JUAN 4:14 - Wanaadi A'deddu

¹⁴ Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

JUAN 4:14 Iomraidhean Croise

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

MATEO 5:6

“Ta’cwaiñe eijai ñaato ñanno chäänönge töwei’sha’como, töwoocödö enö’se weiñä naichöje, ämiije weiñä naichöje mmaja; chäänönge yeicho’como chäwwäiñe nä’tua’de.

JUAN 10:10

“Tämeenato ne’a ememme’que mma, ema mmaja, imaaminchaiñe mmaja; öwö mmaane we’ne chäwwäiñe yeicho’como töweiye yeichö wetä töwä’caamöje’da.

JUAN 11:26

Ñäädä öwö yeecanö’nei ääma’da na’de yeichöje. ¿Yääje yeichö mecaanö’anä amäädä? quee cönä’döaacä Jesuuquidiito.

JUAN 4:10

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

JUAN 4:11

Yaawä ñäädä wodi cönä’döaacä: —Tuna anöntojo ’je’da dajaane ma; sö’je mmaja mädä tuna weja’catoojo. ¿Äshannoto yää weichojo tuna manammödö deeade’ ?

JUAN 4:13

Yaawä Jesuuquidiito cönä’döaacä chäwwä: —Edä tuna ennei emjätö’se mmaja na’dede yää ’jeje.

JUAN 4:36

Ñäädä natö amu’nei’jödö täjeema töweiye nai. Töwö ñi’jumma’jödö yeichöödoto yeichojooje na. Yaawä a’nädä ta’cwaiñe eijai ñaato, ñaatö’tänei’jödö acä amu’nei’jödö.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

JUAN 6:35

Jesuuquidiito cönä’döaacä: —Öwö ñäädä weichojo uu. Ñäädä öwwadoodono we’ajä ämiije’da na’de; öwö yeecanö’nei emjätö’se’da na’dede.

JUAN 6:58

Yää uu caju ñano we’ajä wecammaadö adhaadai’choncomo cönäu’cwaichodö nönge’da na. Yää ädeeja täcu’jödö weichaame cönä’jajoicho tönwanno. Mädä wecammaadö täu’nei mmaane yeichöje töweiye na’de; quee cönä’döaacä Jesuuquidiito.

JUAN 7:37

Yää comjedensiya wataamedö anootoi’chädö cönä’jaacä anooto täneejucaato. Yää anooto awä Jesuuquidiito cönammöi soto we’jumma’como antawäiñe; cönä’döaacä: —Ñäädä emjätö’sato neejö’ñojo öwwadäädä, aneenöiye.

DOMAANO 5:21

Conemjönö woijatooje wäämanä o’jodhe töweiye cönä’jaacä; eduuwa aashicha Wanaadi weichö woije daja chääjadoonoje cä’döjaato, yeichöödoto cöweicho’como töweiye yeichö wetä Cädhaajotoncomo Jesuuquidiito jäcäinchädä.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

2 CODINTIYO 1:22

Töwö Wanaadi cömaadaca’ñätääne; cöwwäiñe cuntui Epíiditu Santo, yää cöwwäiñe töweiyemö utuudu waajäntädööje.

EUJEESIYO 4:30

Wentumje mma Epíiditu Santo männöjootäi, ñäädä Wanaadi jonnoto we’ajä. Ñäädä Epíiditu Santo que mä’madaaca’ñojootäne Wanaadi sotoije aweichöcoomo adheene’ju’to’comooje, äwääwanaacadööcomo chäänönge yä’dödö wa’cä.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

APOOCADIISI 7:16

Tönwanno ämiije’da naato’de yeichöje, emjätö’se’da mmaja; shii wwä ä’dhau’cwajo’da naato’dede,

APOOCADIISI 7:17

Oweeja nnedö’cä tädai’chäneichomooje yeijäcä, ñäädä mude dö’tä naadö. Töwö nadääaato’de acuuwena judu wwadäädä, yää weichojo tuna. Wanaadi nichocca’de yaawä tameedä chäänacuuducoomo; quee cönä’döaacä inchomo öwwä.