JUAN 21:15 - Wanaadi A'deddu

¹⁵ Yaawä töwääwashincha’comjäcä Jesuuquidiito cönä’döaacä Simón Peedhodo wwä: —Simón, Joná nnedö, ¿cujummaanä amäädä canno e’jodhe’cä? Peedhodo cönä’döaacä: —Ee, Cajiichaana, odhoowanääcä ajummatä weichö; quee. Jesuuquidiito cönä’döaacä chäwwä: —Yääje yeiya’jäcä sootoi ewanshinchocooto’de, ñanno oweeja nnacoomo’cä nönga’como; quee.

JUAN 21:15 Iomraidhean Croise

MATEO 10:37

“Ñäädä öwö jummadö e’jodhe’cä tumö, senö ijummanei, sootoije eijai’cha na. Ñäädä öwö jummadö e’jodhe’cä tönnedö ijummanei, sootoije eijai’cha mmaja.

MATEO 16:17

Jesuuquidiito cönä’döaacä chäwwä: —Ta’cwaiñe eijai ma amäädä Simón, Joná nnedö. Sotoojönööne mädääje odhoowanoomane, Jaaja caju ñanoone.

MATEO 18:10

“Canno mudeeshi’chä mänquiiñeme’täi. Yääje wä’döa äwwäiñe, canno mudeeshi’chä edai’chännamo Jaaja caju ñano je’taca töweiye naato, ñanno amoode.

MATEO 26:33

Yaawä Peedhodo cönä’döaacä chäwwä: —Tameedä anejjacoomo wwä adhe’nomjataame, adhe’nomja’da dea eijai wa öwö.

MATEO 26:35

Peedhodo cönä’döaacä chäwwä: —Ajaadä wäämadö jonaane ojoome’däjai’cha wa; quee cönä’döaacä. Mädääje mmaja tameedä Jesuuquidiito nowaanomaadö cönä’döä’to dea.

MAADOCO 14:29

Yaawä Peedhodo cönä’döaacä chäwwä: —Tameedä anejjacoomo wwä adhe’nomjataame adhe’nomja’da dea eijai wa öwö.

DUUCA 12:32

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

DUUCA 22:32

Yääje yeijäcä Wanaadi wwä we’ca’ne ecamjödööje dea aweichojo. Yaawä aweeconeeca’jäcä ajimmä ijäädu’täcooto’de; quee cönä’döaacä Jesuuquidiito.

JUAN 1:42

Yää ’jeje töwö Antedé tudui cönaadäi yaawä Jesuuquidiito döiña. Jesuuquidiito wwä Peedhodo eneea’jäcä töwö cönä’döaacä chäwwä: —Simón amäädä, Joná nnedö. Peedhodoojeene adheetö na eduuwa; quee cönä’döaacä Jesuuquidiito. Täju, quee töwä’dö’se yeichö mädä Peedhodo.

JUAN 13:37

Yaawä Peedhodo cönä’döaacä: —Owaanomaanei, ¿ane’que’nei ajaadä täjai’cha wanä eduuwa? Äämajai chajaane wa ajunnei; quee.

JUAN 16:27

Töwö Jaaja dea äjummaato, jummatä aweichomjäcä, töneecanö’e aweichomjäcä mmaja Wanaadi jonno weejö’jödö weichö.

JUAN 21:12

Yaawä Jesuuquidiito cönä’döaacä chäwwäiñe: —Ä’täcä, määwashinchätäiye; quee. Tönwanno ecamma’jo’se’da cönä’ja’to, ¿änääcö ämäädä? quee töwä’dö’seiñe’da, dhowaanäcäiñe yeijäcä Jesuuquidiitoje yeichö.

JUAN 21:7

Yaawä ñäädä Jesuuquidiito nijummadö cönä’döaacä Peedhodo wwä: —Owaanomaanei chajaane mä’dä; quee. Peedhodo wwä Jesuuquidiitoje yeichö eta’jäcä töwö cöneewontäi yaawä töwoomö de’wono awä, töwonque’da toweijäcä. Töwö cöne’duccai yaawä na’cwaca.

JUAN 8:42

Jesuuquidiito cönä’döaacä chäwwäiñe: —Wanaadi oomotoncomooje ei’jo mmaane änwanno cujummatäädö, Wanaadi döiñanno we’eetö’da. Öwö woije’da we’ne, Wanaadiiñe yaanontäne.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 20:29

Yää ’jeje öncäcäädä adhantawäiñe naato’de quedeiyentecoomo acoicha’sa’como, mado tääde’cwada’como oweeja tönaacoichaiñe töweiye naichodööje.

DOMAANO 14:1

Aashicha ajaadäiñe tödöötäcä ñäädä ecamjödö jäcä jäduujemjönö; ñeecamjödö jäcä chääjadä mätäccujä’täi’che.

DOMAANO 15:1

Cönwanno ecamjödö jäcä jäduuja’como i’wa’täjai caato ñanno jäduujemjöncomo iiñödööcomo jäcä; cönwanno cöweichöcoomo mma encano’täjai’cha caato.

1 CODINTIYO 8:11

Mädääje towaanojo’ne aweichaame aweichacoono jäduujemjönö mishaadijannä’ca, ñäädä chääjäcäinchädä Quidiito cönäämaichö.

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

EUJEESIYO 4:14

Mudeeshi’chä nönge eijai’cha caato eduuwa, aneene’jutu’da’da; wätunnä waadäi ataadojoojai’cha caato dea, jejeichä nemannäjöödö töweiye naichöje. Ñanno wätäncu’tänä jäcä towaanojo’na’como wwäiñe ätäncu’tojoojai’cha mmaja caato dea, ñanno chäänöngemjönö ai cadä’seiñe weneenetoodö.

EUJEESIYO 6:24

Wanaadi nutuudu aashichaato yei’she wa dea tameedä wä’jummanä töwaatamemjönö que Cädhaajotoncomo Jesuuquidiito jummannamo wwä. Amén.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

EEWEDEO 4:13

Ane’cä’cä tödööajä ’je’da na Wanaadi wwä ootone’täjaicho. Tameedä täne na chäwwä, tacaade mmaja, ñäädä cämmencaneichomooje töweiyemö wwä.

1 PEEDHODO 1:8

Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.

1 PEEDHODO 2:2

Mude’cä’cä ennueenö shuushu tumjumma töweiye naichöje mmaja Wanaadi a’deddu chäänöngato ijummatääcä, yää que maatö’nä’täiye, tadoiñe odo’tadööcomo weichö wetä,

1 PEEDHODO 2:25

Jenaadä änwanno mä’ja’quene oweeja sadiijanga’como töweiye naichodööje. Eduuwaane adhennacaatäne Quidiito wwadäädä, ñäädä adhe’se’täneichomo, odo’tadööcomo edai’chänei mmaja.

1 JUAN 4:19

Cönwanno Wanaadi quiijummaato chäwwä awa’deene cumjumma’jocoomo weijäcä.

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

APOOCADIISI 2:23

Iiñacoomo mmaja wöja’aato’de. Tameedä quedeiyentecoomo dhowaanäcäiñe na’de yaawä soto tö’tajäätödö jadä’jödöödä tönemmenca weichö, chääwanööcomo mmaja. Awaadäiñe maneejemaato’de ännödööcomo woije.