JUAN 19:4 - Wanaadi A'deddu

⁴ Yaawä Pidaato cöneeja’cai chea judhío döiñaiñe mmaja; cönä’döaacä chäwwäiñe: —Määdhä weneejä äwwadäädäiñe odhoowanääcäiñe yeichö wetä conemjönö iiñö’jödö aneejodö’da weichö; quee cönä’döaacä.

JUAN 19:4 Iomraidhean Croise

MATEO 27:19

Yaawä äcamma’jonei a’täi ye’wä Pidaato weichö ijiiñamo tanoonö cönaanontäi yöiña, edääje ecamma: “Conemjönö männöi’che ñäädä dhanwa aashichaato jäcä. Wäänetöödö ai weneeanä, cone’da wä’jaanä jooje;” quee ecamma.

MATEO 27:24

Pidaato dhowaanäcä cönä’jaacä yaawä soto e’jodheinchäjai’chaiñe töweichö. Jooje’cä mma soto wewoodoichadööcomo cöneeneaacä. Yääje yeijäcä töwö tuna cöne’catäi. Ñeenedööcomooje cönänwatöi; cönä’döaacä: —Öwö woijemjönö mädä määdhä aashichaato emaadö; änwanno owoija’comoone; quee cönä’döaacä.

MATEO 27:4

Töwö Juudha cönä’döaacä chäwwäiñe: —Conemjönö wödööne. Dhanwa aashichaato wu’ne; quee cönä’döaacä. Tönwanno cönä’döa’to: —Amäädä ’cä, owoijato dajaane mädä; quee.

MATEO 27:54

Nono wätu’medö eneea’jäcä, tameedä yääje yeeja’dätäädö eneea’jäcä suddau edhaajotoncomo wwä, Jesuuquidiito edai’chännamo wwäiñe mmaja, tönwanno jooje cönääcatoncaicho; cönä’döa’to: —Wanaadi nnedö dämma määdhä nä’jaanä; quee cönä’döa’to.

DUUCA 23:4

Yaawä Pidaato cönä’döaacä Wanaadi wwä töwa’deuwaamo edhaajotoncomo wwäiñe, soto wwäiñe mmaja: —Conemjönö määdhä nödö’jödö aneejodö’da weiya; quee cönä’döaacä.

DUUCA 23:41

Cöwö sa’donna cäntunaanö’a cöcoone’nadiiyö jo’tädööje; määdhä mmaane conemjönö iiñö’jödö ’je’da na; quee cönä’döaacä.

DUUCA 23:47

Yää eneea’jäcä ñäädä suddau edhaajotoncomo wwä töwö aashicha cöna’deuwöi Wanaadi jäcä; cönä’döaacä: —Chäänöngato dämma määdhä nä’jaanä; quee cönä’döaacä.

JUAN 18:33

Yää ’jeje Pidaato cönoomomöi chea acu’shänä ewöötö taca. Töwö Jesuuquidiito töwwadäädä cöna’dejjai; cönä’döaacä chäwwä: —¿Judhío Cajiichaanaichomo amäädä? quee.

JUAN 18:38

Yaawä Pidaato cönä’döaacä: —¿Ane’cäämö yää a’deu chäänöngato mecammaadö? quee. Yääje töwa’deuwö’jeje Pidaato cöneeja’cai chea judhío döiñaiñe; cönä’döaacä chäwwäiñe: —Conemjönö iiñö’jödö aneejodö’da weiya.

JUAN 19:6

Töwwäiñe Jesuuquidiito eneea’jäcä ñanno Wanaadi wwä töwa’deuwaamo edhaajotoncomo, waadiya mmaja, cönaajäntoicho töcä’tömjätöödöcoomo: —Cuduusa jäcä ajoijojoocä. Cuduusa jäcä ajoijojoocä; quee cönä’döa’to. Pidaato cönä’döaacä chäwwäiñe: —Änwannoone adäätäcä; cuduusa jäcä majoijotäiye. Öwö mmaane conemjönö iiñö’jödö aneejodö’da wa; quee.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

EEWEDEO 7:26

Cöwwäiñe tujunne töweiye cönä’jaacä yääjato cöjääcäinchädäiñe Wanaadi wwä töwa’deuwemö. Aashichaato töwö, conemjönö ’jemjönö mmaja, conemjönö dönnamo jonnoto wä’sancwajaajä mmaja, tameedä caju ñancomo e’jodhaato mmaja.

1 PEEDHODO 1:19

Quidiito aquiiyö aashichaato queene töwääwanaaca maato, oweeja nnedö’cä aashichaato yäätunui’chä’jödö ’jemjönö aquiiyö töweiye naichöjaato que.

1 PEEDHODO 2:22

Töwö Jesuuquidiito conemjönö ännö’da cöneiyacä, ätäncu’tä’da mmaja cöneiya’dea.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 JUAN 3:5

Änwanno odhoowanääcäiñe na cöcoone’nadiiyöcoomo jonno cöcoccaiñe Jesuuquidiito weejö’jödö. Töwö mmaane conemjönö ’je’da na.