JUAN 16:27 - Wanaadi A'deddu

²⁷ Töwö Jaaja dea äjummaato, jummatä aweichomjäcä, töneecanö’e aweichomjäcä mmaja Wanaadi jonno weejö’jödö weichö.

JUAN 16:27 Iomraidhean Croise

MATEO 10:37

“Ñäädä öwö jummadö e’jodhe’cä tumö, senö ijummanei, sootoije eijai’cha na. Ñäädä öwö jummadö e’jodhe’cä tönnedö ijummanei, sootoije eijai’cha mmaja.

JUAN 14:21

Ñäädä öwö waanontädö etaanei, tödöönei mmaja, ñäädä ñäädä jummanei ñeene. Jaaja nijumma’de ñäädä jummanei; öwö mmaja wijumma’dede, wääneja’de chäwwä; quee cönä’döaacä Jesuuquidiito.

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 16:30

Eduuwa ñaa owaanäcä na tameedä odhoowanääcä yeichö; anejja adheecamma’jojai’cha na. Yääje yeijäcä ñaa necaanö’a Wanaadi joono aweejö’jödö yeichö; quee cönä’döa’to.

JUAN 17:23

Öwö wa chaacaiñe, amäädä ma taaca, tooniñooje yeichöcoomo wetä, edä nono de’woncomo dhowaanäcäiñe eiye yaawä yaanontänei’jödööje aweichö, dhowaanäcäiñe eiyede ijummadööcomo äwwä, öwö cujummaadö ’cäwa’cä mmaja.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

JUAN 3:13

“A’que na caju ñano wäncudu ’je’da, ñäädä Soto nnedö mmaane, caju ñanno cönä’täichö dea.

JUAN 7:29

Öwö mmaane yoowanääcä na, chääjadonno we’eetö’da. Töwö yaanontäne; quee cönä’döaacä Jesuuquidiito.

JUAN 8:42

Jesuuquidiito cönä’döaacä chäwwäiñe: —Wanaadi oomotoncomooje ei’jo mmaane änwanno cujummatäädö, Wanaadi döiñanno we’eetö’da. Öwö woije’da we’ne, Wanaadiiñe yaanontäne.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

1 CODINTIYO 15:47

Awa’deenato dhanwa cönä’jaacä edä nono de’wonooje, nono döaajä. Yää ’jejaato dhanwa mmaane caju ñanooje na, ñäädä Cajiichaana Jesuuquidiito.

1 CODINTIYO 16:22

Anejja Cajiichaana Jesuuquidiito ämjumma’da yeiya’jäcä töwännanö’e na ñäädä. Ä’cäde’de amäädä Cajiichaana Jesuuquidiito.

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

EUJEESIYO 6:24

Wanaadi nutuudu aashichaato yei’she wa dea tameedä wä’jummanä töwaatamemjönö que Cädhaajotoncomo Jesuuquidiito jummannamo wwä. Amén.

1 TIIMOTEO 1:15

Chäänöngato edä wecammaadö, täcaanö’emje mmaja: Jesuuquidiito cöneejä edä nono de’cäi conemjöncomo ewaanacaiñe, öwö waadö, tameedä cho’jodha’como’cä jaiñoone.

EEWEDEO 12:6

Cajiichaana tumjummadö niyäätuuja; tameedä tönnedööje töne’tädö töwö nichuuseija dea; quee Wanaadi a’deddu wä’dödö na.

1 PEEDHODO 1:8

Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.

1 JUAN 4:19

Cönwanno Wanaadi quiijummaato chäwwä awa’deene cumjumma’jocoomo weijäcä.

APOOCADIISI 3:19

Tameedä umjummadö wiyäätuujaato; wichuuseijaato dea. Yääje yeijäcä ta’neene eichä; ätö’tajäätödö sha’duminchacä.

APOOCADIISI 3:9

Öwö wene’jaato’de ñanno Caajuushawa sotoi, judhíoja’como wätä’tädö, ñannoje’da töweichaameiñe, äncu’tännamoojeene. Ñanno wene’jaato’de äwwadäädä; tä’mudhe wödööjaato’de aje’taca, dhowaanäcäiñe yeichö wetä öwwä ajummadö.