JUAN 3:11 - Wanaadi A'deddu

¹¹ Chäänönge yääje wä’döa äwwä, towaano jäcä ñaa na’deuwa, töneene’jödö mmaja ñaa necammajä’a dea äwwäiñe; yääje yeichaame aneecamjö’da maato ñaa necammajäätödö.

JUAN 3:11 Iomraidhean Croise

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

MATEO 23:37

“Änwanno Jeduusadén ñancomo, Wanaadi wa’deuwödö ecammannamo töja’nnamo, äwwadäädäiñe anonta’como täju que töwääjä’nnamo; wameedi tönnacoomo tajä’sai o’nä tönnöe naichöje dea öwwadäädä adheenejö’seiñe wääneneedö’je, yääje awei’sheiñe’daane’ änwanno.

DUUCA 10:22

“Jaaja cuntui öwwä cajiichaanaje weichojo. Anejja dhowaanäcä’da na Iiñedö; Yummö mmaane dhowaanäcä. Yuumö owaanäcä’da mmaja, Iiñedö mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö; quee cönä’döaacä Jesuuquidiito.

JUAN 1:11

Töwö tönoonodö de’cäi yä’dö’jödö weichaame ijimmä ämjumma’da cöneiya’to.

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 12:49

Öwö woije mma a’deuwö’da wa; ñäädä Jaaja, yaanontänei’jödö, cuntui öwwä wa’deutojo, noowanoomatoojo mmaja.

JUAN 14:24

Ñäädä jummaneijönö mmaane ya’deddu woije ännö’da töweiye nai. Yää neecammajäätödö töneeta määnetäänedö öwö ya’deddujöönö yää, Jaaja a’dedduune, ñäädä yaanontänei’jödö.

JUAN 3:12

Edä nono de’wono jäcä neecammajäätödö aneecamjö’da maatoodö naane’. Töwaacö’je mma caju ñano jäcä neecammajäätödö aneecamjö’da eijai maato.

JUAN 3:13

“A’que na caju ñano wäncudu ’je’da, ñäädä Soto nnedö mmaane, caju ñanno cönä’täichö dea.

JUAN 3:3

Yaawä Jesuuquidiito cönä’döaacä chäwwä: —Chäänönge yääje wä’döa äwwä, ñäädä eduuwaatoje ennujöönö Wanaadi jataadö eneejai’cha na; quee cönä’döaacä Jesuuquidiito.

JUAN 3:5

Jesuuquidiito cönä’döaacä chäwwä: —Chäänönge yääje wä’döa, ñäädä tuna ai ennujöönö, Epíiditu Santo ai ennujöönö mmaja Wanaadi jataacäi täjai’cha na.

JUAN 5:43

Jaaja woije weejö’jödö weichaame änwanno jumma’da maato. Anejja töwoijato we’ajä yeiya’jäcä mmaane ecaanö’jai maato.

JUAN 7:16

Jesuuquidiito cönä’döaacä chäwwäiñe: —Edä tönoowanooma wääneneedö öwö ya’deddujöönö, yaanontänei’jödö a’dedduune.

JUAN 8:14

Jesuuquidiito cönä’döaacä chäwwäiñe: —Öwö dea wääcammataame chäänönge wääcammadö na. Öwö yoowanääcä na weejö’jödö, öötotoojo yoowanääcä mmaja. Änwanno mmaane odhoowanääcäiñe’da na öwö weejö’jödö, öötotoojo odhoowanääcäiñe’da mmaja na dea.

JUAN 8:26

Öwwä töweiye na jooje äjääcäiñe täcammajä’emö, chäänönge’da aweichöcoomo jäcä. Chäänöngato ñäädä yaanontänei’jödö; öwö ya’deuwa soto wwäiñe töwö ñeecamma’jödö nönge mmaja; quee cönä’döaacä Jesuuquidiito.

JUAN 8:38

Öwö töneecamma wäänene Jaaja neneejo’jödö öwwä; änwanno ’quene tönnöe määnetääne oomotoncomo necamma’jödö daja; quee cönä’döaacä Jesuuquidiito.

DOSECHO 22:18

Yaawä Cajiichaana Jesuuquidiito weneeaqueene. Töwö cönä’döaacä öwwä: “Ma’da’cä äjääne eetonno, Jeduusadén ñanno. Eetoncomo aneecamjö’da naato’de adha’deddu, jääcä mecammajä’aadö;” quee cönä’döaacä öwwä.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 3:14

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Daodiseea ñancomo quedeiyente edai’chäneichomo wwadäädä: “Edääje nä’döa ñäädä Chäänöngato, ecammajä’nei aashichaato, chäänöngato mmaja, tameedä Wanaadi nödöödö amoode’nänei’jödö: