JUAN 20:17 - Wanaadi A'deddu

¹⁷ Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

JUAN 20:17 Iomraidhean Croise

MATEO 12:50

Ñäädä Jaaja caju ñano woije tödöönei, ñäädä ñäädä yaacono, jaaduichö mmaja, maama mmaja; quee cönä’döaacä Jesuuquidiito.

MATEO 25:40

Yaawä Cajiichaana chäwwäiñe nä’döa’de: “Chäänönge yääje wä’döa äwwäiñe, tameedä sootoi jäcä mödöötäneedö, mäccö mmädä yeichaame töwö, öwwonooje dea yää mödöötäne;” quee nä’döa’de.

MATEO 28:7

Tamjä’ne ojoncomo; ñoowanoomadö wwäiñe ecammajä’tantäcä töwäämaajo jonno yaadonca’jödö. Töwö nöta Caadideea ña odhoowajoiñe; iiña meneeato’de. Mädääje mma wä’dö’se wä’jaanä äwwäiñe; quee cönä’döaacä ñäädä amoode wodiiñamo wwäiñe.

MAADOCO 12:26

¿Yä’ja’a’como töwaadonca yeichöcoomo jäcä ana’de’tä’da ca meiya’quene Moisé nimennä’jödö jäcä? Töwö Moisé cömmennäi chuuta wätuucadö do’tacanno töwwä Wanaadi wa’deuwö’jödö jäcä. Edääje Wanaadi cönä’döaacä chäwwä: “Öwö ñäädä Aawadán Waanadiyö, Isaaca Wanaadiyö mmaja, Jacoowo Wanaadiyö mmaja;” quee cönä’döaacä Wanaadi Moisé wwä.

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

DUUCA 10:4

Acanwaichomo mma manaadätäi’che, jödaata ewöötö mmaja, asaajatuichomo mmaja manaadätäi’chede. Ääma taawä soto jadäiñe owoojodööa’comjäcä, numa mma adha’deujä’täi’che chääjadäiñe.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 14:2

Jaaja mmai chaca jooje weichojo na. Yääje’da ei’jo mmaane wecammadö äwwäiñe. Öwö wöta aweicho’como chooneca.

JUAN 14:28

Änwanno metaato äwwäiñe ya’deuwöichö: “Öwö wöta, yää ’jeje we’a’dede adöiñaiñe”; quee wä’döannö. Äwwäiñe jumma’jäcä ta’cwaiñe meichädö Jaaja döiña öötädö eta’jäcä, Jaaja ye’jodhe yeijäcä.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:25

Jaaja chäänöngato, edä nono de’woncomo dhowaanäcäiñe’da ma; öwö mmaane yoowanääcä ma, canno mmaja dhowaanäcäiñe na dea yaanontänei’jödööje aweichö.

JUAN 17:5

Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.

JUAN 20:27

Yaawä Jesuuquidiito cönä’döaacä Tomá wwä: —Adhaamädö dhadaadö que cajoojocä; yaamädö eneecä; suudadö ajoojocä. Aneecamjö’da’daane eichä, töneecanö’eene; quee cönä’döaacä.

JUAN 7:33

Yaawä Jesuuquidiito cönä’döaacä: —A’dhe mma ajaadäiñe weichojo na. Yää ’jeje yennaca’de yaanontänei’jödö döiña mmaja.

DOMAANO 8:29

Ñanno jenaadä töne’tä’jödö töwö Wanaadi cönnöicho Tönnedö nönge töwä’döaamoje, ñäädä Iiñedö tameedä yuichoncomooje yeichö wetä.

2 CODINTIYO 6:18

Öwö oomotoncomooje wa’de; änwanno önnacoomoje maato’de; quee nä’döa Cajiichaana O’jodhaato; quee Wanaadi cönä’döaacä.

CAADATA 3:26

Ecamjödö jäcäinchädä tameedä änwanno Wanaadi nnacoomoje maato, Jesuuquidiito jadä äwä’dödööcomo que.

EEWEDEO 11:16

Yääje’daane cönä’ja’to; jata aashichaato jaiñoone cönencano’ta’to, caju ñanoone. Yääje yeijäcä Wanaadi ejöichä’da na Yaanadiiyöcoomoje töwäätä’tädö jäcä, ijaatädööcomo cönconeecaichö naane’.

EEWEDEO 8:10

Edääje mmaja Cajiichaana nä’döa dea: Edääje na’de Iisadaaeeda weichö wwäiñe neecammadö yää cu’nädaawä. Öwö ya’deddu wödööa’de chö’tajäätödööcomo aca, chääwanööcomo jäcä wimenna’de. Yaawä Yaanadiiyöcoomoje wa’de, tönwanno sootoije naato’de.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.

1 JUAN 3:2

Änwanno umjummadö, eduuwa caato Wanaadi nnacoomoje, yaawääne, cowaanäcäiñe’da dea na äcuude cöweicho’como. Edääje yeichö mmaane cowaanäcäiñe na, Jesuuquidiito we’a’jäcä töwö ñönge mmaja caato’de, töwö yeichö jaiñoone cöwwäiñe eneejäcä.

APOOCADIISI 21:3

Caju ña a’deu wetaaquene yaawä. Jooje cönäätaacä; cönä’döaacä: —Eneecä’ma, soto jadäiñe Wanaadi weichojo na eduuwa. Töwö nejaata’ta’de chääjadäiñe; tönwanno naato’de shootoije. Töwö dea na’de chääjadäiñe, Yaanadiiyöcoomoje.

APOOCADIISI 21:7

Ñäädä e’jodheinchanei’jödö wwä nä’tua’de tameedä mädä aashichaato. Öwö wa’de Yaanadiiyöje; töwö na’de önnedööje.