JUAN 20:25 - Wanaadi A'deddu

²⁵ Yää ’jeje ijimmä cönä’döa’to chäwwä: —Cädhaajotoncomo ñaa cöneeneaacä; quee. Töwö Tomá cönä’döaacä chäwwäiñe: —Chaajuwa nöwä’jödö öwwä eneea’jäcääde, yää ajooja’jäcä öwwä, shuudadö ajooja’jäcä mmaja, yaawääne ecaanö’jai wa; quee.

JUAN 20:25 Iomraidhean Croise

MATEO 27:42

—Anejjacoomo töneewanaacaiñe cönä’jaacä; töwö dea ääwanaacajai’cha na eduuwa. Iisadaaediitacoomo Cajiichaanaichomooje yeiya’jäcä, cuduusa jäconno nä’to’ñojo eduuwa, ñaa ecamjöiye yaawä.

MAADOCO 16:11

Jesuuquidiito nudä yeichö eta’jäcä töwwäiñe, Madía wwä ene’jödö eta’jäcä mmaja, tönwanno aneecamjö’da cöneiya’to.

MAADOCO 16:13

Ñanno cöntonto yaawä; töjimmä wwäiñe cöneecammajäätöicho. Ijimma aneecamjö’da dea cönä’ja’to.

MAADOCO 16:14

Yää ’jeje mmaja jeene Jesuuquidiito cönäänejoi chea ñanno amoojadooto de’wä tooni’chomo wwäiñe, yääwashinchädaawäiñe. Töwö cömjiiyemeecöicho aneecamjö’da yei’jocoomo jo’tädööje, chäänönge’da chö’tajäätödööcomo weichö jo’tädööje mmaja, töwäämaajo jonno töwaadoncaajä tänennamo’jödö aneecamjö’da yei’jocoomo weijäcä.

DUUCA 24:25

Yaawä Jesuuquidiito cönä’döaacä chäwwäiñe: —¿Aaquene mädä wa’cä aneene’jutu’da maato dea? Mädä wa’cä tameedä Wanaadi wa’deuwödö ecammajä’nnamo nimenno’jocoomo aneecamjö’da maato.

JUAN 1:41

Yaawä dea mma töwö tudui Simón ujiiye cöntämä; cönä’döaacä chäwwä: —Ñaa cöneedantäi Mesía; quee cönä’döaacä. Äwaanacaanei, quee töwä’dö’se yeichö yää Mesía.

JUAN 20:27

Yaawä Jesuuquidiito cönä’döaacä Tomá wwä: —Adhaamädö dhadaadö que cajoojocä; yaamädö eneecä; suudadö ajoojocä. Aneecamjö’da’daane eichä, töneecanö’eene; quee cönä’döaacä.

JUAN 21:7

Yaawä ñäädä Jesuuquidiito nijummadö cönä’döaacä Peedhodo wwä: —Owaanomaanei chajaane mä’dä; quee. Peedhodo wwä Jesuuquidiitoje yeichö eta’jäcä töwö cöneewontäi yaawä töwoomö de’wono awä, töwonque’da toweijäcä. Töwö cöne’duccai yaawä na’cwaca.

JUAN 6:30

Yaawä tönwanno cönä’döa’to chäwwä: —¿Ane’cäämö äwääne’ju’tojooje tödööjai manä ñaa neneedöje, ñaa maneecamjöiye yaawä? ¿Ane’cäämö mödöötai?

EEWEDEO 3:12

Jimmä, odhoowadäädäiñe eichäcä, anejja mma adhantawäiñe cone’da chö’tajäätö’no, Wanaadi nudooto jonno ä’sancwajo’no yaawä aneecamjö’da töweichö woije.

EEWEDEO 3:18

¿Änä’camo jäcäiñe yääje Wanaadi cönä’döaacä: “Tönwanno aneejodö’da naato’de öwö untudu wäädeetatoojo;” quee? Ñanno jäcäiñe jönca yääje cönä’döaacä, ta’deddu woije ännöjöncomo’jödö jäcäiñe?