JUAN 19:19 - Wanaadi A'deddu

¹⁹ Pidaato cömmennäjoi yaawä ta’de’täämö; cönaajoijojoi yaawä cuduusa jäcä. Edääje cönä’jaacä yää imennaajä: “Määdhä ñäädä Jesuuquidiito Naasade ñano, judhío Cajiichaanaichomo;” quee imennaajä cönä’jaacä.

JUAN 19:19 Iomraidhean Croise

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

MATEO 27:37

Jesuuquidiito ju’jä ejoodhe imennaajä ajoijaajä cönä’jaacä, edä jo’tädööje määdhä näämai, quee ene’ju’tojooje. “Määdhä ñäädä Jesuuquidiito, judhíocoomo Cajiichaanaichomo;” quee imennaajä cönä’jaacä.

MAADOCO 15:26

Cuduusa jäcä imennaajä ajoijaajä cönä’jaacä, Edä jo’tädööje määdhä näämai; quee ene’ju’tojooje. “Judhío Cajiichaanaichomo;” quee imennaajä cönä’jaacä.

DUUCA 18:37

Yäätoncomo soto cönä’döa’to chäwwä: —Jesuuquidiito Naasade ñano edä ai neja’dä’a; quee cönä’döa’to.

DUUCA 23:38

Iju’jä ejoodhe cönä’jaacä quidiiyeeco a’deucwe imennaajä, datiino a’deucwe mmaja, eewedeeo a’deucwe mmaja; “Määdhä ñäädä judhío Cajiichaanaichomo;” quee cönä’jaacä imennaajä.

JUAN 1:49

Yaawä Nataanaeede cönä’döaacä: —Owaanomaanei, Wanaadi nnedö amäädä. Ñäädä amäädä iisadaaediitacoomo Cajiichaanaichomo; quee cönä’döaacä.

JUAN 18:33

Yää ’jeje Pidaato cönoomomöi chea acu’shänä ewöötö taca. Töwö Jesuuquidiito töwwadäädä cöna’dejjai; cönä’döaacä chäwwä: —¿Judhío Cajiichaanaichomo amäädä? quee.

JUAN 19:12

Yäätonno Pidaato cöntö’tajäätöi u’ca’se, töwäädä judhíocoomo jooje cöncä’tömjä’a’tone’ yaawä. Tönwanno cönä’döa’to: —Määdhä äwwä u’ca’jäcä acu’shänä sotoije’da ma yaawä. Ñäädä cajiichaanajaato wätä’tädö acu’shänä tu’dedö ñäädä; quee cönä’döa’to judhíocoomo.

JUAN 19:14

Yaawä cönä’jaacä anunnaque yeichö, Weja’dätä’jä anooto waajäntotoojo jenamma naadöje. Yaawä Pidaato cönä’döaacä judhíocoomo wwä: —Eneetäcä’ma acaajichaanaichomo.

JUAN 19:21

Yaawä ñanno Wanaadi wwä töwa’deuwaamo edhaajotoncomo cönä’döa’to Pidaato wwä: —“Judhío Cajiichaanaichomo;” quee mämmennäjoi. Edääje mmaane imennäjoocä: “Judhío Cajiichaanaichomooje yäätä’tä’jödö;” queene; quee cönä’döa’to Pidaato wwä.

JUAN 19:3

Tönwanno cömjojeeta’mojäätöicho; cönä’döa’to: —Amäädä ñäädä judhío Cajiichaanaichomo; quee cönä’döa’to.

DOSECHO 26:9

“Jenaadä öwö mmaja tötö’tajä’e wä’jaaquene Jesuuquidiito Naasade ñano sotoi maminchadööcomo aashicha yeiyaatäi.

DOSECHO 3:6

Yaawä Peedhodo cönä’döaacä chäwwä: —Jödaata ’je’da öwwä na, oodo ’je’da mmaja. Yaawääne’, öwwä naadö mmaane wu’a äwwä. Jesuuquidiito Naasade ñano eetö joi edääje wä’döa äwwä: Aanöncä owoojoimadööje mma; quee cönä’döaacä Peedhodo.