JUAN 3:8 - Wanaadi A'deddu

⁸ Jejeichä naadö naane’, tumjummadö woije na’jimma. Töwääta mma äwwä ña’jimmadö, yääne’ yeejödö odhoowanääcä’daane’, iichotoojo odhoowanääcä’da mmaja. Mädääje mmaja ñanno Epíiditu Santo aiño wennua’como; quee cönä’döaacä Jesuuquidiito.

JUAN 3:8 Iomraidhean Croise

JUAN 1:13

Ñanno ñanno wodi ai’cha yennua’como, tujuunu woije’da yennua’como mmaja, soto woije’da yennua’como mmaja, Wanaadi woije yennua’comoone.

JUAN 3:7

Määcatoncai mädä wa’deuwödö jäcä äwwä: “Eduuwaatoje ennujai maato dea;” quee wä’döannö.

JUAN 3:9

Yaawä Niicodheemo cönä’döaacä: —¿Aaquene mädääje eijai ñai?

DOSECHO 2:2

Yaawä jadheedä cadeemedu nöngato cönäätai caju ña, jejeichä joojato wä’dödö nönge. Maa weichö wa’cäädä cönäätai, shuucu chaawä cönä’ja’todö.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

1 CODINTIYO 12:11

Tameedä mädoocomo nödööa ñäädä tooniyaano Epíiditu Santo. Töwö tumjummadö woije cöwaadäiñe cöweicho’como nu’a.

1 CODINTIYO 2:11

Soto dhowaanäcä’da töweiye nai töjimmä tö’tajäätödö, töwö dea mma dhowaanäcä na tötö’tajäätödö. Mädääje mmaja Wanaadi tö’tajäätödö owaanäcä’da na, Epíiditu Santo mma dhowaanäcä na.

1 JUAN 2:29

Änwanno odhoowanääcäiñe chäänönge Jesuuquidiito weichö. Yääje yeijäcä odhoowanääcäiñe eijai ña dea tameedä chäänönga’como Wanaadi nnacoomoje yeichöcoomo.