JUAN 21:23 - Wanaadi A'deddu

²³ Yäätonno ñäädä ääma’da yeichojo töneecamma töweiye cönä’ja’to Quidiito sotoi. Jesuuquidiito ääma’da yeichojo aneecamma’da yei’jödö weichaame. Edääje mmaane cönä’döaacä: “Öwö weejödö wa’cä ääma’da tödö’se weiya’jäcä cone’da tödööjai’cha ma;” queene cönä’döaacä.

JUAN 21:23 Iomraidhean Croise

MATEO 16:27

Tamoodedö jadäiñe Soto nnedö ne’a’de, Tumö nataadö töjääcä. Yaawä töwö nejeemaato’de tameedä soto waadäiñe iiñö’jocoomo nönge.

DOSECHO 1:15

Yaawä Peedhodo cönammöi quedeiyente antawäiñe; ñanno cönä’ja’to ijaatoodea sotooto de’wä tooni soto. Töwö Peedhodo cönä’döaacä chäwwäiñe:

DOSECHO 28:14

Yäätä quedeiyentecoomo ñaa cöneejodöi. Ñanno tödöiñaiñe ñaa amonno’joneeto; chääjadäiñe ñaa cönä’jaacä tooni semaana. Yää ’jeje ñaa cönääma’täi Dooma ña.

DOSECHO 6:3

Yääje yeijäcä ajimmotoncomo aneedantätääcä aacä amoojato dhanwaacomo, aashicha’como chääcadö dea, towaanojo’na’como, Epíiditu Santo jäduudu ’ja’como mmaja. Ñanno wwäiñe mädä tödööjotääcä.

1 CODINTIYO 11:26

Yääje yeijäcä Jesuuquidiito weejödö wa’cä töwö yääma’jödö meneejaato yää uu täcuudu waadäi, tängemö enöödö waadäi mmaja.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

SANTIYAACO 5:7

Yääje yeijäcä jimmä, aashicha tönshinchä eichäcä, Cajiichaana weejödö jonaane. Tönaudäcaato töweiye naichö naane’; töwö töquinchancädä’da conoojo wiiñadö jäcäinchädä tu’que yeichö waajäntädö niyoomo’ca, yä’cadö mmaja, yaawä jeene tönaichödö wau’cwangajä shoomadö wetä.

APOOCADIISI 2:25

Yää äwwäiñe naadö mmaane täijeene ajäichäcä, adöiña öötädö wa’cä.