JUAN 3:29 - Wanaadi A'deddu

²⁹ Jötaanawä töweiye naichö naane’, ñäädä töjöötaamööne wodi yö’tä nä’döa. Ñäädä töjöötaamö weichacoono töjöötaamö a’deddu niyoomo’ca; töwö na’cwaincha yaawä ya’deuwödö etaadö’jo. Mädääje wa öwö, ta’cwaiñe wa jooje.

JUAN 3:29 Iomraidhean Croise

MATEO 22:2

—Edääje na Wanaadi cajiichaanaje yeichö. Dhanwa cönä’jaacä cajiichaana; töwö tönnedö jötaadö enennamooje soto cönaajä’maicho.

MATEO 25:1

“Edääje na Wanaadi töcaajichaanaije weiñä. Ajei’choto’ja’como cönä’ja’to amoojadä. Tönwanno cöntonto jötaanä ene tödhaawadööcomo dha’me. Yäätä töjöötaamö cönwomo’ca’to.

MATEO 9:15

Jesuuquidiito cönä’döaacä chäwwäiñe: —¿Aaquene mmaja jötaanä enennamo aamodööto deeade’ töjöötaamö töjaadäiñe yeichaame? Aneedawä anooto na’de choojonnoiñe töjöötaamö wataadojootojo; yaawä näänemaato’de.

DUUCA 15:6

Tömmai chaca töwä’döa’jäcä töjimmä na’dejjaato, töjaatawoncomo mmaja. Chäwwäiñe nä’döa: “Jaadä adha’cwainchatääcä, yeecönö shaadijaamö’jödö edantä’jödö weijäcä öwwä;” quee nä’döa ñäädä dhanwa.

JUAN 15:11

“Mädääje äwwäiñe ya’deuwa öwö ya’cwaniiyö ’je aweichöcoomo wetä, chäänönge jeene adha’cwaniiyöcoomo eiye.

JUAN 16:24

Eduuwa naadö jona tödööene öwö yeetö joi ane’catä’da maato. Eduuwaane öwö yeetö joi ane’ca’täcä’de, chääwa’cä adha’cwaniiyöcoomo weichö wetä.

JUAN 17:13

“Eduuwa wöta adöiña; edä ya’deuwa edä nono de’wä dea weichö, öwö ya’cwaniiyö dea töweiye yeichö wetä chäwwäiñe.

JUAN 3:30

Töwö täneejuque jeene ä’döjai ña, öwö mmaane dho’nä dea täjai wa; quee cönä’döaacä Juan Wautiita.

2 CODINTIYO 11:2

Öwö Wanaadi nutuudu que mani’ñeimmaato. Quidiito wwä maneecammatääne chääjadoonoje aweichöcoomo wetä, tooniño dhanwa wwä ajei’choto’jaato ecammadö töweiye naichöje.

JIDIIPENSE 2:2

ca’cwaimatääcä yääje yeiya’jäcä yää dea ätö’tajäätödööcomo tödöödö que, äwä’jummadööcomo que mmaja, aata’deucone aweichöcoomo que mmaja, yää dea ijummancädä.

1 JUAN 1:4

Edä ñaa nimenna äwwadäädäiñe ta’cwaiñe’cä jeene aweichöcoomo wetä.

2 JUAN 1:12

Jooje äwwäiñe täcammajä’emö naadö’je öwwä, yaawääne’ jajeeda jäcä ämmennä’da wa. Öwö jaiñoone adöiñaiñe öötä’se wa adheeneiñe, ääje’tacaane ca’deujä’täiye, chääwa’cä jeene ca’cwaniiyöcoomo eiye yaawä.

APOOCADIISI 21:9

Yaawä öwwadäädä amoode cöneejä, ñanno aacä amoojato’como amoode jimmä, ñanno aacä amoojato cancudu dha’me cönä’ja’todö, yää wätä’maminchanä yaatameetojo cu’tädö. Ñäädä amoode cönä’döaacä öwwä: —Ä’cäde sadä, yäätöiñonooajä weneejoiye äwwä, ñäädä Oweeja nnedö’cä jiñamo; quee cönä’döaacä.