ñäädä töwääcamma wääneneedöje weichö, öwö woije mma ännö’da weichö mmaja odhoowanääcäiñe na’dede. Jaaja wwä yoowanooma’jödö que töwa’deuwe wäänene.

JUAN 9:4

Öwö tödööjai wa yaanontänei’jödö tadaawaajui ano naadawäädä; coijaicho ne’a wetaadawa’cajooto’jönö.

DOSECHO 2:24

Wanaadi cönaadoncai yaawä yäämaajo jonno. Mädääje Wanaadi wäämanä cöne’jodheinchai, töwö Jesuuquidiito wäämanä wwä oto’jodheinchajoojai’cha yei’jödö weijäcä.

DOMAANO 6:4

Wautisaaje cöwä’dödööcomo que Quidiito wääwaaca’jödö nönge mmaja cääwaacatääne dea; töwääma cä’ja’quene yaawä. Yaawä töwö Tumö jäduudu aashichaato woije töwäämaajo jonno cönaadoncai. Chääjadoonoje cöweijäcäiñe cönwanno mmaja caadoncatääne dea yaawä, eduuwaatoje cöweichöcoomo wetä.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

1 CODINTIYO 15:12

Quidiito töwäämaajo jonno yaadonca’jödö töneecammajä’e ñaa weichaame ¿ane’que’nei yääje töwä’döe määnetääne änwanno dhantai: “Töwäämaajo jonno waadoncanä ’je’da na;” quee?

2 CODINTIYO 4:14

Ñaa owaanäcä na ñäädä yäämaajo jonno Cajiichaana Jesuuquidiito adoncanei’jödö wwä ñaa adoncatoojo mmaja Jesuuquidiito jadä; yaawä ajaadäiñe töwö Wanaadi Jesuuquidiito weichojo dö’tä ñaa adääa’de.

2 CODINTIYO 5:10

Tameedä cä’mencajaato’de Quidiito wwä; yaawä cöwaadäiñe cäje’jocoomo queiyato’de chäwwä, edä nono de’wä cönnö’jocoomo jäcäinchädä, aashichaato jeiñe mma, conemjönö jeiñe mma.

EUJEESIYO 2:5

cöweichöcoomo cuntui Quidiito jadä, cöcoone’nadiiyöcoomo awä töwääma cöwei’jocoomo weichaame. Aashicha Wanaadi weichö woije töwääwanaaca maato.

EUJEESIYO 3:16

Wanaadi wwä we’ca’a töwwä aashichaato naadö que odo’tadööcomo wejäädu’totoojo Epíiditu Santo ai, ñäädä Wanaadi jonnoto we’ajä.

JIDIIPENSE 3:21

Töwö ninwacaama’de cäjööcomo conemjönö töwö täjö aashichaato nönge. Yää nödööa’de töjäädudu que, yää tameedä to’nä tönnöe weneenedö que dea.

JIDIIPENSE 4:13

Tameedä tödööjai wa ñäädä jäädu’tänei Quidiito ni’wa’tädö que.

CODOOSENSE 1:11

Töne’ca’e ñaa weneene dea Wanaadi wwä äjäädu’toto’como töwö ijäädudu aashichaato que, adha’cwaniiyöcoomo que tameedä tönshinchä aweichöcoomo wetä yaawä, chincha’da aweichöcoomo wetä mmaja.

CODOOSENSE 1:16

Jesuuquidiito ai Wanaadi cönnöi tameedä tödööajä naadö, caju ña naadö mmaja, nono de’wä naadö mmaja, äänejöönö, täneeto mmaja. Jesuuquidiito ai mmaja Wanaadi cönnöi chea acu’shänääcomo, o’jodha’como mmaja, jäduuja’como mmaja, cajiichaanacoomo mmaja, nanno amoode. Töwö iiñödö mädä tameedä, töwö chäwwono mmaja.

1 TEESADOONISENSE 4:14

Cönwanno queecanö’ato Jesuuquidiito wääma’jödö, yaadonca’jödö mmaja. Queecanö’ato dea ñanno quedeiyentecoomo wä’jajo’jocoomo Wanaadi wwä anontotoojo Jesuuquidiito weejödö jadä.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

APOOCADIISI 2:23

Iiñacoomo mmaja wöja’aato’de. Tameedä quedeiyentecoomo dhowaanäcäiñe na’de yaawä soto tö’tajäätödö jadä’jödöödä tönemmenca weichö, chääwanööcomo mmaja. Awaadäiñe maneejemaato’de ännödööcomo woije.