JUAN 20:1 - Wanaadi A'deddu

¹ Semaana waajäntädö anootoi’chädö wawaanadaawä Madía Maacadeena cöntämä äwa döiña, tööje yeichö dea. Yaawä täseeca täju cöneedantäi äwa nata’tajonno.

JUAN 20:1 Iomraidhean Croise

MATEO 27:56

Chääjadäiñe cönä’jaacä Madía Maacadeena, yää ’jeje Madía mmaja, ñäädä Jacoowo, José dheenöötoncomo; Seewedheeo nnacoomo dhenöötoncomo mmaja cönä’ja’dea.

MATEO 27:60

Töwö täwaadöje töweiyemööjato’jödö tödööenö aca cöneewaacai yaawä, täju töncajoodö aca. Äwa nata’tajo täju adai’joto i’wodiiñacaajodö’jo cöntämä yaawä.

MATEO 27:64

Yääje yeijäcä äwa edai’chädö jäcä anontocooto osootoi aaduwaawä anooto, Jesuuquidiito nowaanomaadö mma chääquejöödä ememme’que coijai eejö’noto, edääje soto wwäiñe ecammajäätödö wetä: “Töwäämaajo jonno Jesuuquidiito cönaadoncai;” quee töwä’dödööcomo wetä yaawä. Ätäncu’tojoojai ñaato yaawä soto, awa’deene töwei’jocoomo e’jodhe’cä jeene; quee cönä’döa’to jaadiseeo Pidaato wwä.

MATEO 27:66

Yääje mma yaawä ñanno jaadiseeo cöntonto. Äwa cömmadaaca’ñoicho yaata’duca’jödö ene’ju’tojooje. Yäätä suddaucoomo cönnämäicho, edai’chädööje.

MATEO 28:1

Wäädeetatoojo anooto ’jeje, semaana waajäntädö anooto wawaanadaawä, Madía Maacadeena, yeichacoono Madía mmaja cöneejoto yaawä äwa ene.

MATEO 28:2

Yääje mma yaawä nono cönäätu’mei jooje. Cajiichaana amoodedö caju ñanno cönä’täi. Täju cöneesecai; ye’wä cönaatajiimai yaawä.

MAADOCO 15:46

Yääje mma yaawä töwö José saawana tajääde’dato cöneejemai. Cuduusa jäconno Jesuuquidiito equeejödö enö’ta’jäcä yää saawana que cönaiñantäi yaawä. Yää ’jeje cöneewaacai yaawä äwa aca, täju töcaajä aca. Äwa nata’tajo täju cöni’wodiiñacai yaawä, dha’dutuuje.

MAADOCO 16:9

Töwäämaajo jonno Jesuuquidiito waadonca’jäcä, semaana waajäntädö anooto wawaanadaawä, töwö cönäänejoi awa’deene Madía Maacadeena wwä. Ñäädä cönä’jaacä aacä amoojato odo’sha dhacanno Jesuuquidiito nija’canö’jo’jödö.

JUAN 11:38

Yaawä Jesuuquidiito cone’da cönä’döjoi chea; cönä’döi yaawä äwa döiña. Yää cönä’jaacä ya’tadö mmädä; täju cönä’jaacä ye’wä, dha’dutuuje tödööajä.

JUAN 11:41

Yaawä täju cöneesecaicho yäämaajä a’duaajä de’wonno. Caju ña ene’mancädä Jesuuquidiito cönä’döaacä: —Jaaja, ta’cwaiñe wa ya’deddu töneeta aweijäcä.

JUAN 19:25

Jesuuquidiito cuduusai yö’tä cönä’jaacä yeenö; yeenö acoono mmaja cönä’ja’dea, ñäädä Madía, Quedeeojaasa jiñamo; Madía Maacadeena mmaja cönä’ja’dea.

JUAN 20:26

Aaduwaawä amoojato anoototo ai ñanno Jesuuquidiito nowaanomaadö we’jumma’como cönä’ja’to ä’saca; Tomá chääjadäiñe cönä’ja’dea. Yaawä Jesuuquidiito cöneejä, mönaatata ta’duque yeichaame; dhantawäiñe cönä’jaacä. Töwö cönä’döaacä: —Täncanoode’da aweicho’como äwwäiñe yei’she wa; quee.

DOSECHO 20:7

Yaawä semaana waajäntädö anootoi’chädö awä quedeiyentecoomo cöne’jummaicho Santa Seena tödöödö wetä. Paudo cöneecammajä’acä chäwwäiñe. Yää jenamma naadöje töwö iichotoojo cönä’jaacä; yääje yeijäcä yo’taca tödööene cöneecammajä’acä.

1 CODINTIYO 16:2

Semaana waajäntädö waadäi awaadäiñe töudäje shoomajai maato, töwwä töweiye yeichö woije. Änwanno yää i’jummajai maato, öwö ani’jummajo’da weichö wetä yaawä adöiñaiñe ööta’jäcä.

APOOCADIISI 1:10

Yaawä dominco awä, Epíiditu Santo woije wäädantäne; öncadheedä a’deu cönäätai yaawä töcä’de, janau’cwa etöödö wa’cä.