JUAN 3:34 - Wanaadi A'deddu

³⁴ Ñäädä Wanaadi nanontädö Wanaadi a’deddu necamma; Wanaadi Epíiditu Santo nu’a chäwwä ewontancädä’da.

JUAN 3:34 Iomraidhean Croise

MATEO 12:18

Määdhä ñäädä yaanonö, öwö ne’tä’jödö. Umjummadö töwö; ta’cwaiñe wa chääjäcä. Epíiditu Santo ’je wödööa’de. Öwö ya’deddu necammajä’a’de Wanaadi dhowaanojöncomo wwä.

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

JUAN 1:16

Mädä aashichaato töwääde’camjönö chäwwä naadö töwö cuntui cöwwäiñe. Ääde’wä aashichaato tunu’e weneene cöwwäiñe, aashichaato tuntu’jödö de’wä mmaja.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 16:7

Chäänöngato mädä wecammaadö, aashicha äwwäiñe eijai ña öötädö. Tä’da weiya’jäcä Ä’wa’täneichomo eejö’da eijai ña yaawä. Dha’da ööta’jäcä öwö wanonta’de äwwadäädäiñe.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 5:26

Jaaja wwä töweiye do’ta u’tojo. Töwö Tönnedö wwä cuntui chea do’ta u’tojo.

JUAN 7:16

Jesuuquidiito cönä’döaacä chäwwäiñe: —Edä tönoowanooma wääneneedö öwö ya’deddujöönö, yaanontänei’jödö a’dedduune.

JUAN 8:40

Yääje’daane maato; chäänöngato Wanaadi wwä neeta’jödö töneecamma weichaame yeema’se maato. Mädääje’daane Aawadán cönä’jaacä.

JUAN 8:47

Ñäädä Wanaadi nnedö Wanaadi a’deddu töneeta töweiye nai. Änwanno mmaane aneeta’da maato, Wanaadi nnacoomoje’da aweijäcäiñe; quee cönä’döaacä Jesuuquidiito.

DOSECHO 1:2

caju ña töötädö wa’cä. Caju ña töötädö owaajo tönaanontädö cöneicho; Epíiditu Santo woije töwö cönaanontoicho chäwwäiñe tödööemö jäcä.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

CODOOSENSE 1:19

Wanaadi woije dea tameedä Wanaadi weichö Quidiito wwä na.

CODOOSENSE 2:9

Quidiito wwääne na tameedä Wanaadi weichö.

APOOCADIISI 21:6

Yaawä töwö cönä’döaacä öwwä: —Tödööe na. Öwö ñäädä awa’deeto, yaatameedö mmaja. Ñäädä emjätö’sato wwä täje’da wänu’a’de weichojo tunai’chädö, yää acuuwena weja’cadö.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.