JUAN 15:11 - Wanaadi A'deddu

¹¹ “Mädääje äwwäiñe ya’deuwa öwö ya’cwaniiyö ’je aweichöcoomo wetä, chäänönge jeene adha’cwaniiyöcoomo eiye.

JUAN 15:11 Iomraidhean Croise

DUUCA 15:23

Jaaca nnedö’cä ejuiñanö’caajä eichantäcä, mamiiñä’catäiye; ta’cwaiñe cääwashinchätäiye, tujuumä.

DUUCA 15:32

Eduuwa chäänönge ta’cwaiñe cääwashinchaato, määdhä adhaacono yäämaajä wa’cä cönä’ja’dö cöjoodö’jocoomo weijäcä. Töwö tösaadijange cönä’jaacä, eduuwa näädantojoi;” quee cönä’döaacä yuumö tönnedö wwä; quee cönä’döaacä Jesuuquidiito.

DUUCA 15:5

Töwwä edanta’jäcä na’cwaincha yaawä; tänaawä nannä’a yaawä.

DUUCA 15:9

Töwwä edanta’jäcä töjimmä na’dejjaato yaawä, töjaatawoncomo mmaja. Töwö nä’döa chäwwäiñe: “Jaadä adha’cwainchatääcä, jöödatai wääma’jödö edantä’jödö weijäcä öwwä;” quee nä’döa ñäädä wodi.

JUAN 16:24

Eduuwa naadö jona tödööene öwö yeetö joi ane’catä’da maato. Eduuwaane öwö yeetö joi ane’ca’täcä’de, chääwa’cä adha’cwaniiyöcoomo weichö wetä.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

JUAN 17:13

“Eduuwa wöta adöiña; edä ya’deuwa edä nono de’wä dea weichö, öwö ya’cwaniiyö dea töweiye yeichö wetä chäwwäiñe.

JUAN 3:29

Jötaanawä töweiye naichö naane’, ñäädä töjöötaamööne wodi yö’tä nä’döa. Ñäädä töjöötaamö weichacoono töjöötaamö a’deddu niyoomo’ca; töwö na’cwaincha yaawä ya’deuwödö etaadö’jo. Mädääje wa öwö, ta’cwaiñe wa jooje.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

2 CODINTIYO 1:24

Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.

EUJEESIYO 5:18

Ä’dacu’da eichäcä; yääje weiñä wecoone’manä nejoodöja. Epíiditu Santo jäduudu ’jeene eichäcä.

JIDIIPENSE 1:25

Yääje yeijäcä nudä weichojo yoowanääcä na, ajaadäiñe weichö wetä, quedeiyenteje aweichöcoomo jäcä ä’wa’täneichomooje, aneecamjödööcomo jäcä ta’cwaiñe aweichöcoomo wetä mmaja.

1 TEESADOONISENSE 5:16

Ta’cwaiñe eichäcä yeichöje.

1 PEEDHODO 1:8

Ñäädä Jesuuquidiito mijummaato eneedö’jo’da; eduuwa aneene’da aweichaameiñe mmaja mecaanö’ato, ta’cwaiñe aweiyancädäiñe, yää ecammadö e’jodhaato a’cwani aashichaato que.

1 JUAN 1:4

Edä ñaa nimenna äwwadäädäiñe ta’cwaiñe’cä jeene aweichöcoomo wetä.

2 JUAN 1:12

Jooje äwwäiñe täcammajä’emö naadö’je öwwä, yaawääne’ jajeeda jäcä ämmennä’da wa. Öwö jaiñoone adöiñaiñe öötä’se wa adheeneiñe, ääje’tacaane ca’deujä’täiye, chääwa’cä jeene ca’cwaniiyöcoomo eiye yaawä.