JUAN 2:25 - Wanaadi A'deddu

²⁵ Anejja chäwwä ecammajai’cha cönä’jaacä soto weichö, töwö dea dhowaanäcä yeijäcä tameedä soto tö’tajäätödööcomo.

JUAN 2:25 Iomraidhean Croise

MATEO 9:4

Jesuuquidiito dhowaanäcä cönä’jaacä yääje chö’tajäätödööcomo. Töwö cönä’döaacä: —¿Ane’que’nei cone’da ätö’tajä’ato dea?

JUAN 1:42

Yää ’jeje töwö Antedé tudui cönaadäi yaawä Jesuuquidiito döiña. Jesuuquidiito wwä Peedhodo eneea’jäcä töwö cönä’döaacä chäwwä: —Simón amäädä, Joná nnedö. Peedhodoojeene adheetö na eduuwa; quee cönä’döaacä Jesuuquidiito. Täju, quee töwä’dö’se yeichö mädä Peedhodo.

JUAN 1:47

Yaawä töwwadäädä Nataanaeede weejödö edanta’jäcä Jesuuquidiito cönä’döaacä chäwwä: —Määdhä ñäädä iisadaaediita chäänöngato, töwäätäncu’täjä’emjönö; quee cönä’döaacä Jesuuquidiito Nataanaeede jäcä.

JUAN 13:11

Töwö dhowaanäcä cönä’jaacä tu’nei; yääje yeijäcä yääje cönä’döaacä: “Tameedä’daane töcocca maato;” quee.

JUAN 6:61

Jesuuquidiito dhowaanäcä cönä’jaacä yääje ya’deuwödööcomo. Töwö cöneecamma’joicho yaawä: —¿Cone’da ca ayöödöjaato mädä ecammajäätödö?

JUAN 6:64

Yääje yeichaame änwanno dhantai aneecamjö’da dea maato; quee cönä’döaacä Jesuuquidiito. Töwö Jesuuquidiito jenaadäde dhowaanäcä cönä’jaacä ñanno aneecanö’jöncomo, tu’neije töweiyemö mmaja.