JUAN 2:6 - Wanaadi A'deddu

⁶ Yäätä cönä’jaacä tooni amoojato tuna ewöötö, ädiiñä döaajä. Adai’jocoomo cönä’jaacä yää, canaawa adai’joto ’cäwa’cä. Tuna ewöötö yää cönä’jaacä, judhío nödöödöcoomo, ñaamoichato’como.

JUAN 2:6 Iomraidhean Croise

DUUCA 16:6

Ñäädä cönä’döaacä yaawä: “Ijaatoodea soto daata chaatö wejeeque’nä’a;” quee cönä’döaacä. Yaawä ñäädä jödaata edhaajä jajeeda cuntui chäwwä, ñejeque näjöödö imennaajä a’täi; cönä’döaacä chäwwä: “Ma’da’cä ataajimaacä. Anejjeque’näjöödö imennaajä chamjiyaacacä; aacä sotooto de’wä amoojadä mma aneejeque’näjöödö imennäcä;” quee cönä’döaacä ñäädä jödaata edhaajä.

JUAN 2:7

Yaawä Jesuuquidiito cönä’döaacä äwanshi ecaamonnamo wwä: —Tuna ewöötö adö’tätääcä tuna que. Tönwanno cönaadö’toicho tu’que.

JUAN 3:25

Yaawä Juan nowaanomaadö cönäätäccujä’a’to judhío jadäiñe, wataamoichanä jäcä.

EUJEESIYO 5:26

Töwö Quidiito cönä’tui quedeiyentecoomo shoomadööcomo wetä, tuna que choccadööcomo que, ta’deddu que choccadööcomo que mmaja.

EEWEDEO 10:22

Yääje yeijäcä Wanaadi wwadäädä cöötätäiye chäänönge cötö’tajäätödööcomo yeiyancädä, chäänönge ecaanö’ancädä mmaja, conemjönö jonno cötö’tajäätödööcomo chocca’jödö weijäcä chäwwä, cäjööcomo chocca’jödö weijäcä mmaja tuna aashichaato que.

EEWEDEO 6:2

wautisaaje wä’döjoonä jäcä mmaja, quedeiyente de’wä tamäädö tödöödö jäcä mmaja, yä’ja’a’como waadoncato’como jäcä mmaja, yeichöödoto wätä’maminchajootojo jäcä ecammajäätödö mmaja.

EEWEDEO 9:10

Yääje weiñä töweiye na äwanshi choonecaadö jäcä mma, wocö choonecaadö jäcä mmaja, wataamoichanä jäcä mmaja. Tameedä yää na ye’wono que mma tödööemö. Yää tödööemje cönä’jaacä Wanaadi wwä inwacaamatoojo cu’nädö aca tödööene mma.

EEWEDEO 9:19

Tameedä waanontänä imennaajä Moisé cöneecammajäätöi tameedä soto wwäiñe. Yää ’jeje camiisha seweichato mmaja, isoopo adö mmaja cöneedhemmai jaaca nnedö’cä aquiiyö que, chiiwo aquiiyö que mmaja, tuna jadä oimaajä. Yää que Moisé jajeedä cönencu’shiimai yaawä, yää Wanaadi a’deddu imennaajä a’täi; soto mmaja cönencu’shiimaicho dea.