JUAN 17:8 - Wanaadi A'deddu

⁸ Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 17:8 Iomraidhean Croise

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

JUAN 12:49

Öwö woije mma a’deuwö’da wa; ñäädä Jaaja, yaanontänei’jödö, cuntui öwwä wa’deutojo, noowanoomatoojo mmaja.

JUAN 14:10

¿Aneecamjö’da ca manä Jaaja yaaca yeichö, öwö Jaaja aca weichö mmaja? Mädä töwa’deuwe wääneneedö öwö woije mma’da ya’deuwa. Määdhä Jaaja, yaaca naanei, määdhääne nödööja.

JUAN 15:15

Yaanonööje adhe’tätäiñe’da wa eduuwa. Dhanoonö dhowaanäcä’da töweiye nai tädhaajä wwä tödöötojo. Jimmäjeene mane’taato eduuwa, äwwäiñe ecamma’jödö weijäcä tameedä Jaaja wwä neeta’jödö.

JUAN 16:27

Töwö Jaaja dea äjummaato, jummatä aweichomjäcä, töneecanö’e aweichomjäcä mmaja Wanaadi jonno weejö’jödö weichö.

JUAN 16:30

Eduuwa ñaa owaanäcä na tameedä odhoowanääcä yeichö; anejja adheecamma’jojai’cha na. Yääje yeijäcä ñaa necaanö’a Wanaadi joono aweejö’jödö yeichö; quee cönä’döa’to.

JUAN 17:14

Öwö adha’deddu wecammane chäwwäiñe; yääje yeijäcä tönwanno töwä’quiiñeme’jo weneeneto edä nono de’woncomo wwä, edä nono de’woncomoojönööje töweichomjäcä, öwö waadöje mmaja, edä nono de’wonooje’da.

JUAN 17:18

Edä nono de’cäi canontäneedöje mmaja wanontäneeto dea tönwanno, tameedä yeichö wa’cä.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 17:23

Öwö wa chaacaiñe, amäädä ma taaca, tooniñooje yeichöcoomo wetä, edä nono de’woncomo dhowaanäcäiñe eiye yaawä yaanontänei’jödööje aweichö, dhowaanäcäiñe eiyede ijummadööcomo äwwä, öwö cujummaadö ’cäwa’cä mmaja.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 3:33

Ñeecammajäätödö ecaanö’nei mmaane nene’ju’ja Wanaadi chäänöngatooje yeichö.

JUAN 6:68

Simón Peedhodo cönä’döaacä chäwwä: —Owaanomaanei, ¿änääcö wwadäädä ñaa tädö deaade’ ? Amäädä äwwä mmaane yeiyajä yeichöödoto weichojo a’deu.

JUAN 8:42

Jesuuquidiito cönä’döaacä chäwwäiñe: —Wanaadi oomotoncomooje ei’jo mmaane änwanno cujummatäädö, Wanaadi döiñanno we’eetö’da. Öwö woije’da we’ne, Wanaadiiñe yaanontäne.

1 CODINTIYO 11:23

Cajiichaana Jesuuquidiito dea yoowanoomane yää äwwäiñe wecammajä’aaquennö. Tu’tojo coijaichawä dea Cädhaajotoncomo Jesuuquidiito uu cönannäjöi.

1 CODINTIYO 15:1

Jimmä, ätö’tamme’jo’seiñe wa äwwäiñe aashichaato wätunnä neecammajäätö’jödö jäcä, yää aashicha metaatäneedö, chääjäcäinchädä ejääduqueejö’da maatoodö.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

1 JUAN 4:14

Ñaa cöneeneaacä Cumöötoncomo nanontä’jödö, ñäädä Iiñedö, edä nono de’woncomo ewaanacaaneichomooje cönaanontäichö. Ñäädä töneene’jödö töneecammajä’e ñaa weneene.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.