JUAN 19:30 - Wanaadi A'deddu

³⁰ Yää casamjato shuuma’jäcä Jesuuquidiito cönä’döaacä: —Chäänönge nä’döi eduuwa; quee. Tuju’jä emmodö’jo cönaatacoichai yaawä.

JUAN 19:30 Iomraidhean Croise

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MATEO 27:50

Jesuuquidiito töcä’de cöncä’tömöi chea yaawä; cönaatacoichai yaawä.

MATEO 3:15

Jesuuquidiito cönä’döaacä chäwwä: —Öwö umjummadö woije tödööcä; tameedä Wanaadi waanontädö tödööemje na cöwwäiñe; quee cönä’döaacä Jesuuquidiito. Yaawä Juan wautisaaje cönnöi.

MAADOCO 15:37

Yaawä jäduuje töcä’tömöödö’jo Jesuuquidiito cönaatacoichai.

DUUCA 22:37

Edääje wä’döa äwwäiñe, Wanaadi a’deddu imennaajä naadöje töwä’döeemöje wa, yää edääje yä’dödö naichö: “Conemjöncomo jimmäje cöne’toicho;” quee. Tameedä yää Wanaadi a’deddu öwö jääcä tömennä naadö eja’dätä’da eijai’cha na; quee cönä’döaacä Jesuuquidiito.

DUUCA 23:46

Yääje mma yaawä Jesuuquidiito töcä’de cöna’deuwöi; cönä’döaacä: —Jaaja, äwwä tödööcä yeecato; quee cönä’döaacä. Yääje töwä’dödö’jo cönaatacoichai.

JUAN 10:11

Öwö ñäädä oweeja edai’chäneichomo aashichaato. Edai’chänei aashichaato töweichö nu’a oweeja jäcäinchädäiñe.

JUAN 10:18

Anejja yeemajai’cha na; öwö woije dea weichö wu’a. Öwö dea weichö u’jai wa, öwö mmaja eijai wa dea. Mädääje Jaaja yaanontäne; quee cönä’döaacä Jesuuquidiito.

JUAN 17:4

“Aashicha aweichö weneejone edä nono de’wä weichö. Öwö wä’cane taadawaajui mu’nedö jäcä.

JUAN 19:28

Yää ’jeje Jesuuquidiito dhowaanäcä cönä’jaacä tameedä chäänönge töwä’döe yeichö. Yaawä Wanaadi a’deddu imennaajä wä’dödö nönge yeichö wetä töwö cönä’döaacä: —Emjätö’se wa; quee.

JUAN 4:34

Jesuuquidiito cönä’döaacä chäwwäiñe: —Öwö yeewanshiñö yää yaanontänei’jödö waanontä’jödö tödöödö, chaadawaajui acoichadö wa’cä.

DOMAANO 10:4

Quidiito cönaacoichajoi yää jenaado’jä waanontänä; yääje yeijäcä tameedä Quidiito ecaanö’nei Wanaadi töjaadonooje nödööa.

DOMAANO 3:25

Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo.

1 CODINTIYO 5:7

Yää conemjönö ocoone’maato, jenaado’jä ummannä’cajootojo äwanshi töncone’ma töweiye naichöje mmaja. Yääje yeijäcä emaatäcä, yää ’je’daane meichäiye. Yaawä uu ummannä’cajootojo ’jemjönö töweiye naichöje eijai maato, yää Weja’dätä’jä anootoi’chädö äwä eduuwaato tödööajä täu’cwemööje weneenedö. Quidiito saaquidiijiisiyooje cönäämai cöjääcäinchädäiñe. Töwö yäämatoojo cu’tädööje Weja’dätä’jä anootoi’chädö awä oweeja nnedö’cä tönaamiiñä’ca cönä’ja’to.

JIDIIPENSE 2:8

Sotooje töwä’döa’jäcä i’she’jödööje cönä’döjoi. Wanaadi woije cönä’jaacä töwäämaane’jödöödä, yää cuduusa jäcä cönäämaichö.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 9:22

Jenaado’jä waanontänä imennaajä wä’dödö woije munu que amoichadö töweiye cönä’jaacä. Munu we’comoodö ’je’da yeiya’jäcä conemjönö choccatoojo ’je’da na yaawä.