JUAN 21:22 - Wanaadi A'deddu

²² Yaawä Jesuuquidiito cönä’döaacä chäwwä: —Öwö weejödö wa’cä ääma’da tödö’se weiya’jäcä, cone’da tödööjai’cha ma. Amäädä mmaane waanontädö woije eichä’de; quee.

JUAN 21:22 Iomraidhean Croise

MATEO 16:24

Yaawä Jesuuquidiito cönä’döaacä tönoowanoomadö wwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na öwö jääcäinchädä töwäntunamjödö, cuduusa jäcä tajoijodö jadä’jödöödä. Öwö umjummadö woije eijai ña.

MATEO 24:27

Tameedä täneemö jeene öwö, Soto nnedö, weejödö na’de, tameedä caju yäncucuudu tönaawanaanö’ca töweiye naichöje mmaja.

MATEO 24:3

Yaawä Odiiwo ’jödö ña cöntonto. Yäätä Jesuuquidiito wataajima’jäcä, töjääcäjeeneiñe töweichaawäiñe, ñoowanoomadö cönä’döa’to chäwwä: —Ñaa wwä ecammajä’cä; ¿ächännauwä’cä yää nai’che? ¿Ane’cäämö nai’che awe’tojo ene’ju’tojooje, anooto wataamedö ene’ju’tojooje mmaja? quee cönä’döa’to.

MATEO 24:44

Yääje yeijäcä änwanno mmaja odhoowoinchadäiñe’da eichäcä. Soto nnedö ne’a’de ätö’tajäätödööcomo ’nawä.

MATEO 25:31

“Cajiichaanaje töweichö wetä Soto nnedö we’a’jäcä, tamoodedö aashicha’como töjaadä, yaawä töwö nataajima’de tumuudei ye’wä, tawaanato töjääcä.

MATEO 8:22

Jesuuquidiito cönä’döaacä: —Ma’che jaadä. Yä’ja’a’como dea mmaane newaaca’ña’to töwä’ja’a’como; quee cönä’döaacä.

MAADOCO 9:1

Edääje mmaja Jesuuquidiito cönä’döa’dea chäwwäiñe: —Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de töjäädudu que Wanaadi cajiichaanaje yäänejoodö; quee cönä’döaacä Jesuuquidiito.

JUAN 21:19

Töwö yääje cöna’deuwöi o’jodhe Wanaadi weichö eneejotoojoje Peedhodo wäämadö ecammancädä. Yaawä töwö cönä’döaacä Peedhodo wwä: —Waanontädö woije eichä’de; quee.

JUAN 21:21

Ñäädä eneea’jäcä Peedhodo wwä töwö cönä’döaacä Jesuuquidiito wwä: —¿Määdhä ’na; aaquene määdhä weichojo nai? quee.

1 CODINTIYO 11:26

Yääje yeijäcä Jesuuquidiito weejödö wa’cä töwö yääma’jödö meneejaato yää uu täcuudu waadäi, tängemö enöödö waadäi mmaja.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

1 TEESADOONISENSE 2:19

Änwanno maato ñaa tö’tajo’tojooje, ñaa a’cwaniiyöje mmaja. Äjääcäinchädäiñe ta’cwaiñe ñaa na’de Cädhaajotoncomo Jesuuquidiito we’a’jäcä.

SANTIYAACO 5:7

Yääje yeijäcä jimmä, aashicha tönshinchä eichäcä, Cajiichaana weejödö jonaane. Tönaudäcaato töweiye naichö naane’; töwö töquinchancädä’da conoojo wiiñadö jäcäinchädä tu’que yeichö waajäntädö niyoomo’ca, yä’cadö mmaja, yaawä jeene tönaichödö wau’cwangajä shoomadö wetä.

SANTIYAACO 5:8

Ñäädä töweiye naichöje mmaja eichäcääde änwanno; ejääduqueejö’da eichäcä, Cajiichaana we’tojo amoinche’da yeijäcä.

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.

APOOCADIISI 2:25

Yää äwwäiñe naadö mmaane täijeene ajäichäcä, adöiña öötädö wa’cä.

APOOCADIISI 22:20

Ñäädä edä jäcä ecammajä’nei edääje nä’döa: —Ee, eduuwa mma wöta adöiña; quee nä’döa. Amén. Ä’cäde’de jaiñoone Cajiichaana Jesuuquidiito.

APOOCADIISI 22:7

—Eduuwa mma wöta adöiña. Ta’cwaiñe eijai ña ñäädä edä a’deu jajeeda jäcä imennaajä naadö chäänönge tödöönei.

APOOCADIISI 3:11

Eduuwa mma wöta adöiña. Täijeene ajäichä yää äwwä naadö, adheeje’jödö que mma mätänwajiiñajo’no.