JUAN 4:42 - Wanaadi A'deddu

⁴² Tönwanno cönä’döa’to ñäädä wodi wwä: —Ñaa necaanö’a eduuwa amäädä aneecamma’jödö jäcäinchädä mma’da; ñaa daja ñaa cöneetai chea dha’deddu. Ñaa owaanäcä na Äwaanacaanei chäänöngatooje yeichö, tameedä soto Ewaanacaaneichomooje yeichö; quee cönä’döa’to.

JUAN 4:42 Iomraidhean Croise

MATEO 1:21

Iiñedö nennua’de, dhanwa’cä, Jesuuquidiitoje e’täcä’de. Töwö mädääje nätä’täja’de choone’nadiiyöcoomo jonno tösootoi ewaanacaaneichomooje töweiyemööje töweijäcä; quee cönä’döaacä amoode.

DUUCA 2:32

Töwö na’de Wanaadi dhowaanojöncomo weiyuuducoomoje. Aashicha yeicho’como nu’a’de ñanno osootoi iisadaaediitacoomo wwäiñe; quee cönä’döaacä Simeón.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

JUAN 11:17

Yaawä Dáasado döiña Jesuuquidiito wä’döa’jäcä aacäichea anooto cönä’jaacä ewaaca’jödö jonno yeichö.

JUAN 17:8

Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 4:29

—Soto eneetantäcä. Töwö necammai öwwä tameedä wei’jödö. ¿Ñäädä’da ñäädä Äwaanacaanei? quee cönä’döaacä.

JUAN 4:41

Jooje anejjacoomo cöneecamjöicho yaawä töwö dha’deddu jaiñoone.

DOSECHO 13:23

Dawí weichöje Jesuuquidiito cönä’jaacä, ñäädä iisadaaediitacoomo Ewaanacaaneichomooje Wanaadi cönaanontäichö, jenaadä töneecamma’jödö nönge dea.

DOSECHO 4:12

Anejja wwä wääwanaacatoojo ejoodöjai’cha caato; anejja äätö ’je’da na edä nono de’wä soto wääwanaacato’como; quee cönä’döaacä Peedhodo.

DOSECHO 5:31

Ñäädä Wanaadi Jesuuquidiito cönnöi tönnäcä, ämu’demjönö dö’se; o’jodhe cönnöi, Cajiichaanaje mmaja, Äwaanacaaneije mmaja, tötö’tajäätödööcomo sha’duminchadö wetä iisadaaediitacoomo wwä, choone’nadiiyöcoomo ätäncwanno’joiye yaawä.

2 CODINTIYO 5:19

Edääje wä’dö’se weichö mädä: Töwö Wanaadi töjaadä ääweichacoonoje edä nono de’woncomo cönnöicho Quidiito ai; ñeejeque’näjöödöcoomoje choone’nadiiyöcoomo ännö’da cöneiyacä. Ñaa tadaawaajuije cuntui töjaadä ääweichacoonoje wä’dönä jäcä ecammajäätödö.

1 TIIMOTEO 4:10

Mädä jäcäinchädä dea töweetadaawa’cajo cäänetääne, töwäätana’tojo cäänetääne dea, Wanaadi nudooto ecamjödö weijäcä cöwwäiñe, ñäädä tameedä soto Ewaanacaaneichomo, töwaacö’je ñanno täcaanö’nnamo.

1 JUAN 2:2

Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.