JUAN 15:24 - Wanaadi A'deddu

²⁴ Dhantawäiñe jooje aashichaato ännö’da wei’jo äächädääjemma choone’nadiiyöcoomo eichö. Tönwanno cöneenea’to yää önnö’jödö; yääje yeichaame quiiñeme’caato, Jaaja nichiiñeme’caato dea.

JUAN 15:24 Iomraidhean Croise

MATEO 11:5

Chäwwä ecammajä’täcä’de tänuuquemjöncomo enu’tädööcomo, secumja’como sheecuncadööcomo mmaja, woi ’ja’como ejiichö’tädööcomo mmaja, töjaanaquemjöncomo ijaana’ducaadöcoomo mmaja, yäämaajä adoncadö mmaja, aashichaato wätunnä ecammajäätödö mmaja wentumja’como wwä.

MATEO 21:32

Ñäädä Juan Wautiita töneecammajä’e cönä’jaacä äwwäiñe aashicha weiñä jäcä. Änwanno aneecamjö’da meiya’quene. Ñanno mmaane cöneecamjöicho, acu’shänä jödaatai i’jummannamo, masuuduija’como mmaja. Yää eneetaame äwwäiñe äto’tajäätödööcomo änsa’dumincha’da meiya’quene yää ’jeje ecamjödö wetä.

MATEO 9:33

Odo’sha ija’canö’ja’jäcä Jesuuquidiito wwä, ñäädä ta’deudemjönö cöna’deutai yaawä. Soto cönääcatoncaicho yaawä; cönä’döa’to: —Mädä nöngato aneene’da töweiye caato Iisadaaede ña; quee cönä’döa’to.

MAADOCO 2:12

Yaawä dea mma ñäädä dhanwa cönammöi. Tä’wötö shoomadö’jo cöntämä yaawä tameedä ñeenedööcomooje. Tameedä ñanno soto cönääcatoncaicho. Aashicha Wanaadi jäcä cöna’deuwa’to; cönä’döa’to: —Mädääjato aneene’da töweiye caato; quee cönä’döa’to.

DUUCA 24:19

Töwö cönä’döaacä chäwwäiñe: —¿Ane’cäämö mma? Tönwanno cönä’döa’to: —Yää Jesuuquidiito Naasade ñano jäcä cöneeja’dätäichö. Töwö cönä’jaacä Wanaadi wa’deuwödö ecammajä’nei jäduujato. Jäduuje cönä’ja’dea täneemö tödöödö jäcä, tameedä soto neneedöcoomoje, Wanaadi owaadäädä mmaja.

JUAN 10:32

Yaawä töwö cönä’döaacä chäwwäiñe: —Jooje aashichaato wödööne aneenedööcomooje, Jaaja jäduudu woije; ¿äshono jo’tädööje wääjätö’se maato?

JUAN 10:37

Jaaja nödöödö nönge mmaja ännö’da weiya’jäcä yaawääne yeecamjö’da eijai maato.

JUAN 12:10

Yaawä Wanaadi wwä töwa’deuwaamo edhaajotoncomo Dáasado emaadö cöna’de’toicho.

JUAN 12:45

Ñäädä öwö yeenenei, neneea dea yaanontänei’jödö.

JUAN 14:9

Jesuuquidiito cönä’döaacä chäwwä: —¿Numa ajaadäiñe weichaame odhoowanääcä’da dea wanä, Jediipe? Ñäädä yeenenei, töneene mmaja Jaaja. ¿Aaquene yääje mä’döaanä: “Oomo enoojocä;” quee?

JUAN 15:21

Tönwanno mädääje ayöödöaato’de sootoije aweichöcoomo jo’tädööje, towaanäcäiñe’da yeijäcä yaanontänei’jödö.

JUAN 15:22

“Öwö eejö’da wei’jo, chäwwäiñe aneecammajäätö’da wei’jo mmaja, yaawääne äächädääjemma choone’nadiiyöcoomo eichö. Eduuwa ya’deuto’como ’je’da na töcoone’nadiiyöcoomo jäcä.

JUAN 15:23

Ñäädä öwö quiiñeme’nei, Jaaja quiiñemeecödö wa’cä mmaja na dea.

JUAN 16:9

Öwö yeecamjö’da weiñä yää choone’nadiiyöcoomo;

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 5:36

Töweiye öwwä na Juan necamma’jödö e’jodhaato jaiñoone. Mädä Jaaja waanontädö tönnöe wääneneedö nene’ju’ja Jaaja yaanontänei’jödööje yeichö.

JUAN 6:36

Yääje wä’döaaquene äwwäiñe: “Öwö yeene’mataame äwwäiñe, aneecamjö’da maato;” quee.

JUAN 7:31

Jooje soto cöneecamjöicho töwö; tönwanno cönä’döa’to: —¿Äwaanacaanei we’a’jäcä jooje ene’ju’tojo tödööjai ñai, määdhä e’jodhe’cä? quee cönä’döa’to.

JUAN 9:32

Cönwanno aneeta’da dea caato soto wwä tänuuquemjönö wennuaajä ejiichö’tä’jödö.

JUAN 9:41

Jesuuquidiito cönä’döaacä chäwwäiñe: —Tänuuqueiñe’da meicho’jo mmaane ocoone’nadiiyöcoomo jo’tädööje täuwemje’da meichädö, töwäädä töneeneene töwäätä’tä määnetäänene’; yääje yeijäcä yää jo’tädööje täuwemje maato.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

DOSECHO 2:22

“Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

DOMAANO 1:30

Tönwanno anejja jäcä cone’da töwa’deuwe weneeneto dea, Wanaadi ämjumma’da mmaja; töwäätuujacoone’da mmaja weneeneto dea, töweewacööma mmaja, o’jodhe tötö’tajä’e mmaja. Conemjönö töneejannä’e mmaja weneeneto dea, tumöötoncomo a’deddu aneeta’da, senöötoncomo a’deddu mmaja.

2 TIIMOTEO 3:4

Tönwanno yääjönö wa’co’como wätäncu’tädööje mmaja naato’dede, tönnecoone’da mmaja, töweewacööma mmaja. Tönwanno töshiiye weiñä nijummaato’de Wanaadi ämjumma’da tödööene.

SANTIYAACO 4:4

Masuuduija’como änwanno. ¿Odhoowänääcäiñe’da ca’ nai edä nono de’wono tumjumma weiñä Wanaadi tu’dedööje yeichö? Ñäädä edä nono de’wono ijummanei Wanaadi tu’dedööje na.