JUAN 20:19 - Wanaadi A'deddu

¹⁹ Yää anooto co’momöödawä dea tujuumä ñoowanoomadö cönä’ja’to; semaana waajäntädö anootoi’chädö cönä’jaacä. Tönwanno iiñata’tadööcomo ta’duque cönä’jaacä judhío nontädööcomooje. Yaawä Jesuuquidiito cöneejä, dhantawäiñe cönä’jaacä; töwö cöna’dejjaicho; cönä’döaacä chäwwäiñe: —Täncanoode’da aweicho’como äwwäiñe yei’she wa; quee.

JUAN 20:19 Iomraidhean Croise

MATEO 10:13

Yäätä soto aashichaato töweiye yeiya’jäcä, yää aashicha yeicho’como mecammaato’dedö chäwwä nä’tua’de. Aashicha’da yeiya’comjäcä mmaane äwwäiñeene nä’tua’de.

MATEO 18:20

Aacä mma öwö yeetö joi ye’jumma’como yeiya’comjäcä, aaduwaawä jeiñe, öwö wa’de chääjadäiñe; quee cönä’döaacä Jesuuquidiito tönoowanoomadö wwäiñe.

MAADOCO 16:14

Yää ’jeje mmaja jeene Jesuuquidiito cönäänejoi chea ñanno amoojadooto de’wä tooni’chomo wwäiñe, yääwashinchädaawäiñe. Töwö cömjiiyemeecöicho aneecamjö’da yei’jocoomo jo’tädööje, chäänönge’da chö’tajäätödööcomo weichö jo’tädööje mmaja, töwäämaajo jonno töwaadoncaajä tänennamo’jödö aneecamjö’da yei’jocoomo weijäcä.

JUAN 14:27

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

JUAN 16:22

Mädääje mmaja änwanno, eduuwa mma wentumje maato. Öwö maneeneaato’dede äcuude; yaawä ta’cwaiñe maato’de. Anejja adhenwajiiñajaiñe’da na’de yaawä adha’cwaniiyöcoomo que.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

JUAN 20:21

Yää ’jeje Jesuuquidiito cönä’döa’dea chäwwäiñe: —Täncanoode’da aweicho’como äwwäiñe yei’she wa. Jaaja yenno’janeedöje mmaja manenno’jaato öwö; quee cönä’döaacä.

JUAN 20:26

Aaduwaawä amoojato anoototo ai ñanno Jesuuquidiito nowaanomaadö we’jumma’como cönä’ja’to ä’saca; Tomá chääjadäiñe cönä’ja’dea. Yaawä Jesuuquidiito cöneejä, mönaatata ta’duque yeichaame; dhantawäiñe cönä’jaacä. Töwö cönä’döaacä: —Täncanoode’da aweicho’como äwwäiñe yei’she wa; quee.

JUAN 21:1

Yääje mma yaawä Jesuuquidiito cönäänejoi chea tönoowanoomadö wwäiñe, Tiweediya cu’jäi jawä, sa’dada de’wä. Edääje töwö cönäänejoi:

JUAN 21:14

Yää cönä’jaacä aaduwaawädeeto Jesuuquidiito wäänejoodö tönoowanoomadö wwäiñe töwäämaajo jonno töweeja’ca’jeje.

JUAN 7:13

Tönwanno tacaade’da töwa’deuwe cönä’ja’to chääjäcä, judhío nontädööcomooje.

DOSECHO 1:3

Yaawä töwääma’jeje töwö Jesuuquidiito nudä cönäänejoi chea chäwwäiñe aacä soto anooto, dhowaanäcäiñe yeichö wetä nudä töweichö. Chäwwäiñe töwa’deuwe cönä’jaacä Wanaadi töcaajichaanaije weiña jäcä.

DOMAANO 15:33

Wanaadi, ñäädä täncanoode’da weichojo u’nei, ajaadäiñe yei’she wa. Amén.

1 CODINTIYO 15:5

Yaawä töwö Quidiito cönäänejoi Peedhodo wwä; yää ’jeje ñanno amoojadooto de’wä aaco’como wwäiñe cönäänejoi chea.

EUJEESIYO 2:14

Töwö Quidiito ääweichacoonoje cödööneichomo’jödööje na. Aacä iju’jä cöweichöcoomo jonno töwö cojoodöjootäne, judhío, judhíojöncomo mmaja, tooni iju’jä mma cöweichöcoomo wetä. Töwö cöneemai cöneejontäneichomo’jödö, yää äätu’dedööje cöwei’jocoomo.

EUJEESIYO 6:23

Tameedä quedeiyentecoomo wwä täncanoode’da yeicho’como yei’she wa, wä’jummanä mmaja, ecamjödö mmaja, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

JIDIIPENSE 1:2

Aashichaato, täncanoode’da aweicho’como mmaja, äwwäiñe yei’she ñaa na Cumöötoncomo Wanaadi nutuudu, Cajiichaana Jesuuquidiito nutuudu mmaja.

2 TEESADOONISENSE 3:16

Ñäädä, täncanoode’da weichojo edhaajä, täncanoode’da aweicho’como nu’a yeichöödäje, tameedä aweichöcoomo jäcä. Cädhaajotoncomo ajaadäiñe na, tameedä aweichöcoomo wa’cä.

EEWEDEO 7:2

Ñäädä wwä Aawadán cuntui dhantai töweewänä’tädaawä töncana’ca’jödö. Edääje töwä’dö’se yeichö mädä Mequiisedeeque eetö: “Chäänönge weiñä edhaajä;” quee. Saden ñano cajiichaanai’chädööje töwö cönä’jaacä. “Täncanoode’da weiñä;” quee töwä’dö’se yeichö mädä “Saden” quee naadö. Yääje yeijäcä “Täncanoode’da weiñä edhaajä;” quee töwä’dö’se yeichö mmaja mädä Mequiisedeeque eetö.

3 JUAN 1:14

Eduuwa mma adheene’se wa, ääje’tacaane ca’deujätöiye.

APOOCADIISI 1:4

Öwö Juan, äwwadäädäiñe wimenna, änwanno Aasiya ñancomo quedeiyentecoomo, aacä amoojato ajaatadööcomo naadö. Aashichaato, täncanoode’da aweicho’como mmaja äwwäiñe yei’she wa, Wanaadi nutuudu, ñäädä eduuwa naadö, jenaadä cönä’ja’dö dea, äcuude na’dedö dea, ñanno aacä amoojato’como Epíiditu nutuudu mmaja, ñanno Wanaadi mudei o’wawä naatoodö,