JUAN 19:5 - Wanaadi A'deddu

⁵ Yaawä Jesuuquidiito cöneeja’cai wesooca döaajä tuju’jä de’wä, seweichato awä. Pidaato cönä’döaacä judhío wwäiñe: —Määdhä ñäädä dhanwa; quee.

JUAN 19:5 Iomraidhean Croise

MATEO 27:29

Wesooca aca’ajä ijeemöichöje cönnöicho. Dee cönnöicho yaawä chänwawä, ämu’demjönö dö’se. Ije’taca tä’mudhe cönä’döjä’a’to enno’jätöödöje. Etaana’tädööje cönä’döa’to: —Amäädä ñäädä judhíocoomo Cajiichaanaichomo; quee cönä’döa’to.

JUAN 1:29

Yää jenamma naadöje Juan cöneeneaacä Jesuuquidiito töwwadäädä yeejödö. Töwö Juan cönä’döaacä yaawä: —Eneetäcä, määdhä ñäädä Oweeja nnedö’cä nöngato, Wanaadi nanontädö, tameedä soto cone’nadiiyöcoomo coccanei.

JUAN 19:2

Ñanno suddau wesooca aca’ajä ijeemöichöje cönnöicho. Yaawä camiisha seweichato awä cönwontoicho.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.