JUAN 17:21 - Wanaadi A'deddu

²¹ Äwwä we’ca’a äänönge chö’tajäätödööcomo weichojo, cöwö caadöje mmaja. Amäädä taaca maadö naane’, öwö mmaja ataaca; mädääje mmaja cöjaadä yeicho’como we’ca’a äwwä. Mädääje yeiya’comjäcä edä nono de’woncomo ecaanö’jai ñaato yaawä yaanontänei’jödööje aweichö.

JUAN 17:21 Iomraidhean Croise

MAADOCO 3:24

Yää jataawoncomo dea wewäänä’ta’comjäcä, töwaatame mma ataamejai ñaato.

JUAN 10:16

Anejja oweeja töweiye mmaja naato dea öwwä, edä cudaada acancomoojönö; tönwanno mmaja täne’emje naato dea. Tönwanno netaato’de ya’deddu; tooni mma na’de cudaada, tooni mmaja oweeja edai’chäneichomo.

JUAN 10:30

Öwö mmaja, Jaaja mmaja, ñäädä dea ñaa; quee cönä’döaacä Jesuuquidiito.

JUAN 10:38

Dha’da Jaaja nödöödö nönge mmaja öwwä tödööa’jäcä önnödööne ecaanö’jai maato, öwö ya’deddu aneecamjö’da aweichaameiñe. Mädääje odhoowanääcäiñe eijai ña Jaaja yaaca yeichö, öwö dhaca weichö mmaja; quee cönä’döaacä Jesuuquidiito chäwwäiñe.

JUAN 11:42

Öwö yoowanääcä na wa’deuwödö töneeta aweichö. Canno eetä naatoodö netaadöcoomoje ya’deuwa äwwä, tönwanno ecamjöiyeto yaanontänei’jödööje aweichö; quee cönä’döaacä Jesuuquidiito.

JUAN 13:32

Aashicha Wanaadi weichö töneenejo weijäcä eduuwaiche mma töwö neneeja dea aashicha öwö weichö.

JUAN 13:35

Äwä’jumma’comjäcä tameedä soto dhowaanäcäiñe eijai ña yaawä sootoije aweichöcoomo; quee cönä’döaacä Jesuuquidiito.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:18

Edä nono de’cäi canontäneedöje mmaja wanontäneeto dea tönwanno, tameedä yeichö wa’cä.

JUAN 17:20

“Canno jäcäiñe mma’da ya’deuwa, ñanno jäcäiñe mmajaane, canno necammajäätödööcomo etaadö’jo yeecanö’nenaamo.

JUAN 17:25

Jaaja chäänöngato, edä nono de’woncomo dhowaanäcäiñe’da ma; öwö mmaane yoowanääcä ma, canno mmaja dhowaanäcäiñe na dea yaanontänei’jödööje aweichö.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 17:8

Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 3:17

Wanaadi Tönnedö cönaanontäi edä nono de’cäi tameedä soto ennanö’caiñe’da, ewaanacaiñeene.

JUAN 5:23

Yääje yeijäcä tameedä soto tönoiñe eneejai ñaato ñäädä Iiñedö, Yuumö nontädö wa’cä mmaja. Ñäädä Iiñedö ñontäneijönö Yuumö onnontä’da mmaja na dea, ñäädä Iiñedö anontänei’jödö.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

DOSECHO 4:32

Tameedä ñanno ecaanö’nnamo aata’deucwe töweiye cönä’ja’to, tooni chö’tajäätödööcomo cönä’ja’dea. Tönnödööcomo töjääcäjeene töwwoncomooje ane’tä’da cönä’ja’to; tameedäädotoojeene tönnöe cönä’ja’to.

DOMAANO 12:5

Mädääje mmaja cönwanno quedeiyentecoomo; wanna cöweichaameiñe tooni chääjö caato, Quidiito jadä cöweichomjäcä. Tojoodöjoojä’e caato yää dea ejööje cöweichöcoomo wetä.

1 CODINTIYO 1:10

Jimmä, Cädhaajotoncomo Jesuuquidiito eetö joi mänwätuujaato; aata’deucwe eichäcä, äätu’de’tä’daane. Aashichaane eichäcä ääjäcä, yää dea ätö’tajäätödööcomo weiyancädä, yää dea adha’dedducoomoje tödööancädä mmaja.

1 CODINTIYO 12:12

Cäjööcomo naadö naane’, tooni chääjö yeichaame jooje chääjocoono ejoodöjaajä. Mädääje mmaja Quidiito.

1 CODINTIYO 6:17

Ñäädä Cajiichaana Jesuuquidiito jadoono woojodöödö mmaane tooni chö’tajäätödööcomo na yaawä Jesuuquidiito acä.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

1 JUAN 5:7

Aaduwaawä naato yää ecammannamo caju ña; ñanno naato Cumöötoncomo, ñäädä A’deu mmaja, Epíiditu Santo mmaja. Tönwanno naato tooni mma.