JUAN 21:7 - Wanaadi A'deddu

⁷ Yaawä ñäädä Jesuuquidiito nijummadö cönä’döaacä Peedhodo wwä: —Owaanomaanei chajaane mä’dä; quee. Peedhodo wwä Jesuuquidiitoje yeichö eta’jäcä töwö cöneewontäi yaawä töwoomö de’wono awä, töwonque’da toweijäcä. Töwö cöne’duccai yaawä na’cwaca.

JUAN 21:7 Iomraidhean Croise

MAADOCO 11:3

Anejja wwä adheecamma’ja’comjäcä, “ ¿Ane’cotoojo mi’wadööcaato;” ca’jäcä, edääje caichäcä’de chäwwä: “Ñaa edhaajä nijumma; eduuwa mma nene’ja dea;” quee caichäcä’de; quee cönä’döaacä Jesuuquidiito ñanno aaco’como wwäiñe.

DUUCA 12:35

“Töweesomaajä’eedä eichäcä, adhaawadööcomo tämjannäädä mmaja.

DUUCA 2:11

Eduuwa Adheewanaacaneichomo nennui, Dawí jataacäi’jödö, ñäädä Quidiito, Cajiichaana.

DUUCA 7:47

Yääje yeijäcä edääje wä’döa äwwä, töwö choone’nadiiyö täncwanno’jo na, töwö chäwwä jooje jummadö weijäcä. Ñäädä she’caasa choone’nadiiyö encwanno’jaajä, jummatä’daiche; quee cönä’döaacä Jesuuquidiito.

JUAN 13:23

Tooni ñoowanoomadö cönä’jaacä Jesuuquidiito dö’tä yaatajiimaajä; ñäädä cönä’jaacä Jesuuquidiito nijummadö.

JUAN 19:26

Jesuuquidiito töwwä senö eneea’jäcä, tönoowanoomadö tumjummadö eneea’jäcä mmaja, töwö cönä’döaacä senö wwä: —Määdhä ñäädä ännedö, maama; quee cönä’döaacä, tönoowanoomadö tumjummadö ecammancädä.

JUAN 20:2

Töwö cöneeca’tömöi yaawä Simón Peedhodo döiña, yeichacoono Jesuuquidiito nowaanomaadö döiña mmaja, ñäädä Jesuuquidiito nijummadö. Madía cönä’döaacä chäwwäiñe: —Cädhaajotoncomo equeejödö tadä wedantäi; ¿äsha ca cönnöichodö jäcä; quee cönä’döaacä.

JUAN 20:20

Yaawä tamäädö cöneenejoi chäwwäiñe, tusuudadö mmaja. Ta’cwaiñe ñoowanoomadö cönä’ja’to yaawä töwwäiñe Tädhaajotoncomo eneea’jäcä.

JUAN 20:28

Yaawä Tomá cönä’döaacä: —Yeedhajä amäädä, Waanadiiyö mmaja; quee.

JUAN 21:20

Yaawä töwä’jedennaca’jäcä Peedhodo Jesuuquidiito nijummadö cöneeneaacä we’näje töncäcäiñe. Ñäädä dea cönä’jaacä töwääwashinchädaawäiñe Jesuuquidiito nnäcä yaatajiimaajä cönä’ja’dö dea, cöneecamma’joichö dea: “Owaanomaanei, ¿änääcö ayu’tai?” quee cönä’döa’dö dea.

JUAN 21:24

Öwö ñäädä Jesuuquidiito necamma’jödö. Öwö mädä wecammajä’a, mädä ömmennädö naadö. Owaanäcä na chäänönge ömmennädö yeichö.

JUAN 21:8

Yää ’jeje anejjacoomo Jesuuquidiito nowaanomaadö cöneejoto cudiiyada awä, jaji ijiiñadööje; amoinche’da cönä’ja’to nono jäcä, ijaatoodea soto meetodo mma.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

1 CODINTIYO 15:47

Awa’deenato dhanwa cönä’jaacä edä nono de’wonooje, nono döaajä. Yää ’jejaato dhanwa mmaane caju ñanooje na, ñäädä Cajiichaana Jesuuquidiito.

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

SANTIYAACO 2:1

Jimmä, ooto’jodhe soto ännö’da eichäcä, Jesuuquidiito ecamjödö ’je aweiya’como, ñäädä Cädhaajotoncomo aashichaato.