JUAN 4:1 - Wanaadi A'deddu

¹ Yääje mma yaawä jaadiseeo cöneeta’to jooje Jesuuquidiito nowaanomaadö weichöcoomo, jooje soto wautisaaje tönnöeiñe yeichö mmaja, Juan e’jodhe’cä.

JUAN 4:1 Iomraidhean Croise

DUUCA 1:76

Amäädä shiichu’cä, Wanaadi o’jodhaato wa’deuwödö ecammaneije mätä’täja’de, Cajiichaana owaajo töötäämöje aweijäcä, chäämadö choonecaaneije,

DUUCA 19:31

Anejja wwä adheecamma’ja’comjäcä: “ ¿Ane’cotoojo mi’wadööcaato?” ca’jäcä, edääje eccujä’täcä’de: “Ñaa edhaajä nijumma;” quee caichäcä’de; quee cönä’döaacä Jesuuquidiito.

DUUCA 19:34

Tönwanno cönä’döa’to: —Ñaa edhaajä nijumma; quee cönä’döa’to.

DUUCA 2:11

Eduuwa Adheewanaacaneichomo nennui, Dawí jataacäi’jödö, ñäädä Quidiito, Cajiichaana.

DUUCA 7:13

Ñäädä wodi töwwä eneea’jäcä, Cajiichaana Jesuuquidiito wentumje cöneeneaacä; cönä’döaacä chäwwä: —Maamoi; quee.

DUUCA 7:19

Juan cöna’dejjaicho yaawä aacä tönoowanoomadö; cönenno’jaicho Jesuuquidiito ecamma’jo: “ ¿Ñäädä ca amäädä Äwaanacaanei, töwe’emööje tacaade naadö, anejjaane ñaa niyoomo’canä?” quee ecamma’jo.

JUAN 3:22

Yää ’jeje Judheea ña Jesuuquidiito cöntämä tönoowanoomadö jadäiñe. Äächädä anooto iiña cönä’jaacä chääjadäiñe, wautisaaje soto tödöödöcoomoje.

JUAN 3:26

Tönwanno cöntonto yaawä Juan döiña; cönä’döa’to chäwwä: —Owaanomaanei, ñäädä Joodadán mänsemjo ajaadä cönä’ja’dö, ñäädä mecammajä’aquennö, wautisaaje soto tödöödöcoomoje na. Tameedä soto chäwwadäädä nötaato; quee cönä’döa’to.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

1 CODINTIYO 1:17

Wautisaaje tödööneije’daane Quidiito yaanontäne, aashichaato wätunnä ecammajä’neijeene; ya’deddu shö’jano’tancädä’da, cuduusa jäcä Quidiito wääma’jödö ecammajäätödö jäduucadö queiñe owwä.

1 CODINTIYO 15:47

Awa’deenato dhanwa cönä’jaacä edä nono de’wonooje, nono döaajä. Yää ’jejaato dhanwa mmaane caju ñanooje na, ñäädä Cajiichaana Jesuuquidiito.

1 CODINTIYO 2:8

Edä nono de’woncomo cajiichaanacoomo dhowaanäcäiñe’da na yää; dha’da ei’jo mmaane cuduusa jäcä anaajoijo’da eichö cöneiya’to ñäädä Cajiichaana aashichaato.

2 CODINTIYO 4:5

Ñaa wwä ecammajäätödaawä töweichö dea aneecammajäätö’da ñaa weneene, Jesuuquidiito Cajiichaanaje yeichööne. Jesuuquidiito junnei äwwäiñe tödönnamooje mma töwääcamma ñaa weneene.

SANTIYAACO 2:1

Jimmä, ooto’jodhe soto ännö’da eichäcä, Jesuuquidiito ecamjödö ’je aweiya’como, ñäädä Cädhaajotoncomo aashichaato.

APOOCADIISI 19:16

Yoomö jäcä chäätö imennaajä cönä’jaacä, ijeetö jäcä mmaja. Cajiichaanacoomo Cajiichaanaichomo, ädhaamo Edhaajotoncomo mmaja, quee chäätö imennaajä cönä’jaacä.