JUAN 19:11 - Wanaadi A'deddu

¹¹ Jesuuquidiito cöneccujä’acä yaawä: —Wanaadi mädääje yöödöjo’se’da yeiya’jäcä yöödöjai’cha meichö. Ñäädä, äwwä yu’nei’jödö, jooje’cä jeene choone’nadiiyö na; quee cönä’döaacä Jesuuquidiito.

JUAN 19:11 Iomraidhean Croise

MATEO 26:65

Yaawä Wanaadi wwä töwa’deuwaamo edhaajotoncomo töwoomö cönshiichai; cönä’döaacä: —Määdhä dhanwa cone’da na’deuwa Wanaadi jäcä. ¿Ane’cäämöne mma määtonno wa’deunä cämjummatäädö deeade’ ? ¿Metaato jönca Wanaadi wa’cotooje yäätä’tädö?

MATEO 27:2

Tönwanno tömööe Jesuuquidiito cönaadoicho yaawä; acu’shänä Pidaato wwä cuntuicho.

MATEO 6:13

Ñaa mäiñunaacajoi’che; tösancwajoone ñaa sancwajoocä conemjönö jonno. Ñäädä mma amäädä Cajiichaana Jäduujato, aashichato wa’deuto’mato mmaja, yeichöödäje. Amén; quee caichäcä’de.

MAADOCO 14:44

Edääje cönä’jaacä ñäädä Jesuuquidiito u’nei nene’ju’jo’jödö chäwwäiñe: —Ñäädä wishuuma’dedö, ñäädä ñäädä. Ajäichäcä’de; odhoowadäädäiñe adäätäcä’de yaawä; quee cönä’jaacä Juudha nene’ju’jo’jödö.

DUUCA 22:53

Anooto waadäi Wanaadi weichojo taca ajaadäiñe wei’jödö weichaame yaajojo’da töweiye mä’ja’quene. Chäänönge na, äcu’nädööcomo mädä eduuwa naadö, tööjano’tacaano jäduuje yeichojo mmaja; quee cönä’döaacä Jesuuquidiito.

JUAN 18:13

Tönwanno cönaadoicho yaawä Aná döiña, ñäädä Caijaasa wodöömä. Caijaasa cönä’jaacä Wanaadi wwä töwa’deuwaamo edhaajotoncomooje yää wedu awä.

JUAN 18:3

Yaawä Juudha cöntämä iiña suddau jadäiñe, Wanaadi weichojo edai’chännamo jadäiñe mmaja. Ñanno cönä’ja’to Wanaadi wwä töwa’deuwaamo edhaajotoncomo nenno’ja’jocoomo, jaadiseeo nenno’ja’jocoomo mmaja. Tönwanno töwaichaqueiñe cönä’ja’to, adhaawa dha’me mmaja.

JUAN 19:10

Yaawä Pidaato cönä’döaacä chäwwä: —¿Yeccujäätö’da manä? ¿Äntö’tammecö’da manä cuduusa jäcä adhaajoijojoojai weichö, ayu’cajai weichö jeiñe mma? quee cönä’döaacä.

JUAN 3:27

Yaawä Juan cönä’döaacä chäwwäiñe: —Töweichojo Wanaadi nutuudu mma tödöödö toweiye nai.

JUAN 7:30

Yaawä ñanno judhíocoomo Jesuuquidiito ajäi’she cönä’ja’todö’je; anaajäi’chaane cöneiya’to, chu’nädö aca ä’dö’da dea yeijäcä.

JUAN 9:41

Jesuuquidiito cönä’döaacä chäwwäiñe: —Tänuuqueiñe’da meicho’jo mmaane ocoone’nadiiyöcoomo jo’tädööje täuwemje’da meichädö, töwäädä töneeneene töwäätä’tä määnetäänene’; yääje yeijäcä yää jo’tädööje täuwemje maato.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

DOSECHO 4:28

Mädääje tönwanno cönnöicho tameedä jenaadä äntö’tammecöödö woije töweeja’dä’emööje cönä’ja’dö.

DOMAANO 11:36

Wanaadi jonnoto we’ajä mädä tameedä naadö. Töwö dea cönnöi; chäwwonooje na dea. Aashicha wa’deutojooje Wanaadi ña yeichöödäje. Amén.

DOMAANO 13:1

Tameedä eijai maato acu’shänä woije. Acu’shänä ’je’da na Wanaadi woijatoojemjönö. Canno acu’shänääje naatoodö Wanaadi woije mädääje naato.

SANTIYAACO 1:17

Tameedä aashichaato u’ajä, tameedä chäänöngato u’ajä mmaja, caju ñanno ne’a, Wanaadi nutuudu woije, ñäädä tawaanato tödöönei’jödö. Chäänöngeedä töwö weneene, enwacaama’da.

SANTIYAACO 4:17

Ñäädä aashichaato tödööemö towaanäcä yeichaame ännöjöönö, conemjönö nödööa ñäädä.