JUAN 16:20 - Wanaadi A'deddu

²⁰ Chäänönge yääje wä’döa äwwäiñe, änwanno maamoaato’de, wentumje maato’de. Edä nono de’woncomo mmaane ta’cwaiñe naato’de. Yääje yeichaame wentumje aweichöcoomo necamjiyaaca’de adha’cwaniiyöcoomoje.

JUAN 16:20 Iomraidhean Croise

MATEO 21:38

Ñäädä iiñedö eneea’jäcä audaajä edai’chännamo wwäiñe, tönwannoje dea cönä’döa’to: “Määdhä ñäädä tumö ca’semjödö töwwä tödöönei. Queematäiye ja, cönaudädööcomooje eiye yaawä edä;” quee cönä’döa’to.

MATEO 5:4

“Ta’cwaiñe eijai ñaato ñanno töwaamo’como; tönwanno nä’wa’däjaato’de.

MAADOCO 14:72

Yääje mma yaawä wameedi cöneetömöi chea. Yaawä Peedhodo cöntö’tai töwwä Jesuuquidiito wa’deuwö’jödö jäcä: “Amäädä aaduwaawäde cöjoome’da’de aacädeeto wameedi wetöömödö owaajo;” quee yä’dö’jödö jäcä. Yää jäcä tötö’tajä’a’jäcä cönaamoaacä yaawä.

MAADOCO 16:10

Madía Maacadeena cöntämä yaawä, cöneecammajäätöi Jesuuquidiito jadoncomo’jödö wwäiñe. Ñanno wentumje cönä’ja’to, waamonääje.

DUUCA 22:45

Töwa’deuwödö jonno töwaanönga’jäcä töwö cöntämä yaawä tönoowanoomadö döiñaiñe. Wönö’näje cöneedantäicho wentumje töweichomjäcä.

DUUCA 22:62

Jödo’na Peedhodo cöneeja’cai yaawä; wentumje cönaamoaacä.

DUUCA 23:27

Jooje soto Jesuuquidiito ncäcä cönta’to, wodiiñamo mmaja. Ñanno wodiiñamo jooje wentumje cönä’ja’to; ijunnei cönaamoa’to.

DUUCA 24:17

Töwö Jesuuquidiito cönä’döaacä chäwwäiñe: —¿Ane’cäämö jäcä adha’deuwato ääma tai aweejödaawäiñe? ¿Ane’que’nei wentumje maato? quee.

DUUCA 24:21

chäwwä iisadaaediitacoomo ewaanacaatäiñe ñaa cöneecanö’a’dö’je. Aaduwaawä anooto nä’döi eduuwa yää weja’dätä’jödö.

DUUCA 6:21

“Ta’cwaiñe eijai maato änwanno ämiije määnetäänedö; änwanno äwwäiñe aashichaato nä’tua’de, ämjummadööcomo wa’cä. “Ta’cwaiñe eijai maato änwanno töwaamo’como; änwanno adha’seuwato’de yaawä.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

JUAN 16:6

Wentumje mma mä’döjaato mädääje äwwäiñe wa’deuwödö weijäcä.

JUAN 20:20

Yaawä tamäädö cöneenejoi chäwwäiñe, tusuudadö mmaja. Ta’cwaiñe ñoowanoomadö cönä’ja’to yaawä töwwäiñe Tädhaajotoncomo eneea’jäcä.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 5:11

Cönwanno Wanaadi jäcä ta’cwaiñe caato Cädhaajotoncomo Jesuuquidiito jäcäinchädä, töwö Quidiito jäcäinchädä Wanaadi jadä ääweichacoonoje cöwä’dö’jocoomo weijäcä.

2 CODINTIYO 6:10

wentumje ñaa weichaame mmaja, ta’cwaiñe dea ñaa weneene; tönsomaaque’da ñaa weichaame jooje anejjacoomo ñaa ninshoma’taato. A’ca’como nönge ñaa weichaame tameedä ñää wwä na.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

1 TEESADOONISENSE 1:6

Änwanno mä’dötääne ñaa cu’jä’nenaamoje, Cädhaajotoncomo Jesuuquidiito cu’jä’nenaamoje mmaja. Änwanno adha’cwaniiyöcoomo Epíiditu Santo nutuudu que aashicha metaatäne Wanaadi a’deddu, ijo’tädööje jooje äwäntunaanö’taameiñe.

SANTIYAACO 1:2

Jimmä, jooje ta’cwaiñe eichäcä aneejejaiñe äwä’yunaacaja’comjäcä,

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.

APOOCADIISI 11:10

Nono de’woncomo na’cwainchaato’de yaawä yä’jajo’jocoomo weijäcä. Täjemjönö’cä nu’jä’aato’de töjimmä wwäiñe, ta’cwaiñe töweichöcoomo e’nei, nono de’woncomo yuunacannamooje yei’jocoomo weijäcä ñanno aaco’como Wanaadi wa’deuwödö ecammannamo.

APOOCADIISI 18:7

O’jodhe tötö’tajä’e yei’jödö wa’coto mmaja, yä’wa’demeecö’jödö wa’coto mmaja, yäätä’maminchatoojo änu’täcä chäwwä, yaamotoojo mmaja. Edääje töwö chö’tajäätödö: “Öwö ñäädä cajiichaana wataajimaajä. Iiño wääma’jödööjönö öwö; yeetunu eneejai’cha wa;” quee chö’tajäätödö.