JUAN 16:19 - Wanaadi A'deddu

¹⁹ Jesuuquidiito dhowaanäcä cönä’jaacä täcamma’jo’se yeichöcoomo. Töwö cönä’döaacä chäwwäiñe: —¿Ane’cäämö jäcä mätääcamma’jaato, yääje wä’dö’jödö jäcä ’ja: Eduuwaiche mma yeene’da maato’de; yäätonno numa’da mma cäneeato’dede; quee wä’dö’jödö jäcä ca mätääcamma’jaato?

JUAN 16:19 Iomraidhean Croise

MATEO 6:8

Ñanno wei’yejeiñe meichäi’che änwanno. Oomotoncomo dhowaanäcä na äwwäiñe a’cato, töwwä e’catäädö owaajodä dea.

MATEO 9:4

Jesuuquidiito dhowaanäcä cönä’jaacä yääje chö’tajäätödööcomo. Töwö cönä’döaacä: —¿Ane’que’nei cone’da ätö’tajä’ato dea?

MAADOCO 9:32

Ñoowanoomadö dhowaanäcäiñe’da cönäätaacä yääje ya’deuwödö. Tönwanno tösaade cönä’ja’to, yää jäcä ecamma’jo’se’da.

JUAN 13:33

Önnacoomo’cä, numa’da mma ajaadäiñe weichojo na eduuwa. Änwanno a’que cujiiyato’de; judhío wwäiñe wä’döaaquennöje mmaja wä’döa dea äwwäiñe: Öwö öötotoojo döiña änwanno täjai’cha maato; quee.

JUAN 14:19

Numa’da mma na eduuwa eetä weichojo, yäätonno yaawä edä nono de’woncomo yeene’da naato’de; änwanno mmaane cäneeato’de. Öwö nudä weijäcä änwanno nudä mmaja maato’dede.

JUAN 16:16

“Eduuwaiche mma yeene’da maato’de; yäätonno numa’da mma cäneeato’dede, Jaaja döiña öötädö weijäcä; quee cönä’döaacä Jesuuquidiito.

JUAN 16:18

¿Aaquene töucwadööje yääje nä’döaanä, “eduuwaiche mma” quee? Cowaanäcäiñe’da na mädä na’deuwaadö; quee cönä’döa’to Jesuuquidiito nowaanomaadö.

JUAN 16:23

“Yaawä änwanno ane’catä’da maato’de öwwä. Chäänönge yääje wä’döa äwwäiñe, Jaaja wwääne me’ca’ato’de; tameedä öwö yeetö joi ane’catäädöcoomo töwö nu’a’de äwwäiñe.

JUAN 16:26

Yaawä öwö yeetö joi me’ca’ato’de. Yääje ä’dö’da wa äwwäiñe, Jaaja wwä äjääcäiñe ya’deuwa’de; ca’da.

JUAN 16:30

Eduuwa ñaa owaanäcä na tameedä odhoowanääcä yeichö; anejja adheecamma’jojai’cha na. Yääje yeijäcä ñaa necaanö’a Wanaadi joono aweejö’jödö yeichö; quee cönä’döa’to.

JUAN 21:17

Yaawä Jesuuquidiito cöneecamma’joi chea aaduwaawädeeto ai: —Simón, Joná nnedö, ¿cujummaanä amäädä? quee cönä’döaacä chäwwä. Peedhodo wentumje cönä’döjoi yaawä aaduwaawäde täcamma’jo’jödö weijäcä, “ ¿cujummaanä?” quee. Töwö cönä’döaacä: —Cajiichaana, amäädä tameedä odhoowanääcä na; odhoowanääcä ajummatä weichö; quee cönä’döaacä Peedhodo. Yaawä Jesuuquidiito cönä’döaacä: —Yääje yeiya’jäcä sootoi ewanshinchocooto’de, ñanno oweeja nönga’como.

JUAN 6:61

Jesuuquidiito dhowaanäcä cönä’jaacä yääje ya’deuwödööcomo. Töwö cöneecamma’joicho yaawä: —¿Cone’da ca ayöödöjaato mädä ecammajäätödö?

JUAN 7:33

Yaawä Jesuuquidiito cönä’döaacä: —A’dhe mma ajaadäiñe weichojo na. Yää ’jeje yennaca’de yaanontänei’jödö döiña mmaja.

EEWEDEO 4:13

Ane’cä’cä tödööajä ’je’da na Wanaadi wwä ootone’täjaicho. Tameedä täne na chäwwä, tacaade mmaja, ñäädä cämmencaneichomooje töweiyemö wwä.

APOOCADIISI 2:23

Iiñacoomo mmaja wöja’aato’de. Tameedä quedeiyentecoomo dhowaanäcäiñe na’de yaawä soto tö’tajäätödö jadä’jödöödä tönemmenca weichö, chääwanööcomo mmaja. Awaadäiñe maneejemaato’de ännödööcomo woije.