JUAN 16:3 - Wanaadi A'deddu

³ Mädä äjääcäiñe nödööaato’de Jaaja towaanäcäiñe’da yeichomjäcä, öwö dhowaanäcäiñe’da weijäcä mmaja.

JUAN 16:3 Iomraidhean Croise

DUUCA 10:22

“Jaaja cuntui öwwä cajiichaanaje weichojo. Anejja dhowaanäcä’da na Iiñedö; Yummö mmaane dhowaanäcä. Yuumö owaanäcä’da mmaja, Iiñedö mmaane dhowaanäcä; ñäädä mmaja Yuumö dhowaanäcä, Iiñedö nowaanomaadö; quee cönä’döaacä Jesuuquidiito.

JUAN 15:21

Tönwanno mädääje ayöödöaato’de sootoije aweichöcoomo jo’tädööje, towaanäcäiñe’da yeijäcä yaanontänei’jödö.

JUAN 15:23

Ñäädä öwö quiiñeme’nei, Jaaja quiiñemeecödö wa’cä mmaja na dea.

JUAN 17:25

Jaaja chäänöngato, edä nono de’woncomo dhowaanäcäiñe’da ma; öwö mmaane yoowanääcä ma, canno mmaja dhowaanäcäiñe na dea yaanontänei’jödööje aweichö.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 8:19

Yaawä tönwanno cöneecamma’joicho: —¿Äsha oomo nai? quee cönä’döa’to. Töwö cönä’döaacä: —Änwanno odhoowanääcäiñe’da wa, Jaaja odhoowanääcäiñe’da mmaja. Odhoowanääcäiñe wei’jo mmaane, Jaaja odhoowanääcäiñe mmaja eichö dea; quee cönä’döaacä Jesuuquidiito.

JUAN 8:55

Yääje yeichaame odhoowanääcäiñe’da na töwö; öwö mmaane yoowanääcä na. Yoowanääcä’da e’ta’jäcä öwwä, juutuje mmaja eijai wa dea yaawä, awei’yejeiñe mmaja. Yoowanääcääne na töwö, dha’deddu woije tönnöe wäänene dea.

DOSECHO 3:17

“Jimmä, yoowanääcä na Jesuuquidiito emaadawä äwwäiñe, acaajichaanaichomo wwäiñe mmaja, odhoowoinchadäiñe’da awei’jocoomo.

1 CODINTIYO 2:8

Edä nono de’woncomo cajiichaanacoomo dhowaanäcäiñe’da na yää; dha’da ei’jo mmaane cuduusa jäcä anaajoijo’da eichö cöneiya’to ñäädä Cajiichaana aashichaato.

2 TEESADOONISENSE 1:8

Töwö Jesuuquidiito ne’a’de wa’to töjääcä. Töwö nichuuseijaato’de Wanaadi ämjummajöncomo’jödö, ñanno Cädhaajotoncomo Jesuuquidiito wätunnäi aashichaato woije töwei’shemjöncomo’jödö.

1 TIIMOTEO 1:13

Töwö Jesuuquidiito mädääje yöödöne jenaadä töjääcä cone’da töwa’deuwe wei’jödö weichaame, tömmamincha wei’jödö weichaame mmaja, töneetana’tä wei’jödö weichaame mmaja. Yääje yeichaame töwö wentumje yeeneaaquene yoowoinchadä yääje wei’jödö weijäcä quedeiyenteje’da weichö.

1 JUAN 2:23

Ñäädä Iiñedö ijo’manei Cumöötoncomo ’je’da mmaja na dea. Ñäädä Iiñedö ecammanei mmaane Cumöötoncomo ’je na dea.

1 JUAN 3:1

Chö’tamme’täcä’ma Cumöötoncomo Wanaadi wwä tujunne cöweichöcoomo, tönnacoomoje cä’taatoodö naane’. Iiñacoomoje dämma caato. Iiñacoomoje cöweichöcoomo aneene’jutu’da weneeneto edä nono de’woncomo, Wanaadi dhowaanäcäiñe’da yeichomjäcä.

1 JUAN 4:8

Ñäädä wä’jummanä ’jemjönö Wanaadi jadoonojöönö ñäädä, wä’jummanä edhaajääne Wanaadi weiyajä.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.