JUAN 17:11 - Wanaadi A'deddu

¹¹ “Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:11 Iomraidhean Croise

MATEO 10:16

“Öwö manaanontaato eduuwa. Änwanno maato’de oweeja mado antawäiñe eijai ñaatoodöje. Yääje yeijäcä odhoowadäädäiñe eichäcä’de, äcääyu töweiye naichöje, tääde’cwade’daane, jaduuma weichö nöngeene.

MATEO 5:48

Aashichaane eichäcä, Oomotoncomo caju ñano aashicha naadöje mmaja.

MATEO 6:9

Edääjeene Wanaadi wwä adha’deutäcä’de: Jaaja caju ñano, Töwaanadiiyöcoomoje adhe’tä’ña’to soto;

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 14:20

Yää anooto awä änwanno odhoowanääcäiñe na’de Jaaja aca weichö, öwö taaca aweichöcoomo mmaja, ataacaiñe weichö mmaja.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

JUAN 17:23

Öwö wa chaacaiñe, amäädä ma taaca, tooniñooje yeichöcoomo wetä, edä nono de’woncomo dhowaanäcäiñe eiye yaawä yaanontänei’jödööje aweichö, dhowaanäcäiñe eiyede ijummadööcomo äwwä, öwö cujummaadö ’cäwa’cä mmaja.

JUAN 17:25

Jaaja chäänöngato, edä nono de’woncomo dhowaanäcäiñe’da ma; öwö mmaane yoowanääcä ma, canno mmaja dhowaanäcäiñe na dea yaanontänei’jödööje aweichö.

JUAN 17:6

“Aashicha aweichö öwö weneejone ñanno edä nono de’woncomo antawonnoiñe öwwä mu’netoodö wwäiñe. Amäädä äwwoncomooje cönä’ja’to; öwwä mu’neto yaawä. Tönwanno adha’deddu woije cönnöicho.

JUAN 7:33

Yaawä Jesuuquidiito cönä’döaacä: —A’dhe mma ajaadäiñe weichojo na. Yää ’jeje yennaca’de yaanontänei’jödö döiña mmaja.

DOSECHO 3:21

Töwö Jesuuquidiito caju ña yeichojo na tameedä Wanaadi wwä choonecaadö wa’cä. Mädääje dea Wanaadi töneecammajo cönä’jaacä töwa’deuwödö ecammannamo aashicha’como wwäiñe, ñanno jenaadä cönä’ja’todö.

DOMAANO 12:5

Mädääje mmaja cönwanno quedeiyentecoomo; wanna cöweichaameiñe tooni chääjö caato, Quidiito jadä cöweichomjäcä. Tojoodöjoojä’e caato yää dea ejööje cöweichöcoomo wetä.

DOMAANO 9:17

Ñäädä Ejiito ñano cajiichaanai’chädö cönä’ja’dö naane’. Edääje imennaajä nä’döa chäwwä Wanaadi wa’deuwö’jödö jäcä: “Mädääjatooje dea cajiichaanaje männöne, jäduuje weichö wäänejooto’me, tameedä nono weichö wa’cä yeecadö wecaatadö wetä yaawä;” quee imennaajä nä’döa.

1 CODINTIYO 1:10

Jimmä, Cädhaajotoncomo Jesuuquidiito eetö joi mänwätuujaato; aata’deucwe eichäcä, äätu’de’tä’daane. Aashichaane eichäcä ääjäcä, yää dea ätö’tajäätödööcomo weiyancädä, yää dea adha’dedducoomoje tödööancädä mmaja.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

EUJEESIYO 4:4

Tooni chääjö na, tooni mmaja Epíiditu Santo, tooni mmaja onwomoocödööcomo, yää äwwoncomooje yeichö wetä Wanaadi adha’dejjatäänedö.

JIDIIPENSE 2:9

Yääje yeijäcä Wanaadi tameedä o’jodhe cönnöi; chäätö cuntui tameedä äätö e’jodhaato,

EEWEDEO 1:3

Töwö Jesuuquidiito aashicha Wanaadi weichö neneeja; töwö na Wanaadi weichö nönge dea. Töwö dha’deddu jäduujato que dea tameedäädä töweiye weneene. Cöcoone’nadiiyöcoomo choccadö’jo töwö Jesuuquidiito cönaatajiimai Wanaadi mudei yö’tä caju ña, ämu’demjönö dö’se.

EEWEDEO 9:24

Quidiito cönoomomöi Wanaadi weichojo neene taca, yää soto namäädöjöönö. Yää soto namä’jödö cönä’jaacä Wanaadi weichojo neene cu’taajäje mma. Caju ñaane Jesuuquidiito cöntämä. Töwö na eduuwa Wanaadi döiña, cöjääcäinchädäiñe töwa’deuwemööje.

SANTIYAACO 4:4

Masuuduija’como änwanno. ¿Odhoowänääcäiñe’da ca’ nai edä nono de’wono tumjumma weiñä Wanaadi tu’dedööje yeichö? Ñäädä edä nono de’wono ijummanei Wanaadi tu’dedööje na.

1 PEEDHODO 1:5

Änwanno Wanaadi töneecanö’e aweichomjäcä töwö töjäädudu que adheedai’chätäiñe weneene, äwääwanaacato’como ejoodödö wetä äwwäiñe, yää yaatameedawä täneejoomöje naadö.

1 JUAN 3:12

Caín nönge’daane queicho’ñojo. Töwö cönä’jaacä odo’sha sotoi. Töwö tacoono cöneemai. ¿Ane’cäämö jo’tädööje cöneemai, quee ’ja? Conemjönö tönnöe töwö töweijäcä, dhacoono mmaane chäänönge tönnöe cönä’jaacä.

1 JUAN 5:19

Cönwanno cowaanäcäiñe na Wanaadi sotoije cöweichöcoomo. Cowaanäcäiñe na dea odo’sha tameedä edä nono de’woncomo edhaajotoncomooje yeichö.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.

APOOCADIISI 15:4

¿Änääcö onontä’da eichöde’, amäädä Cajiichaana? ¿Änääcö o’jodhaatoje adhe’tä’da eichöde’? ñäädä mmaane aweiyajä aashichaato. Tameedä sotoocomo ne’aato’de äwwadäädä; awa’deme’caato’de, chäänönge aweichö tacaade yeijäcä; quee soto cöneecanta’ña’to.

APOOCADIISI 19:12

Chäänudu cönä’jaacä wa’to nönge. Iju’jä de’wä cönä’jaacä jooje canaanadi. Chäätö imennaajä cönä’jaacä anejja dhowaanojöönö; töwö mmaane dhowaanäcä na.

APOOCADIISI 4:8

Ñanno aacäicheea’como amoode’na’como cönä’ja’to ta’denqueiñe, chääwaadäiñe tooni amoojato dhajä’saichomo. Dhajä’saichomo jäcä cönä’jaacä chäänuduucomo, jooje, ye’wä mmaja, dho’nä mmaja. Etaajö’da cönä’ja’to töweecanta’ñädööcomo, ano, cöijai’jödöödä. Edääje cöneecanta’ña’to: Aashichaato, aashichaato, aashichaato, Cajiichaana Wanaadi jäduujato, ñäädä jenaadä cönä’ja’dö, eduuwa naadö dea, äcuude na’dedö dea; quee cöneecanta’ña’to.