JUAN 18:4 - Wanaadi A'deddu

⁴ Jesuuquidiito dhowaanäcä cönä’jaacä tameedä töjääcä yeeja’do’tojo; yääje yeijäcä töwö cöntämä ñanno wwadäädäiñe; cönä’döaacä chäwwäiñe: —¿Änääcö mujiiyato? quee.

JUAN 18:4 Iomraidhean Croise

MATEO 16:21

Yaawä Jesuuquidiito cönaajäntäi tönoowanoomadö wwäiñe ecammajäätödö Jeduusadén ña töötotoojo jäcä, iiña inchoncomo wwä töwäätä’maminchajootojo jäcä mmaja, Wanaadi wwä töwä’deuwaamo edhaajotoncomo wwäiñe mmaja, judhío owaanomannamo wwäiñe mmaja. Chäwwäiñe tämaatojo cöneecamma’dea, aaduwaawä anoototo ai töwaadoncatoojo mmaja.

MATEO 26:2

—Änwanno odhoowanääcäiñe na jenammato ncadheeda yää Weja’dätä’jä anootoi’chädö jäcä tö’tajo’tojo anootoije yeichö. Yaawä öwö, Soto nnedö, wä’tuja’de cuduusa jäcä waatajoijojoodö wetä; quee cönä’döaacä Jesuuquidiito tönoowanoomadö wwäiñe.

MATEO 26:21

Töwääwashinchädaawäiñe Jesuuquidiito cönä’döaacä: —Chäänönge yääje wä’döa äwwäiñe, tooni adhantawäiñe naadö yu’a’de; quee.

MATEO 26:31

Töötädaawäiñe Jesuuquidiito cönä’döaacä chäwwäiñe: —Tameedä änwanno co’nomjaato’de edä coijaichawä, imennaajä nä’döaadöje: “Oweeja edai’chäneichomo waiju’ja’de; oweeja näämecantaato’de yaawä;” quee imennaajä wä’dödö na.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 13:11

Töwö dhowaanäcä cönä’jaacä tu’nei; yääje yeijäcä yääje cönä’döaacä: “Tameedä’daane töcocca maato;” quee.

JUAN 18:5

Tönwanno cönä’döa’to: —Ñaa nujiiya Jesuuquidiito, Naasade ñano; quee cönä’döa’to. Jesuuquidiito cönä’döaacä chäwwäiñe: —Öwö ñäädä; quee. Juudha mmaja chääjadäiñe cönä’ja’dea, ñäädä Jesuuquidiito u’nei.

JUAN 18:7

Yaawä Jesuuquidiito cöneecamma’joicho dea: —¿Änääcö mujiiyato? quee cönä’döaacä. Tönwanno cönä’döa’to: —Ñaa nujiiya Jesuuquidiito, Naasade ñano; quee.

JUAN 19:28

Yää ’jeje Jesuuquidiito dhowaanäcä cönä’jaacä tameedä chäänönge töwä’döe yeichö. Yaawä Wanaadi a’deddu imennaajä wä’dödö nönge yeichö wetä töwö cönä’döaacä: —Emjätö’se wa; quee.

JUAN 6:64

Yääje yeichaame änwanno dhantai aneecamjö’da dea maato; quee cönä’döaacä Jesuuquidiito. Töwö Jesuuquidiito jenaadäde dhowaanäcä cönä’jaacä ñanno aneecanö’jöncomo, tu’neije töweiyemö mmaja.

DOSECHO 2:28

Amäädä weichojo meneejone öwwä; ajaadä weichö que ca’cwaima’de; quee Dawí cöneecammai Jesuuquidiito wa’deuwö’jödö.

1 PEEDHODO 4:1

Jesuuquidiito sotooje töweichö yäntunamjö’jödö weijäcä änwanno mmaja yääje chö’tajä’jai maato dea, äwäntunamjödööcomo owaajo aweesomaajätöödöcoomoje mma. Ñäädä wäntunaanö’nä oneejanei conemjönö to’nomja na.