JUAN 15:15 - Wanaadi A'deddu

¹⁵ Yaanonööje adhe’tätäiñe’da wa eduuwa. Dhanoonö dhowaanäcä’da töweiye nai tädhaajä wwä tödöötojo. Jimmäjeene mane’taato eduuwa, äwwäiñe ecamma’jödö weijäcä tameedä Jaaja wwä neeta’jödö.

JUAN 15:15 Iomraidhean Croise

MATEO 13:11

Töwö cöneccujä’a’to: —Änwanno äwwäiñe u’ajä na Wanaadi töcaajichaanaije weiñä jäcä owoowanoomato’como, yää owaanojöönö’jödö. Chäwwäiñe mmaane etaatojo ’je’da na.

DUUCA 10:23

Töwö tönoowanoomadö wwadäädäiñe cönä’jedennacai yaawä; cönä’döaacä chäwwäiñe: —Ta’cwaiñe eijai maato änwanno, yää töneene määnetäänedö enennamo.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

JUAN 13:16

Chäänönge yääje wä’döa äwwäiñe, dhanoonö tädhaajä e’jodhe’da na, anontaajä tanontänei’jödö e’jodhe’da mmaja.

JUAN 15:20

Ätö’tatääcä äwwäiñe wa’deuwö’jödö jäcä: Dhanoonö tädhaajä e’jodhe’da töweiye nai; quee wä’dö’jödö jäcä. Ñanno öwö maaminchaneetodö, amaaminchatantäi’chede; ñanno ya’deddu etannamo’jödö, adha’dedducoomo mmaja netaato’dede.

JUAN 16:12

“Jooje dea na äwwäiñe täcammajä’emö, etaajai’chaane maato eduuwa.

JUAN 17:26

Aweichö weneejone chäwwäiñe; eneejodööje dea wa’de, wä’jummanä ’je eiyeto, amäädä cujummaadöje mmaja, öwö dhacaiñe weichö wetä mmaja; quee cönä’döaacä Jesuuquidiito Tumö wwä töwa’deuwödaawä.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

JUAN 4:19

Yää eta’jäcä wodi cönä’döaacä: —Wanaadi wa’deuwödö ecammaneije ätö’ta öwwä.

JUAN 8:26

Öwwä töweiye na jooje äjääcäiñe täcammajä’emö, chäänönge’da aweichöcoomo jäcä. Chäänöngato ñäädä yaanontänei’jödö; öwö ya’deuwa soto wwäiñe töwö ñeecamma’jödö nönge mmaja; quee cönä’döaacä Jesuuquidiito.

DOSECHO 20:27

Öwö yä’jödöödä äwwäiñe wecammajä’ne Wanaadi a’deddu, dhantai etoone’tancädä’da.

DOMAANO 7:15

Önnödö yoowanääcä’da weneene; yääne waacö’jönööne tönnöe wäänene.

1 CODINTIYO 2:16

Edääje Wanaadi a’deddu imennaajä nä’döa: “¿Änääcö dhowaanäcä nai Cajiichaana tö’tajäätödö? ¿Änääcö Wanaadi onoowanoomadö’de?” quee nä’döa. Cönwanno cöwwäiñe töweiye na Quidiito tö’tajäätödö.

CAADATA 4:6

Yääje yeijäcä tönnacoomoje aweijäcäiñe Wanaadi cönaanontäi Epíiditu Santo odo’tacaiñe, ñäädä Iiñedö nutuudu. Yääje yeijäcä Epíiditu Santo woije Jaajaje Wanaadi que’taato.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 3:5

Yää owaanojöönö’jödö jenaadä täneejo’da cönä’jaacä soto wwäiñe. Eduuwaane Wanaadi woije Epíiditu Santo yää cöneenejoi aashicha’como anonta’como wwäiñe, Wanaadi wa’deuwödö ecammannamo wwäiñe mmaja.

CODOOSENSE 1:26

ecaademeecödö wetä mmaja yää owaanojöönö’jödö, yaajäntä’jödö jonnoto’jödöödä tacaade’da töweiye cönä’ja’dö. Eduuwaane töwö Wanaadi yää owaanojöönö’jödö cöneecadeeme’joi tösootoi wwäiñe.

JIIDEMÓN 1:16

Adhaanonööje mma’da töwö na eduuwa, aweichacoonoje mmajaane. Öwwä tujunne na jooje, töwaacö’je äwwä eijai ña, adhaanonööje yeichö jäcäinchädä mma’da, Jesuuquidiito jäcäinchädä aweichacoonoje yeijäcä mmajaane.

SANTIYAACO 1:1

Öwö Santiyaaco, Wanaadi anoonö, Cajiichaana Jesuuquidiito anoonö mmaja, ya’deujödö wadääja äwwadäädäiñe, änwanno iisadaaediitacoomo, amoojadooto de’wä aacä adhaadai’choncomo naadö, tameedä nono weichö wa’cä äwäämecanta’como maatoodö.

SANTIYAACO 2:23

Mädääje chäänönge cönä’döi Wanaadi a’deddu imennaajä, yää edääje yä’dödö naichö: “Aawadán Wanaadi cöneecamjöi; yää ñeecamjödö jäcäinchädä Wanaadi töjaadonooje cönnöi;” quee yä’dödö naichö. Ñäädä Aawadán Wanaadi weichacoonoje e’taajä cönä’jaacä.

1 PEEDHODO 1:11

Yeeja’dätäädö owaajodä Epíiditu Santo chäwwäiñe töneecammajä’e cönä’jaacä Quidiito wäntunaanö’tojo, aashicha weiñä yää ’jeje töweiyemö jäcä mmaja. Ñanno Wanaadi wa’deuwödö ecammannamo a’que töntö’tamme’que töweiye cönä’ja’to ñäädä Epíiditu Santo tötaacaiñe cönä’ja’dö necammadö, ñeecammadö we’tojo cu’nädö mmaja a’que töntö’tamme’que töweiye cönä’ja’to dea.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.