JUAN 16:32 - Wanaadi A'deddu

³² Amoinche’da na chu’nädö aca yä’dötoojo tooni nshai äwäämecantäto’como; jääcäjeene cönängato’de, jääcäjeene’da weichaame, Jaaja jaadä yeijäcä.

JUAN 16:32 Iomraidhean Croise

MATEO 26:31

Töötädaawäiñe Jesuuquidiito cönä’döaacä chäwwäiñe: —Tameedä änwanno co’nomjaato’de edä coijaichawä, imennaajä nä’döaadöje: “Oweeja edai’chäneichomo waiju’ja’de; oweeja näämecantaato’de yaawä;” quee imennaajä wä’dödö na.

MATEO 26:56

Mädä neja’dä’a jääcä Wanaadi wa’deuwödö ecammannamo nimenno’jocoomo nönge yeichö wetä; quee cönä’döaacä Jesuuquidiito chäwwäiñe. Yaawä tameedä ñoowanoomadö cönäänejeicho, e’nomjadööje mma.

MAADOCO 14:27

Töötädaawäiñe Jesuuquidiito cönä’döaacä tönoowanoomadö wwäiñe: —Tameedä änwanno co’nomjaato’de edä coijaichawä, imennaajä nä’döaadöje: “Oweeja edai’chäneichomo waiju’ja’de; oweeja näämecantaato’de yaawä;” quee imennaajä nä’döa.

MAADOCO 14:50

Yaawä tameedä ñoowanoomadö cönäänejeicho, e’nomjadööje mma.

JUAN 12:23

Jesuuquidiito cönä’döaacä chäwwäiñe: —Eduuwa chu’nädö aca nä’döi Soto nnedö aashichaatoje töweichö eneejotoojo.

JUAN 16:2

Ñanno edä nono de’woncomo ayu’caato’de töjaadäiñe aweichöcoomo jonno. Äcuude tönwanno aja’ato’de, Wanaadi wwä aashichaato töwwäiñe tödööaatäi.

JUAN 16:25

“Eduuwa naadö jona tödööene äwwäiñe töwa’deuwe wä’jaaquene yö’seeno joi. Yaawä chu’nädö aca yä’döa’jäcä yö’seeno joi a’deuwö’da wa’de äwwäiñe; tätaane ya’deuwa’de Jaaja jäcä.

JUAN 16:31

Jesuuquidiito cöneccujä’a’to: —¿Mecaanö’ato dämma eduuwa?

JUAN 19:27

Yaawä tönoowanoomadö wwä töwö cönä’döaacä: —Määdhä ñäädä aanö; quee. Yää ’jeje ñäädä ñoowanoomadö Madía töjaadä tönnöe cönä’jaacä tömmai chaca.

JUAN 20:10

Cönennacaicho dea yaawä tömmaichomo taca.

JUAN 4:21

Jesuuquidiito cönä’döaacä yaawä chäwwä: —Amäädä wodi, chäänönge yääje wä’döa äwwä, aneedawä na’de äwwäiñe Wanaadi wwä tödöötojo, edä jöö de’wä’daane, Jeduusadén ña’da mmaja.

JUAN 4:23

Chu’nädö aca wä’dönääje na eduuwa chäänöngato que Jaaja wwä tödöötojo; yaawä ñanno Jaaja wwä tödönnamo täwaanöcoomo jadäädä nödööaato’de, chäänönge töweiyancädäiñe mmaja. Yääja’como Jaaja tumjumma weneene tujummannamooje.

JUAN 5:25

Chäänönge yääje wä’döa äwwäiñe, chu’nädö aca wä’dönääje na eduuwa yä’ja’a’como nönga’como wwä etaatojo Wanaadi nnedö a’deddu. Ñanno etannamo’jödö wwäiñe töweiye na’de yeichöcoomo.

JUAN 5:28

Mädä wa’deuwödö jäcä määcatoncatäi; aneedawä na’de äwa acancomo wwä etaatojo Soto nnedö a’deddu.

JUAN 8:16

Yaawääne’, öwwä emmencadaawä chäänöngeene öwö nemmencadö, umjummadö woije mma tönemmenca weichöjöönö, ñäädä Jaaja, yaanontänei’jödö jaadä weneene.

JUAN 8:29

Ñäädä yaanontänei’jödö jaadä weneene; Jaaja jääcäjeene näämä’da na, yaacötö tönnöe weijäcä; quee cönä’döaacä Jesuuquidiito.

DOSECHO 21:6

Yaawä ajoojancädäiñe ñaa cönääcammai chäwwäiñe; ñaa cönä’täi yää ’jeje jidaawa aca. Tönwanno cönennacaicho yaawä tömmaichomo taca.

DOSECHO 8:1

Saudo wacö’je Eteewa cöneemaicho. Yää anooto awä soto cönaajäntoicho tumjunne’da Quidiito sotoi Jeduusadén ñancomo maminchadööcomo. Yaawä tameedä ñanno Quidiito sotoi cönäämecantoicho Judheea ña, Samaadiya ña mmaja; anonta’como mma yäätä Jeduusadén ña cönä’ja’to.