JUAN 17:25 - Wanaadi A'deddu

²⁵ Jaaja chäänöngato, edä nono de’woncomo dhowaanäcäiñe’da ma; öwö mmaane yoowanääcä ma, canno mmaja dhowaanäcäiñe na dea yaanontänei’jödööje aweichö.

JUAN 17:25 Iomraidhean Croise

MATEO 11:27

Yääje mma yaawä Jesuuquidiito cönä’döaacä soto wwäiñe: —Jaaja cuntui öwwä cajiichaanaje weichojo. Anejja owaanäcä’da na Iiñedö; Yuumö mmaane dhowaanäcä. Yuumö owaanäcä’da mmaja; Iiñedo mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö.

MATEO 16:16

Yaawä Simón Peedhodo cönä’döaacä: —Äwaanacaanei amäädä, Wanaadi nudooto nnedö; quee cönä’döaacä.

DUUCA 10:22

“Jaaja cuntui öwwä cajiichaanaje weichojo. Anejja dhowaanäcä’da na Iiñedö; Yummö mmaane dhowaanäcä. Yuumö owaanäcä’da mmaja, Iiñedö mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö; quee cönä’döaacä Jesuuquidiito.

JUAN 1:18

A’que Wanaadi eneenei ’je’da na, töwäädä ñäädä yäätonno ’jemjönö Iiñedö cöwwäiñe cöneecammajäätöiñe’, ñäädä Yuumö nijummadö.

JUAN 15:21

Tönwanno mädääje ayöödöaato’de sootoije aweichöcoomo jo’tädööje, towaanäcäiñe’da yeijäcä yaanontänei’jödö.

JUAN 16:27

Töwö Jaaja dea äjummaato, jummatä aweichomjäcä, töneecanö’e aweichomjäcä mmaja Wanaadi jonno weejö’jödö weichö.

JUAN 16:3

Mädä äjääcäiñe nödööaato’de Jaaja towaanäcäiñe’da yeichomjäcä, öwö dhowaanäcäiñe’da weijäcä mmaja.

JUAN 16:30

Eduuwa ñaa owaanäcä na tameedä odhoowanääcä yeichö; anejja adheecamma’jojai’cha na. Yääje yeijäcä ñaa necaanö’a Wanaadi joono aweejö’jödö yeichö; quee cönä’döa’to.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:18

Edä nono de’cäi canontäneedöje mmaja wanontäneeto dea tönwanno, tameedä yeichö wa’cä.

JUAN 17:21

Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 17:23

Öwö wa chaacaiñe, amäädä ma taaca, tooniñooje yeichöcoomo wetä, edä nono de’woncomo dhowaanäcäiñe eiye yaawä yaanontänei’jödööje aweichö, dhowaanäcäiñe eiyede ijummadööcomo äwwä, öwö cujummaadö ’cäwa’cä mmaja.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 17:8

Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 6:19

Numa cönsequiima’to. Yaawä amoinche töwä’döa’comjäcä Jesuuquidiito cöneedantoicho tuna de’wä yeejödö; chäwwadäädäiñe cöne’acä. Tönwanno cönääcatoncaicho.

JUAN 7:29

Öwö mmaane yoowanääcä na, chääjadonno we’eetö’da. Töwö yaanontäne; quee cönä’döaacä Jesuuquidiito.

JUAN 8:19

Yaawä tönwanno cöneecamma’joicho: —¿Äsha oomo nai? quee cönä’döa’to. Töwö cönä’döaacä: —Änwanno odhoowanääcäiñe’da wa, Jaaja odhoowanääcäiñe’da mmaja. Odhoowanääcäiñe wei’jo mmaane, Jaaja odhoowanääcäiñe mmaja eichö dea; quee cönä’döaacä Jesuuquidiito.

JUAN 8:55

Yääje yeichaame odhoowanääcäiñe’da na töwö; öwö mmaane yoowanääcä na. Yoowanääcä’da e’ta’jäcä öwwä, juutuje mmaja eijai wa dea yaawä, awei’yejeiñe mmaja. Yoowanääcääne na töwö, dha’deddu woije tönnöe wäänene dea.

DOSECHO 17:23

Awe’jummato’como do’tai wäämannäjöödawä saaquidiijiisiyo dötoojo weneeaqueene; imennaajä chääjäcä cönä’jaacä: “Wanaadi owaanojöönö wwono edä;” quee. Ñäädä odhoowanoocomoojönööje yeichaame chäwwä tönnöe määnetäänedö wecammajä’a äwwäiñe.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOMAANO 1:28

Tujumma’se’da yeichomjäcä töwö Wanaadi cöneetömaicho tötö’tajäätödööcomo wecoone’maajä woije mma yeichöcoomo wetä, tödööemjönö tödöödö wetä chäwwäiñe.

DOMAANO 3:11

Etaanei ’je’da na; Wanaadi ujiiñei ’je’da mmaja.

DOMAANO 3:26

Eduuwaane töwö Wanaadi neneeja chäänönge töweichö, Jesuuquidiito ecaanö’nei töjaadonooje tönnöe töweichö mmaja.

1 CODINTIYO 1:21

Edä nono de’woncomo towaanojo’ne töweichöcoomo que mma Wanaadi towaanäcäiñe tödööjai’cha naato; tösejjeque Wanaadi weichö woijato dea yää. Täcaanö’nnamo mmaane töwö Wanaadi töneewanaaca weneeneto, ñanno ta’deddu ecammajäätödö etannamo’jödö, yää i’jeta’jödööje anejjacoomo töne’tä weneenetoodö.

1 CODINTIYO 15:34

Odhoowadäädäiñe eichäcä; conemjönö männötäi’che; anejjacoomo adhantawäiñe Wanaadi dhowaanäcäiñe’da na. Ajöichojoodöcoomoje yääje wä’döa.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

2 TEESADOONISENSE 1:8

Töwö Jesuuquidiito ne’a’de wa’to töjääcä. Töwö nichuuseijaato’de Wanaadi ämjummajöncomo’jödö, ñanno Cädhaajotoncomo Jesuuquidiito wätunnäi aashichaato woije töwei’shemjöncomo’jödö.

EEWEDEO 8:11

Öwö jääcä töjimmotoncomo owaanomaadö tujunne’da na’de yaawä, töjaatawoncomo owaanomaadö mmaja. “Cajiichaana Wanaadi odhoowanääcä tödööcä,” quee ca’da naato’de töjimmotoncomo wwä. Tameedä soto owaanäcäiñe wa’de yaawä, täneejuquemjönö mmaja, täneejucaato mmaja.

1 JUAN 1:9

Yaawääne’ Wanaadi wwä conemjönö cönnö’jocoomo ecamma’jäcä cöwwäiñe, täcaanö’emje töwö na chäänönge tödööjai yeichö. Töwö conemjönö cönnö’jocoomo nencwannä’ja yaawä; tameedä cöcoone’nadiiyöcoomo nichocca dea.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 16:5

Wetaaquene yaawä amoode wa’deuwödö, ñäädä tuna edhaajä. Edääje cönä’döaacä: —Chäänöngato amäädä Wanaadi, Cajiichaana aashichaato. Chäänönge soto mimaaminchaato, amäädä eduuwa maadö, jenaadä mä’jaaquennö dea.