JUAN 15:7 - Wanaadi A'deddu

⁷ “Jaadä dea aweiya’comjäcä, neecammajäätödö chö’taqueejö’da aweiya’comjäcä mmaja, yaawä tameedä ane’catäädöcoomo äwwäiñe nä’tua’de.

JUAN 15:7 Iomraidhean Croise

MATEO 7:7

“Ane’ca’täcä, äwwäiñe Wanaadi äntuiye; anuujichääcä, maneedantätäiye; a’dejjatääcä, mönaatata äwwäiñe ata’ducaiye.

JUAN 14:13

Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä.

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 16:23

“Yaawä änwanno ane’catä’da maato’de öwwä. Chäänönge yääje wä’döa äwwäiñe, Jaaja wwääne me’ca’ato’de; tameedä öwö yeetö joi ane’catäädöcoomo töwö nu’a’de äwwäiñe.

JUAN 8:31

Yää ’jeje Jesuuquidiito cönä’döaacä ñanno judhío täcaanö’nnamo wwäiñe: —Ya’deddu woije dea aweiya’comjäcä noowanoomadö chäänönga’comooje eijai maato yaawä.

JUAN 8:37

Yoowanääcä na Aawadán atöödöje aweichöcoomo. Yääje yeichaame änwanno yeema’se maato, ya’deddu aneeta’da aweichomjäcä.

CAADATA 4:2

Töwö mude’cä’cäje töweichö töweiye nai towaanomaanei woije, tädai’chänei woije mmaja, tumö nichu’nä’tä’jödö jona tödööene.

CAADATA 5:16

Edääje wä’dö’se wa äwwäiñe: Epíiditu Santo woije eichäcä, yaawä ajuunucoomo nijummadö woije ännö’da eijai maato.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

1 JUAN 2:14

Äwwadäädäiñe wimennäi änwanno yuumötoncomo, ñäädä yaajäntä’jödöödoto jadoonoje aweijäcäiñe. Äwwadäädäiñe wimennäi änwanno ääjömannamo, jäduuje aweijäcäiñe, Wanaadi a’deddu ataacaiñe yeijäcä mmaja, odo’sha e’jodheincha’jödö weijäcä mmaja äwwäiñe.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.

1 JUAN 5:14

Cönwanno queecanö’ato chäänönge Wanaadi weichö. Töwö yoije ane’cä’cä chäwwä e’ca’a’jäcä cöwwäiñe, töwö töneeta yaawä.