JUAN 3:5 - Wanaadi A'deddu

⁵ Jesuuquidiito cönä’döaacä chäwwä: —Chäänönge yääje wä’döa, ñäädä tuna ai ennujöönö, Epíiditu Santo ai ennujöönö mmaja Wanaadi jataacäi täjai’cha na.

JUAN 3:5 Iomraidhean Croise

MATEO 18:3

Töwö cönä’döaacä yaawä: —Chäänönge yääje wä’döa äwwäiñe, mude’cä’cä nönge ä’dö’da aweiya’comjäcä, Wanaadi acaajichaanaichomooje eijai’cha na.

MATEO 19:24

Yääje wä’döa äwwäiñe, macuusa dha’tadö tai wa’shadi omonque’jönö töweiye naichö naane’; töwaacö’je mma tönsomaacato wwä Wanaadi töcaajichaanaije tödööque’jönö na; quee cönä’döaacä Jesuuquidiito tönoowanoomadö wwäiñe.

MATEO 21:31

¿Äshono tumö waanontä’jödö cönnöi ñanno aacä cönä’ja’todö? quee cönä’döaacä Jesuuquidiito. Ñanno judhío edhaajotoncomo cönä’döa’to yaawä: —Ñäädä awa’deeto. Yaawä Jesuuquidiito cönä’döaacä chäwwäiñe: —Chäänönge yääje wä’döa äwwäiñe, ñanno acu’shänä jödaatai i’jummannamo mmaja, masuuduija’como mmaja, Wanaadi sotoije nä’döaato odhoowajoiñe.

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

MATEO 3:11

Öwö wautisaaje männöaato tuna que, ätö’tajäätödööcomo tösa’dumincha aweichöcoomo ene’ju’to’me. Ñäädä öncäcä ne’aanei mmaane jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä. Töwö wautisaaje ayöödöaato’de Epíiditu Santo queene, wa’to que mmaja.

MATEO 5:20

Edääje wä’döa äwwäiñe, judhío owaanomannamo e’jodheiñe jeene’da aweiya’comjäcä, aashicha aweichöcoomo, jaadiseeo e’jodheiñe’da aweiya’comjäcä mmaja, Wanaadi sotoije eijai’cha maato.

MAADOCO 10:14

Yää eneea’jäcä Jesuuquidiito cone’da cönä’jaacä; cönä’döaacä chäwwäiñe: —Neejö’ña’to mudeeshi’chä öwwadäädä; monoowatäätäi. Canno nönga’como ñanno Wanaadi sotoi.

MAADOCO 16:16

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

MAADOCO 9:47

Adheenudu nene’madö woije asaadijanga’jäcä u’cacä. Aashicha eijai ña ijaatoonomjödö mma adheenudu Wanaadi jataacäi äätädö; cone’da eijai ña a’nädäncädä adheenudu weichaame wa’to töwäätunque’emjönö aca awäätämaajodö.

DUUCA 13:24

—Mönaatata she’coto’cä ai owoomomöödöcoomo encano’tätääcä. Yääje wä’döa äwwäiñe, jooje naato’de töwoomomö’sa’como; omomjai’chaane.

DUUCA 13:3

Ng’jn, yääje’daane. Chäänönge yääje wä’döa äwwäiñe, tameedä änwanno mmaja, ätö’tajäätödööcomo änsa’dumincha’da aweiya’comjäcä, chäänöngeiñe mmaja männanö’ato’dede.

DUUCA 13:5

Ng’jn, yääje’daane. Chäänönge yääje wä’döa äwwäiñe, tameedä änwanno mmaja, ätö’tajäätödööcomo änsa’dumincha’da aweiya’comjäcä, chäänöngeiñe mmaja männanö’ato’dede; que cönä’döaacä Jesuuquidiito.

JUAN 1:13

Ñanno ñanno wodi ai’cha yennua’como, tujuunu woije’da yennua’como mmaja, soto woije’da yennua’como mmaja, Wanaadi woije yennua’comoone.

JUAN 3:3

Yaawä Jesuuquidiito cönä’döaacä chäwwä: —Chäänönge yääje wä’döa äwwä, ñäädä eduuwaatoje ennujöönö Wanaadi jataadö eneejai’cha na; quee cönä’döaacä Jesuuquidiito.

JUAN 3:4

Niicodheemo cöneecamma’joi yaawä: —¿Aaquene mmaja inchomo ennudu deeade’ ? Senö wenwaca mmaja omomjai töweichöjöönö töwennudu wetä mmaja; quee cönä’döaacä.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 3:19

Yääje yeijäcä ätö’tajäätödööcomo sha’duminchatääcä, Wanaadi wwadäädääne ä’jedennacaatäcä, ocoone’nadiiyöcoomo ecoccaiye. Yaawä Wanaadi nu’a’de äwwäiñe ta’cwaiñe aweicho’como.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

1 CODINTIYO 15:50

Edääje wä’döa äwwäiñe jimma: Mädä cäjööcomo naadö caju ña täjai’cha na, yää töwaatameemö tönnödööje tödööjai’cha yeijäcä yeichöödoto.

1 CODINTIYO 2:12

Cönwanno cöwwäiñe cönä’tui edä nono de’wonoojönö tö’tajo’tojo, Epíiditu Santoone, ñäädä Wanaadi dö’sennoto we’ajä. Ñäädä Epíiditu Santo cöwwäiñe cönä’tui Wanaadi nutuudu aashichaato cöwwäiñe naadö cowaanäcäiñe yeichö wetä.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

CAADATA 6:15

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; eduuwaatoje cöweichöcoomo tödööajä mmaane täje na.

EUJEESIYO 5:26

Töwö Quidiito cönä’tui quedeiyentecoomo shoomadööcomo wetä, tuna que choccadööcomo que, ta’deddu que choccadööcomo que mmaja.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.

1 JUAN 2:29

Änwanno odhoowanääcäiñe chäänönge Jesuuquidiito weichö. Yääje yeijäcä odhoowanääcäiñe eijai ña dea tameedä chäänönga’como Wanaadi nnacoomoje yeichöcoomo.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.