JUAN 19:17 - Wanaadi A'deddu

¹⁷ Yaawä Jesuuquidiito tucuudusai ya’me cöntämä Ye’caichö’jödö ña; eewedeeocoomo yää töne’tä cönä’ja’to Coodocoota ñanoo; quee.

JUAN 19:17 Iomraidhean Croise

MATEO 10:38

Ñäädä jaadä töweichö wetä öwö jääcäinchädä äntunaanö’jaichojöönö, cuduusa jäcä äämajaichojööno mmaja, sootoije eijai’cha na.

MATEO 16:24

Yaawä Jesuuquidiito cönä’döaacä tönoowanoomadö wwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na öwö jääcäinchädä töwäntunamjödö, cuduusa jäcä tajoijodö jadä’jödöödä. Öwö umjummadö woije eijai ña.

MATEO 27:37

Jesuuquidiito ju’jä ejoodhe imennaajä ajoijaajä cönä’jaacä, edä jo’tädööje määdhä näämai, quee ene’ju’tojooje. “Määdhä ñäädä Jesuuquidiito, judhíocoomo Cajiichaanaichomo;” quee imennaajä cönä’jaacä.

MAADOCO 10:21

Jesuuquidiito tujunne cöneene’maacä ñäädä dhanwa. Töwö cönä’döaacä chäwwä: —Töweiye dea na äwwä tödööemö. Tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwäiñe, caju ñaane tönsomaaque meiye. Ä’cäde’de yaawä; öwö umjummadö woije eichä’de yaawä. Cone’da männöi’che jääcäinchädä äwäntunamjödö, cuduusa jäcä adhaajoijodö jadä’jödöödä; quee cönä’döaacä Jesuuquidiito.

MAADOCO 15:26

Cuduusa jäcä imennaajä ajoijaajä cönä’jaacä, Edä jo’tädööje määdhä näämai; quee ene’ju’tojooje. “Judhío Cajiichaanaichomo;” quee imennaajä cönä’jaacä.

MAADOCO 15:32

Ñaa neneedöje cuduusa jäconno nä’to’ñojo mä’dä Äwaanacaanei, iisadaaediitacoomo Cajiichaanaichomo, ñaa ecamjöiye yaawä; quee cönä’döa’to. Yääje mmaja cöneetana’ta’to dea ñanno iiñäcä cuduusa jäcä ajäija’como.

MAADOCO 8:34

Yaawä Jesuuquidiito cöna’dejjaicho soto, tönoowanoomadö mmaja. Töwö cönä’döaacä chäwwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na jääcäinchädä töwäntunamjödö, cuduusa jäcä tajoijodö jadä’jödöödä. Öwö umjummadö woije eijai ña.

DUUCA 14:27

Ñäädä jaadä töweichö wetä öwö jääcäinchädä äntunaanö’jaichojöönö, cuduusa jäcä äämajaichojöönö mmaja, noowanoomadööje eijai’cha na.

DUUCA 23:26

Jesuuquidiito töwwäiñe adäädawä soto cönaajoicho, audaajä awonno yeejödö; Sideene ñano cönä’jaacä ñäädä, Simónje chäätö. Ñäädä de’wä cuduusa cönnöicho Jesuuquidiito ncäcä adäädö wetä chäwwä.

DUUCA 23:33

Cönä’döicho yaawä Ye’caichö’jödö ña. Yäätä cuduusa jäcä cönaajoijoicho. Ñanno conemjönö dönnamo’jödö iiñäcä cönaajoijoicho dea, ääjato.

DUUCA 23:38

Iju’jä ejoodhe cönä’jaacä quidiiyeeco a’deucwe imennaajä, datiino a’deucwe mmaja, eewedeeo a’deucwe mmaja; “Määdhä ñäädä judhío Cajiichaanaichomo;” quee cönä’jaacä imennaajä.

DUUCA 9:23

Yaawä töwö cöna’döa’dea tameedä chäwwäiñe: —Ñäädä jaadä töwei’shato tötö’tajäätödö woije mma eijai’cha na. Töwö cone’da tödööjai’cha na anooto waadäi öwö jääcäinchädä töwäntunamjödö, cuduusa jäcä tajoijodö jadä’jödöödä. Umjummadö woije eijai ña.

JUAN 19:13

Yää eta’jäcä Pidaato Jesuuquidiito cömja’cai yaawä jödo’na. Töwö cönaatajiimai yaawä äcamma’jonei a’täi ye’wä; yää weichojo eetö eewedeeocoomo töne’tä cönä’ja’to Cawaataje; Täju ’Dodoi; quee töwä’dö’se yeichö.

JUAN 5:2

Yäätä Jeduusadén ña cönä’jaacä tuna wa’donnatoojo choonecaajä. Amoinche’da yää cönä’jaacä oweeja etöijatoojo nata’tadö jäcä. Yää chu’jä eewedeeo a’deucwe töne’tä cönä’ja’to Weteesadaaje. Yää awoodhecääcä cönä’jaacä ijaatoodea amääajä.

DOSECHO 7:58

Jata tö’cäi cönaadoicho yaawä; yäätä täju que cönwäjäätöicho. Ñanno töwännamo’jödö, enennamooje cönä’ja’todö, töwoomöcoomo de’wono cöneedai’chäja’to ääjömaanö wwä, Saudoje töwö chäätö.