JUAN 2:11 - Wanaadi A'deddu

¹¹ Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 2:11 Iomraidhean Croise

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 1:43

Yää jenamma naadöje Jesuuquidiito töötä’se cönä’jaacä Caadideea ña. Töwö Jediipe cöneedantäi; cönä’döaacä chäwwä: —Jaadä eichä; quee.

JUAN 1:50

Jesuuquidiito cönä’döaacä chäwwä: —¿Yääje wä’dö’jödö weijäcä ca cäcaanö’anä: “Waju’nä o’nä aweichö maneeneaanä;” quee wä’dö’jödö weijäcä? Mädä e’jodhaato’cä meneea’de; quee cönä’döaacä.

JUAN 10:41

Jooje soto töötä cönä’ja’to yöiña. Tönwanno cönä’döa’to: —Juan Wautiita ene’ju’tojo ännö’da cöneiyacä, yääje yeichaame Jesuuquidiito jäcä tameedä ya’deuwö’jödö chäänönge na; quee cönä’döa’to.

JUAN 11:15

Dhamma jeene chääjadä’da wä’jaaquene; äjääcäinchädäiñe yääje wä’döa, mecaanö’täiye. Queenetantäiye eduuwa; quee cönä’döaacä Jesuuquidiito tönoowanoomadö wwäiñe.

JUAN 11:47

Yaawä jaadiseeo cöne’jummaicho Wanaadi wwä töwa’deuwaamo edhaajotoncomo jadäiñe, äcamma’jonnamo jadäiñe mmaja. Tönwanno cönä’döa’to: —¿Aaquene tödööjai caato? Ñäädä dhanwa jooje ene’ju’tojo tönnöe weneene.

JUAN 12:18

Yääje yeijäcä soto cöntonto Jesuuquidiito döiña töwwäiñe eta’jödö weijäcä aashichaato tödö’jödö chäwwä.

JUAN 12:37

Ñeenedööcomooje jooje ene’ju’tojo tödö’jödö weichaame Jesuuquidiito wwä, ñanno judhíocoomo aneecamjö’da dea cönä’ja’to.

JUAN 12:41

Ñäädä Isaía yääje cömmennäi Jesuuquidiito jäduudu ene’jödö weijäcä töwwä; Jesuuquidiito jäcä cöna’deuwacä.

JUAN 14:13

Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä.

JUAN 16:27

Töwö Jaaja dea äjummaato, jummatä aweichomjäcä, töneecanö’e aweichomjäcä mmaja Wanaadi jonno weejö’jödö weichö.

JUAN 16:30

Eduuwa ñaa owaanäcä na tameedä odhoowanääcä yeichö; anejja adheecamma’jojai’cha na. Yääje yeijäcä ñaa necaanö’a Wanaadi joono aweejö’jödö yeichö; quee cönä’döa’to.

JUAN 2:1

Aaduwaawä anoototo ai jötaanä soto cönnöa’to Caná ña, yää Caadideea nono de’wono jata. Yäätä Jesuuquidiito dhenö cönä’jaacä.

JUAN 2:23

Yaawä Weja’dätä’jä anooto comjedensiyai’chädö awä Jeduusadén ña Jesuuquidiito cönä’jaacä. Yaawä jooje soto cöneecamjöicho täneemö iiñödö eneedö’jo.

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 4:3

Jaadiseeo wwä tacaade töweichö eta’jäcä Jesuuquidiito cönääma’täi Judheea ñanno; Caadideea ña cöntaacä.

JUAN 4:46

Yaawä Jesuuquidiito cönennacai chea Caná ña, yää Caadideea nonoodö de’wono jata, tuna chääjedöödö eccuduuje tönaamode’nä’jödö döiña. Yäätä cönä’jaacä dhanwa, acu’shänä sotoi. Töwö iiñedö cädäije cönä’jaacä Cajeedamu ña.

JUAN 4:54

Yää cönä’jaacä aacädeeto täneemö tödöödö Jesuuquidiito wwä Judheea ñano’jödö Caadideea ña töwä’döa’jäcä.

JUAN 5:23

Yääje yeijäcä tameedä soto tönoiñe eneejai ñaato ñäädä Iiñedö, Yuumö nontädö wa’cä mmaja. Ñäädä Iiñedö ñontäneijönö Yuumö onnontä’da mmaja na dea, ñäädä Iiñedö anontänei’jödö.

JUAN 6:14

Ñanno soto Jesuuquidiito nödöödö ene’ju’tojo enennamo’jödö cönä’döa’to yaawä: —Ñäädä määdhä Wanaadi wa’deuwödö ecammanei töwe’emööje cönä’ja’dö; quee cönä’döa’to.

JUAN 6:2

Jooje soto cöntonto chääjadä töwwäiñe ene’jödö weijäcä ene’ju’tojo iiñö’jödö, yää cädäija’como adoncadööcomo.

JUAN 6:26

Jesuuquidiito cöneccujä’a’to: —Chäänönge yääje wä’döa äwwäiñe, änwanno cujiiyato yää aashichaato wödöönedö töntö’tamme’que aweichöcoomo jäcäinchädä’da, jooje äwääwashincho’jocoomo weijäcääne, yää wu’nedö que.

JUAN 6:30

Yaawä tönwanno cönä’döa’to chäwwä: —¿Ane’cäämö äwääne’ju’tojooje tödööjai manä ñaa neneedöje, ñaa maneecamjöiye yaawä? ¿Ane’cäämö mödöötai?

JUAN 7:31

Jooje soto cöneecamjöicho töwö; tönwanno cönä’döa’to: —¿Äwaanacaanei we’a’jäcä jooje ene’ju’tojo tödööjai ñai, määdhä e’jodhe’cä? quee cönä’döa’to.

JUAN 9:16

Yaawä anejjacoomo jaadiseeo cönä’döa’to: —Wanaadi anoonöje’da na ñäädä dhanwa, yääje ayöödöichö, wäädeetatoojo anooto onnontä’da naadö naane’; quee cönä’döa’to. Anejjacoomo ’quene cönä’döa’to: —¿Aaquene mmaja dhanwa conemjönö ene’ju’tojo ännödö deaade’ ? quee. Äänönge’da chö’tajäätödööcomo cönä’jaacä.

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

1 JUAN 5:13

Edä wimennäi äwwadäädäiñe änwanno Wanaadi nnedö ecaanö’nnamo, odhoowanääcäiñe yeichö wetä töwaatamemjönö weiñä ’je aweichöcoomo.