JUAN 17:26 - Wanaadi A'deddu

²⁶ Aweichö weneejone chäwwäiñe; eneejodööje dea wa’de, wä’jummanä ’je eiyeto, amäädä cujummaadöje mmaja, öwö dhacaiñe weichö wetä mmaja; quee cönä’döaacä Jesuuquidiito Tumö wwä töwa’deuwödaawä.

JUAN 17:26 Iomraidhean Croise

JUAN 14:20

Yää anooto awä änwanno odhoowanääcäiñe na’de Jaaja aca weichö, öwö taaca aweichöcoomo mmaja, ataacaiñe weichö mmaja.

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 15:15

Yaanonööje adhe’tätäiñe’da wa eduuwa. Dhanoonö dhowaanäcä’da töweiye nai tädhaajä wwä tödöötojo. Jimmäjeene mane’taato eduuwa, äwwäiñe ecamma’jödö weijäcä tameedä Jaaja wwä neeta’jödö.

JUAN 15:4

Jaadäädä eichäcä, ajaadäiñeedä waadöje mmaja. Chääjö jonno dhajäädö waajäca’jäcä töwoije ejössataajai’cha töweiye nai. Yääje mmaja änwanno, jaadä’da aweiya’comjäcä aashicha aweichöcoomo ejaamö’da eijai ña yaawä.

JUAN 15:9

Jaaja jummaadöje mmaja mämjummaato öwö; umjummadööje dea eichäcä.

JUAN 17:23

Öwö wa chaacaiñe, amäädä ma taaca, tooniñooje yeichöcoomo wetä, edä nono de’woncomo dhowaanäcäiñe eiye yaawä yaanontänei’jödööje aweichö, dhowaanäcäiñe eiyede ijummadööcomo äwwä, öwö cujummaadö ’cäwa’cä mmaja.

JUAN 17:6

“Aashicha aweichö öwö weneejone ñanno edä nono de’woncomo antawonnoiñe öwwä mu’netoodö wwäiñe. Amäädä äwwoncomooje cönä’ja’to; öwwä mu’neto yaawä. Tönwanno adha’deddu woije cönnöicho.

JUAN 17:8

Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 6:56

Ñäädä öwö jääcuinchato, yaaquiyö ennei mmaja, öwö yaaca na, öwö mmaja chaaca wa dea.

JUAN 8:50

Täneejuque weichojo anencano’tä’da wa; yääje yeichaame töweiye na täneejuque weichojo encano’tänei, ñäädä tameedä emmencanei.

DOMAANO 8:10

Quidiito ataacaiñe yeiya’jäcä aweichöcoomo töweiye na, Wanaadi jadoonoje aweijäcäiñe, adheejöcoomo töwäämaamöje yeichaame conemjönö jäcäinchädä.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

1 CODINTIYO 12:12

Cäjööcomo naadö naane’, tooni chääjö yeichaame jooje chääjocoono ejoodöjaajä. Mädääje mmaja Quidiito.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

EUJEESIYO 1:6

Yääje yeijäcä aashicha ca’deuto’ñojo Wanaadi jäcä, joojato iiñödö’jödö jäcäinchädä; yää aashichaato cöjääcäiñe Wanaadi cönnöi Tönnedö tumjummadö jadä cöweichomjäcä.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

EUJEESIYO 5:30

täjööje yeichomjäcä. Cönwanno ñanno chääjö jäcoono, ijuunuja’como, ye’jäja’como mmaja.

EUJEESIYO 5:32

Sö’jato mädä, owaanojöönö’jödö mmaja. Mädä wecamma Quidiito jadä quedeiyentecoomo weichö ecammancädä.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

CODOOSENSE 2:10

Änwanno äwwäiñe chäänönge aweicho’como töweiye na Quidiito jadä aweichomjäcä. Töwö na tameedä jäduuja’como e’jodhe, cajiichaanacoomo e’jodhe mmaja, ñanno amoode.

CODOOSENSE 3:11

Yääje weiñä töweiye nai quidiiyeecoje’da, judhíoje’da mmaja, siicunsidaadojaatoje’da mmaja, yääjemjönööje’da mmaja, ema’jödööje’da mmaja, shidiishanaaje’da mmaja, dhanoonöje’da mmaja, töwö dajaatoje’da mmaja. Quidiitoone na; töwö na tameedä cötaacaiñe.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

EEWEDEO 2:12

Edääje Jesuuquidiito wä’dödö na, yää Wanaadi a’deddu imennaajä jäcä naadö: Äjääcä wecammajä’a’de jimmä wwäiñe; ye’jumma’como antawäiñe aashicha yeecanta’ña’de äjääcä; quee yä’dö’jödö na.

1 JUAN 3:24

Ñäädä Wanaadi waanontädö tödöönei Wanaadi jadoono ñäädä, Wanaadi chaaca na dea töwö. Wanaadi cötaacaiñe yeichö cowaanäcäiñe na Epíiditu Santo woije, ñäädä cöwwäiñe Wanaadi nutuudu.