JUAN 4:3 - Wanaadi A'deddu

³ Jaadiseeo wwä tacaade töweichö eta’jäcä Jesuuquidiito cönääma’täi Judheea ñanno; Caadideea ña cöntaacä.

JUAN 4:3 Iomraidhean Croise

MATEO 10:23

Anejja jataawä amaamincha’comjäcä, äänejeetäcä’de aneetaja. Chäänönge yääje wä’döa, tameedä iisadaaediitacoomo jataadöcoomo mämja’dä’tä’dadä Soto nnedö ne’a’de.

MAADOCO 3:7

Yääje mma yaawä Jesuuquidiito cöntämä chu’jä döiña tönoowanoomadö jadäiñe. Jooje soto Caadideea ñancomo chääjadä cöntonto dea.

DUUCA 17:11

Jeduusadén ña Jesuuquidito wötäädawä töwö cöntaacä Samaadiya ñano acä Caadideea ñano amoinche’da yeichö antai.

JUAN 1:43

Yää jenamma naadöje Jesuuquidiito töötä’se cönä’jaacä Caadideea ña. Töwö Jediipe cöneedantäi; cönä’döaacä chäwwä: —Jaadä eichä; quee.

JUAN 10:40

Yaawä Jesuuquidiito cönennacai chea Joodadán mänsemjona, Juan Wautiita wautisaaje tönnöe yei’jödö doiña; yäätä cönä’jaacä yaawä.

JUAN 11:54

Yääje yeijäcä tacaade Jesuuquidiito äämannäjö’da töweiye cönä’jaacä judhío döiñaiñe. Judheea ñanno töwö cöntämä anejja jataaca, jata ’jemjönö jäcä amoinche’da; Eujadaín ñano cönä’jaacä yää jata. Yäätä töwö cönä’jaacä tönoowanoomadö jadäiñe.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 3:22

Yää ’jeje Judheea ña Jesuuquidiito cöntämä tönoowanoomadö jadäiñe. Äächädä anooto iiña cönä’jaacä chääjadäiñe, wautisaaje soto tödöödöcoomoje.

JUAN 3:32

Töwö na’deuwa töneene’jödö jäcä, töneeta’jödö jäcä mmaja. Yääje yeichaame soto eta’se’da naato töwö ñeecammajäätödö.

JUAN 4:47

Ñäädä acu’shänä sotoi wwä eta’jäcä Judheea ñanno Caadideea ña Jesuuquidiito weejö’jödö, töwö cöntämä yaawä Jesuuquidiito döiña; cönä’döaacä chäwwä: —Ma’che jaadä; önnedö adoncata. Wäämanääje na; quee cönä’döaacä.

JUAN 7:1

Yää ’jeje Jesuuquidiito cönäämannä’acä Caadideea chäcä. Judheea chäcä töwäämannäjö’se’da cönä’jaacä judhíocoomo täma’se yeichomjäcä.